Exclusive

कांग्रेस-कम्युनिष्टको झगडाले भारतीयलाई थारु महाधिवेशन उद्घाटनको अवसर



‘भाई फुटे, गवाँर लुटे’ भन्ने नेपाली उखान नै छ। थारुहरुको नेतृत्वदायी संस्था थारु कल्याणकारी सभाको २२ औँ अधिवेशनको उद्घाटन कसले गर्ने भन्ने विवाद हुँदा यो अवसर एकजना भारतीय नेताले पाएका छन्।

आइतबार (७ असोज) देखि काठमाडौँमा सुरु भएको तीन दिने महाधिवेशनको उद्घाटन प्रधानमन्त्री केपी शर्मा ओलीबाट गर्नुपर्ने प्रस्ताव सभाको नेतृत्वमा रहेका नेकपा समर्थकहरुले गरेका थिए। कांग्रेस र मधेशी दल समर्थकले चाहिँ यसको विरोध गरे।

उनीहरुको भनाई मधेशी-थारु विरोधी रहेकाले ओलीबाट सभाको उद्घाटन गराउनु हुँदैन भन्ने थियो। उनीहरुको प्रस्ताव नेपाली कांग्रेसका सभापति शेरबहादुर देउवाबाट उद्घाटन गराउनु पर्छ भन्ने थियो। देउवाबाट उद्घाटन गराउने कुराको विरोध नेकपा पक्षधरबाट भयो।

सहमति जुट्न नसकेपछि प्रधानमन्त्री भएका कारण ओलीबाट नै उद्घाटन गराउनु पर्छ भन्नेमा कांग्रेस पक्षधरु पनि सहमत भए।

यसरी बल्ल बल्ल ओलीबाट उद्घाटन गराउने भन्ने कुरामा सहमति जुटेपनि महाधिवेशनको अघिल्लो दिन प्रधानमन्त्री ओली राष्ट्र संघीय महासभामा सहभागी न्युयोर्क प्रस्थान गरिदिए। अब उनी

प्रधानमन्त्री ओली महाधिवेशनको न्यूयोर्क प्रस्थान गरेपछि कोबाट उद्घाटन गराउने भन्ने समस्या पर्‍यो। कांग्रेस पक्षले उद्घाटन कांग्रेस सभापति शेरबहादुर देउवाबाट गर्नुपर्ने प्रस्ताव गर्‍यो।

तर, देउवाबाट उद्घाटन गराउने कुरामा नेकपा समर्थकहरु सहमत भएनन्। उनीहरु कुनै हालतमा देउवाबाट महाधिवेशन गर्न नहुने दृढ अडानमा रहे। उनीहरुले अरु कसैको नाम प्रस्ताव गरेनन्, तर देउवाबाट उद्घाटन गर्नु हुँदैन भन्ने एकोहोरो विरोध आइतबार बिहानसम्म गरिरहे।

कांग्रेस-कम्युनिष्टबीच मतैक्यता नभएपछि सम्मेलनमा अतिथिको रुपमा आएका भारतको थारु कल्याणकारी महासभाका अध्यक्षबाट उद्घाटन गराउने सहमतिमा दुबै पक्ष पुगे। र, महासंघका अध्यक्ष दीपनारायण प्रसादले २२ औँ महाधिवेशनको उद्घाटन गरे।

२००५ सालमा स्थापित भएको थारु कल्याणकारी सभा गैर राजनीतिक संस्था भएपनि केही बर्षयता सभाका अगुवाहरुको राजनीतिक द्वन्द्वले यो संस्था आक्रान्त बनेको छ।

कतिसम्म भने, महाधिवेशनबाट नयाँ नेतृत्व छान्ने बिषयमा पनि ध्रुबीकृत भएका छन्। नेतृत्वका लागि कांग्रेस समर्थक र नेकपा समर्थक प्यानल नै खडा भएको छ।

एउटा प्यानलको नेतृत्व जनजाति महासंघका पूर्व अध्यक्ष राजकुमार लेखीले गरेका छन्। हाल राजपामा रहेका उनलाई नेकपाको समर्थन छ। उनी लामो समय पूर्व एमाले सम्बद्ध थिए।

वर्तमान अध्यक्ष धनीराम चौधरीले अर्काे प्यानल बनाएका छन्। चौधरीलाई नेपाली कांग्रेसले समर्थन गरेको छ। टीकापुर घटनाको अभियोग लागेका चौधरी अर्ध भूमिगत हैसियतमा छन्।

महाधिवेशनमा देशका विभिन्न जिल्लाबाट छनिएर करिब एक हजार प्रतिनिधिको सहभागिता छ।

प्रकाशित ७ असोज २०७५, आइतबार | 2018-09-23 16:51:33
Max TV
Max TV
Vianet

नेपालखबरबाट थप


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • गृमन्त्री रामबहादुर थापा र अर्थमन्त्री युवराज खतिवडा यथावत रहनेछन्

    मन्त्रिपरिषद् पुनर्गठन गृहकार्यः को को मन्त्री बिदा हुँदैछन्

    पार्टी सचिवालयको सन्तुलन कायम राख्न गृहमन्त्री थापा र उपयुक्त विकल्प नहुँदा अर्थमन्त्री खतिवडालाई हटाउन चाहँदैनन् प्रधानमन्त्री ओली।

  • राजनारायण पाठक र लोकमानसिंह कार्की

    लोकमान–राजनारायणलाई टंगाल पठाएर सूर्यनाथको अपेक्षा?

    अख्तियारमा नियुक्ति पाउन लोकमानसिंह कार्कीले कति रकम खर्च गरेका थिए भन्ने गाइँगुइँ त्यसै चुहिएको छैन। राजनारायण पाठकले अवकाश पाउनासाथ अख्तियारमा...

  • संघीय मामिला तथा सामान्य प्रशासन मन्त्रालय

    स्थानीय तह र प्रदेशको करको दर/दायरामा केन्द्र सरकारको नियन्त्रण

    स्थानीय तथा प्रदेश सरकारले उठाएको करको दर र दायराको विषयमा केन्द्र सरकारले एक अध्ययन गरी विभिन्न शीर्षकमा आफूखुसी उठाउँदै आएका करमाथि नियन्त्रण...

  • राजनारायण पाठक

    अख्तियारकाे विशेष टाेलीले पाठकबिरूद्ध थाल्याे अनुसन्धान

    ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकबिरुद्ध आयोगले नै छानबिन अघि बढाएको छ।