सस्तो डेरा खोज्दै डा बाबुरामको छोरी-ज्वाइँसँग बास


Infocus



डा बाबुराम भट्टराई
डा बाबुराम भट्टराई

एक महिना लामो भ्रमणको सिलसिलामा विशालनगर निवासबाट अमेरिका प्रस्थान गरेका नयाँ शक्ति नेपालका संयोजक तथा पूर्व प्रधानमन्त्री बाबुराम भट्टराई उताबाट फर्कंदा चाहिँ टोखास्थित डेरामा भित्रिएका छन्।

बिशालनगरस्थित निवास (डेरा) निकै महंगो भएको भन्दै उनी अमेरिका भएकै बेला टोखास्थित ‘हार्माेनी कोलोनी’ मा डा भट्टराईको डेरा सारिएको हो। उनी अमेरिकामा छँदा नै सहयोगीहरुले विशालनगरबाट उनको डेरा टोखा सारिदिएका थिए।

तीन बर्षअघिसम्म सानेपा (ललितपुर) स्थित एउटा घर ५० हजार मासिक रुपियाँ तिरेर भाडामा बस्दै आएका डा भट्टराई घरधनीले घर बेचेपछि बिशालनगर सरेका थिए, जहाँ उनी बस्ने घरको भाडा १ लाख १० हजार थियो।

बिशाननगरस्थित नयाँ डेरा उनका लागि खासै फापेन। त्यही घरमा रहँदा स्थानीय निर्वाचनमा पार्टीको नराम्रो पराजय भयो। प्रदेश सभा तथा प्रतिनिधि सभाको चुनावमा पनि पार्टीले सोचेजस्तो स्थान ल्याउन सकेन।

त्यसबाहेक शीर्षस्थानमा रहेका पार्टीका कैयौँ नेता-कार्यकर्ताहरुले पनि पार्टी छाड्न थाले। प्रतिनिधि सभामा डा भट्टराई मात्र नयाँशक्तिका तर्फबाट विजयी भएकाले आर्थिक रुपले पनि पार्टीको स्थिति राम्रो रहेन। त्यसैले, उनी नयाँ डेराको खोजीमा थिए।

डा भट्टराईको नयाँ निवास

डा भट्टराईको नयाँ निवास

स्रोतका अनुसार, उनी अमेरिका प्रस्थान गर्नुअघि नै टोखास्थित सो घर पत्ता लागेको थियो। राम्रो सुरक्षा व्यवस्था भएको कोलोनीको यो घर छोरी मानुषी यमी र ज्वाइँ जेकेन्द्र श्रेष्ठले खोजेका थिए। त्यसैले, बाबुरामपनि छोरी-ज्वाइँसँगै त्यही घरमा बस्ने निर्णयमा पुगे।

राजधानीको केन्द्रबाट अलिक पर रहेकाले सो घरको मासिक भाडा ५० हजार रुपियाँ छ। ‘विशालनगरमा बसेको घरको एक महिनाको भाडाले त्यहाँ दुई महिना तिर्न पुग्छ’ स्रोतले भन्यो, ‘सुरक्षापनि राम्रो र शान्त पनि भएकाले उहाँपनि त्यहीँ सर्ने निर्णयमा पुग्नुभयो।’

प्रकाशित २६ असोज २०७५, शुक्रबार | 2018-10-12 16:30:44
Max TV
Max TV
Zen Travels
Vianet


प्रतिकृया दिनुहोस

ntc
NLIC
Hyundai
Machhapuchhre Bank
Prabhu Bank
City Express
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Hyundai
Machhapuchhre Bank
Prabhu Bank
City Express
Yeti Air
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

रोचक

NepalKhabar Tweets

विशेष

  • निगमकाे वाइडबडी अन्नपूर्ण विमान

    वाइडबडी खरिदमा कानुनका १४ वटा दफा उल्लंघन

    नेपाल वायु सेवा निगमले वाइडबडी विमान खरिद गर्दा सार्वजनिक खरिद ऐनका १४ वटा दफा उल्लंघन भएको देखिएको छ।

  • पार्टी एकताका दिन ३ जेठमा  झलनाथ खनाल बाहेक नेकपा केन्द्रीय सचिवालयका नेताहरु

    नेकपाका पाँच भर्सेस् चार शीर्ष नेताः कति एकता, कति भिन्नता?

    ओली-प्रचण्डसहित केन्द्रीय सचिवालयका पाँचजना नेता एकातिर र २२ असोजको बैठक बहिस्कार गरेका नेपाल–खनालसहितका चार नेता अर्काेतिर जस्तो देखिएपनि चार जना...

  • सुरेश गैरे

    सुरेशकाे शालीन संगीत यात्रा

    ‘मलाई सफ्ट र मेलेडियस् संगीतमा काम गर्न मन पर्छ’ सुरेश भन्छन्, ‘भारतीय मोर्डन गीतहरुबाट बढी प्रभावित छु। पप गीतहरु खासै मन पर्दैन’, उनी सुनाउँछन्।...

  • प्रचण्ड

    कास्कीबाट चौथो चुनाव लड्दैछन् प्रचण्ड?

    एउटै निर्वाचन क्षेत्रमा अल्झेर नबस्ने प्रचण्डको बिगतले पनि उनले आगामी निर्वाचनमा प्रतिस्पर्धाका लागि कास्की रोज्नसक्ने सम्भावनालाई नकार्न सकिँदैन।