राष्ट्रपति सीले सेनालाई किन ‘युद्धका निम्ति तयार रहन’ निर्देशन दिए?




सी चिनफिङ
सी चिनफिङ
सिन्ह्वा

चिनियाँ राष्ट्रपति सी चिनफिङले देश संकटबाट गुज्रिएको भन्दै त्यसको सामना गर्न युद्धका निम्ति तयार हुन पिपुल्स लिबरेसन आर्मी (पीएलए) लाई निर्देशन दिएका छन्।

शुक्रबार राजधानी बेजिङमा भएको केन्द्रीय सैन्य आयोगको बैठकलाई सम्बोधन गर्दै सीले देश खतरातर्फ बढिरहेकाले अप्रत्याशित परिस्थित र युद्धका निम्ति तयार रहन निर्देशन दिएका हुन्।

‘विश्वमा अहिले यस्तो परिवर्तन भइरहेको छ, जुन बितेको एक दशकमा कहिल्यै भएको थिएन’, सीले भने, ‘त्यसैले हामी सचेत रहनुपर्छ, रणनीति विकास गर्नुपर्छ।’

राष्ट्रपति सी चिनियाँ कम्युनिष्ट पार्टीको महासचिव र केन्द्रीय सैन्य आयोगका अध्यक्ष हुन्। पीएलएका उच्च अधिकारीलाई मात्र सहभागी गराइएको बैठकमा सीले दिएको प्रतिरक्षा रणनीति सम्बन्धी मन्तव्य पछि केन्द्रीय टेलिभिजनले प्रशारण गरेको थियो।

‘सेनाका सबै युनिटले प्रमुख राष्ट्रिय सुरक्षा र नयाँ परिस्थिति विकासको ट्रेण्ड राम्रोसँग बुझ्नै पर्छ’, सीले भने, ‘अप्रत्याशित कठिनाई, संकट र युद्धका निम्ति पनि तयार रहनु पर्छ।’

विश्वशक्ति अमेरिकासँग व्यापार युद्ध भइरहेको बेला आफुले अगाडि बढाएको बेल्ट एण्ड रोड इनिसियटिभ (बीआरआई) लाई रोक्न राष्ट्रपति डोनाल्ड ट्रम्पले एशिया–प्रशान्त रणनीत आक्रामक रुपले अगाडि सारेको बेला राष्ट्रपति सीले यस्तो निर्देशन दिएका हुन्। 

सन् २०१३ पहिलो पटक राष्ट्रपति भएदेखि नै सीले सेनालाई जस्तासुकै परिस्थितिका लागि तयार रहन निर्देशन दिँदै आएका छन्। तर २०१९ मा राष्ट्रपति सीले बढी गम्भिर रुपमा युद्धकै तयारी गर्न निर्देशन दिएका हुन्।

पीएलएको मुखपत्र पीएलए डेलीले अघिल्लो साता एउटा सम्पादकीयमा ‘युद्धको तयारी ढिलो गर्ने समय नभएको’ बताएको थियो।

चिनियाँ कम्युनिष्ट पार्टी निकट द ग्लोबल टाइम्स दैनिकका अनुसार दक्षिण चीन सागरमा आफ्नो नियन्त्रण बढाउन र अमेरिकासँगको व्यापार युद्ध तथा ताइवन सम्बन्धलाई लिएर उत्पन्न हुनसक्ने खतराको सामना गर्न तयार रहेको सन्देश दिन चाहन्छ चीन।

बैठकपछि राष्ट्रपति सीले एउटा सैन्य दस्तावेजमा हस्ताक्षर गरेका छन्, जसअनुसार पीएलएको युद्ध क्षमता जाँच गर्न चीनले क्षमता प्रदर्शन कार्यक्रम आयोजना गर्ने बताइएको छ।

प्रकाशित २१ पुस २०७५, शनिबार | 2019-01-05 22:45:02
Max TV
Max TV
Zen Travels
Vianet

नेपालखबरबाट थप


प्रतिकृया दिनुहोस

ntc
NLIC
Machhapuchhre Bank
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Machhapuchhre Bank
Prabhu Bank
Mega Bank
Yeti Air
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • युट्युबबाट कसरी मालामाल हुन्छन् युट्युबर?

    ‘सालको पातको टपरी हुनी’ गीत युट्युवमा २ करोडभन्दा धेरैपटक हेरिएको छ। उक्त भिडियोका कारण उनको युट्युवलाई सस्क्राइब गर्नेको संख्या पनि १ लाख ८६ हजार...

  • पक्राउ परेका लोप्साङ लामा (अगाडि कालो ज्याकेट, ग्रे ट्राउजर लगाउने) दिल्ली प्रहरी अधिकारीसँग

    खुंखार मानव तस्कर लोप्साङलाई दिल्ली प्रहरीले पानीमुनिबाट समात्यो

    नेपाली युवतीलाई भारतीय बाटो हुँदै खाडी देशमा बेचबिखन गर्ने खुंखार मानव तस्कर लोप्साङ लामालाई नयाँ दिल्ली प्रहरीले पक्राउ गरेको छ

  • २०७२ को भूकम्पबाट हिमाली क्षेत्रमा भएको क्षति

    नेपालको हिमाली क्षेत्रमा महाभूकम्प जान्छ, तयारी गरौंः नयाँ अध्ययन

    हिमाली क्षेत्रहरु भूकम्पीय दृष्टिले खतरनाक छन्। अनुमान अनुसार ८ दशमलब ७ म्याग्निच्यूडको भूकम्प गएर १५ सय ५ पटक झट्का अथवा पराकम्पन गए त्यसले ६...

  • जीवन शर्मा

    प्रचण्डलाई सुरक्षा कसले दिएको छ, सत्ताको कुरा त्यहीँनेर आउँछः जीवन शर्मा

    रमण घिमिरेः नारायणगोपालले कुन त्यस्तो गीत गाए जसले गर्दा उनलाई बुर्जुवा गीतका गायक भनियो? जीवन शर्माः चाँदनी शाहले लेखेको गीतले कसको सेवा गर्छ?