भारतमा प्रचण्डले दिएको अन्तर्वार्ताले बालुवाटारमा हलचल

प्रचण्डको स्पष्टिकरण: मैले नभनेको कुरा पत्रिकाले प्रकासित गरिदिएछ


Kshamadevi Group


नेकपा केन्द्रीय सचिवालय बैठक
नेकपा केन्द्रीय सचिवालय बैठक

सत्तारुढ नेकपाको केन्द्रीय सचिवालय बैठकपछि प्रवक्ता नारायणकाजी श्रेष्ठले पार्टी एकताका विषयमामात्र छलफल भएको बताएपनि नेताहरु विदेश भ्रमणबारे पनि छलफल भएको छ।

भारत भ्रमणका क्रममा दिएको एउटा अन्तर्वार्ताका कारण बैठकमा अध्यक्ष अध्यक्ष पुष्पकमल दाहाल (प्रचण्ड) प्रतिरक्षात्मक स्थितिमा पुगे। त्यो थियो, हिन्दूस्तान टाइम्सलाई दिएको अन्तर्वार्ता।

अन्तर्वार्ताकार प्रशान्त झाले प्रचण्डसँग सोधेका छन्, ‘एमालेसँग पार्टी एकता हुँदा खास के विषयमा सहमति भएको थियो? ओलीले दुई बर्षभित्र तपाईंलाई प्रधानमन्त्री, पार्टी अध्यक्ष वा दुबै दिन्छु भनेर प्रतिवद्धता व्यक्त गरेका छन्?’

यो प्रश्नमा प्रचण्डले निकै छोटो उत्तर दिएका छन्। प्रचण्डले भनेका छन्, ‘समझदारीको मर्म ती दुई मध्ये एक (दिने भन्ने) छ।’ झाले यससँगै पुरक प्रश्न गरेका छन्, ‘यदि उनले पुरा गरेनन् भने!’ 

प्रचण्ड यो प्रश्नको उत्तर दिने क्रममा भनेका छन्, ‘त्यसपछि हामी विचार गर्नेछौँ। हालका लागि हामी निकै सतर्कताका साथ अघि बढिरहेका छौँ। म त्यही भावनाका साथ अघि बढिरहेको छु। यो कुरा मैले भारतीय नेताहरुलाई पनि भनेको छु।’

हो, प्रचण्डको यही अभिव्यक्तिको विषयलाई लिएर आजको बैठकमा प्रश्न उठ्यो। बैठकको विस्तृत विवरण त प्राप्त भएको छैन। तर, स्रोतका अनुसार, नेताहरुले प्रचण्डलाई र्‍याखर्‍याख पारेपछि प्रचण्डले जवाफ दिए, ‘अन्तर्वार्तामा जे कुरा प्रकासित भएको छ, मैले त्यसरी बोलेको होइन। अन्तर्वार्ता लिनेले बिगारेर प्रकासित गरिदिएछ।’

सचिवालय सदस्य बामदेब गौतमले आजको बैठकमा पार्टी एकताबारे महासचिवको प्रतिवेदन बाहेक नेताहरुले विदेश भ्रमणका विषयमापनि छलफल भएको बताए।

‘अध्यक्ष ओलीले बिमस्टेक सम्मेलन, प्रचण्डले भारत भ्रमण, माधव नेपालले अमेरिका भ्रमण र ईश्वर पोखरेलले लेवनन-पोल्याण्ड भ्रमणबारे जानकारी गराउनुभयो’ गौतमले भने, ‘बैठकले सबै सम्मेलन र भ्रमणहरु सफल भएको, सम्बन्धलाई सुदृढ बनाउन भूमिका खेलेको निष्कर्ष निकालेको छ।’

प्रकाशित २७ भदौ २०७५, बुधबार | 2018-09-12 20:41:06
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • बेइजिङमा भइरहेको ‘बेल्ट एण्ड रोड, नेपाली थाङ्का प्रदर्शनी’ कक्ष

    चीनमा चिनारी खोज्दै नेवारी पौभा

    ४ वर्षअघिसम्म चीनमा नेपाली हस्तकलाको ठूलो माग थियो। राष्ट्रपति सी चिनफिङले भ्रष्टाचार नियन्त्रणमा कडाई गर्न थाले। महँगा महँगा थाङ्का उपहार...

  • नेपालका लागि भारतका पहिलो राजदूत सुरजित सिंह मजिठिया १० डिसेम्बर १९४७ मा हनुमानढोकास्थित गद्दी बैठकमा राजा त्रिभुवनलाई ओहदाको प्रमाणपत्र बुझाउँदै

    काठमाडौंमा राजदूत पुरीको फरक काम

    नेपाल र भारतबीचको सम्बन्धबारे चर्चा गर्दा इतिहासका अनेक कालखण्डमा नेपालमाथि भारत हावी रहेको पाइन्छ। तर, आज प्रष्ट भन्न सकिन्छ, हिजोभन्दा आज त्यस्तो...

  • कमला श्रेष्ठ

    नेपालमा ‘मान्छे सिँगार्ने कला’ को जग बसाल्ने कमला

    नेपाल फर्कंदा उनले उतैबाट किनेर १२० सिसिको होण्डाको मोटरसाइकल ल्याइन्। काठमाडौँ सहरमा कमलाले मोटरसाइकल गुडाएको देख्दा हेर्नेको भिड लाग्थ्यो।...

  • कोहलपुर रंगशाला र रंगशालाका लागि राखेपले बनाएको गुरुयोजना

    नेपाली क्रिकेटको नयाँ गन्तव्य

    कोहलपुल क्रिकेट मैदानमा आठौं राष्ट्रिय खेलकुद प्रतियोगिता अन्तर्गत पुरुष क्रिकेटका समूह ‘बी’का खेलहरु र सेमिफाइनल तथा फाइनल खेलहरु हुँदैछन्।