भुटानमा नयाँ पार्टीलाई सरकार बनाउन बहुमत


Kshamadevi Group


चुनावअघि मतदातासँग डिएनटीका सभापति डा. लोटे छिरिङ
चुनावअघि मतदातासँग डिएनटीका सभापति डा. लोटे छिरिङ

भुटानमा नयाँ राजनीतिक पार्टी ड्रुक न्यमन रुव शोग–पा (डिएनटी) ले सरकार गठन गर्ने भएको छ।

बिहिबार भएको चुनावमा डा. लोटे छिरिङले नेतृत्व गरेको डिएनटीले ४७ मध्ये ३० सिट जितेर संसदको तल्लो सदनमा बहुमत हासिल गरेको छ, जुन सरकार गठन गर्नका लागि स्पष्ट बहुमत हो। बिहिबार साँझ आएको मत परिणाम अनुसार प्रमुख प्रतिपक्षी पार्टी ड्रुक फुन्सुम शोग–पा (डिटिपी) १७ स्थानमा खुम्चिएको छ।

भुटानको सत्तारुढ पीपुल्स डेमोक्य्राटिक पार्टी (पिडिपी) त भदौको अन्तिम साता भएको पहिलो चरणको चुनावबाटै बाहिरिएको थियो।

संसदमा ३० सिट जितेर सरकार बनाउने तयारीमा रहेको डिएनटी २०१३ को चुनावभन्दा केही समयअघि मात्र गठन भएको थियो। भुटानका मतदातले तेस्रो चुनावमा तेस्रो पार्टीलाई सत्तामा पुर्याएका हुन्।

२००८ मा भएको पहिलो संसदीय चुनावमा ४७ मध्ये ४५ सिट जितेर डिपिटीले सरकार बनायो भने पिडिपीले २ स्थानमै सिमित भयो।

२०१३ मा भएको दोस्रो चुनावमा ३२ स्थान जितेर सरकार बनाउन पिडिपी सफल भयो भने डिटिपी १५ स्थानम थन्कियो।

अहिले २०१८ मा भएको चुनावमा पहिले सरकार बनाएका दुबै पार्टी पराजित भएका छन्। ३० स्थान हासिल गरेर डिएनटीले सरकार गठन गर्ने मान्यता पाएको छ भने डिटिपी १७ स्थानमा रोकिएको छ।

नयाँ पार्टी डिएनटीले भुटानमा बढ्दो आर्थिक असमानतालाई प्रमुख चुनावी मुद्दा बताएको थियो। सो दलले स्वास्थ्य सेवालाई प्रभावकारी रुपमा अघि बढाउने योजना अघि सारेको छ।

दोक्लाममा भारत र चीनबीच चर्केको सैन्य तनावपछि भुटानमा भएको यो चुनावलाई बाह्य विश्वले पनि चासोका साथ हेरेको थियो।

भुटानमा २० जिल्लामा ४७ निर्वाचन क्षेत्र छन्। भुटानको कानुनअनुसार नेशनल एसेम्बली चुनावमा राजनीतिक पार्टीले मात्रै भाग लिन पाउँछन्। माथिल्लो सदन र स्थानीय निकायमा भने राजनीतिक पार्टी नभई स्वतन्त्र व्यक्तिबीच चुनाव हुन्छ।

संसदको चुनाव दुई चरणमा हुन्छ। पहिलो चरणमा मतदाताले राजनीतिक पार्टीलाई मत दिन्छन्। देशभरबाट बढी मत प्राप्त गर्ने दुई पार्टीबीच दोस्रो चरणमा प्रतिस्पर्धा हुन्छ। त्यसबेला आफ्ना उम्मेदवारसहित दुई राजनीतिक पार्टी चुनावी प्रतिस्पर्धामा आउँछन्।

पहिलो चरणको चुनावमा जस्तै डिएनटीले आर्थिक रुपले तुलनात्मक रुपमा सम्पन्न दक्षिण पश्चिम क्षेत्रमा स्वीप गरेको छ। सरकार पुग्ने प्रयास असफल भएपनि पूर्वी क्षेत्रमा रहेको आफ्नो प्रभाव जोगाउन डिपिटी सफल भएको छ।

 

प्रकाशित १ कार्तिक २०७५, बिहिबार | 2018-10-18 21:21:28
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Yeti Air
Jewellery
Civil Bank
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Civil Bank
Yeti Air
Loading...

विचार

सुखद शुक्रबार

ब्लग

Max TV

प्रविधि

Hamro Patro
Classic Tech

NepalKhabar Tweets

विशेष

  • अपहरण धन्दाका खुँखारहरुः भीमसेन पण्डित, उदय सेट्टी, अमर टण्डन र रोहित पालिवाल

    खुँखार अपहरणकारी पण्डितले सेट्टी भेट्न किन पठाए जेलमा दूत?

    अपहरण र फिरौतीलाई व्यवस्थित र व्यवसायिक बनाएका भिमसेन पण्डित, अमर टण्डन र उदय सेट्टीले एक अर्काबीच सम्पर्क बढाइरहेको गोप्य सूचना प्रहरीले पाएको छ।

  • बेइजिङमा भइरहेको ‘बेल्ट एण्ड रोड, नेपाली थाङ्का प्रदर्शनी’ कक्ष

    चीनमा चिनारी खोज्दै नेवारी पौभा

    ४ वर्षअघिसम्म चीनमा नेपाली हस्तकलाको ठूलो माग थियो। राष्ट्रपति सी चिनफिङले भ्रष्टाचार नियन्त्रणमा कडाई गर्न थाले। महँगा महँगा थाङ्का उपहार...

  • नेपालका लागि भारतका पहिलो राजदूत सुरजित सिंह मजिठिया १० डिसेम्बर १९४७ मा हनुमानढोकास्थित गद्दी बैठकमा राजा त्रिभुवनलाई ओहदाको प्रमाणपत्र बुझाउँदै

    काठमाडौंमा राजदूत पुरीको फरक काम

    नेपाल र भारतबीचको सम्बन्धबारे चर्चा गर्दा इतिहासका अनेक कालखण्डमा नेपालमाथि भारत हावी रहेको पाइन्छ। तर, आज प्रष्ट भन्न सकिन्छ, हिजोभन्दा आज त्यस्तो...

  • कमला श्रेष्ठ

    नेपालमा ‘मान्छे सिँगार्ने कला’ को जग बसाल्ने कमला

    नेपाल फर्कंदा उनले उतैबाट किनेर १२० सिसिको होण्डाको मोटरसाइकल ल्याइन्। काठमाडौँ सहरमा कमलाले मोटरसाइकल गुडाएको देख्दा हेर्नेको भिड लाग्थ्यो।...