पार्टी एकतापछि उमेर र पदको सीमा हटाउन कसरत



प्रचण्ड र बामदेब
प्रचण्ड र बामदेब
फाइल फोटो

एमाले र माओवादी केन्द्रबीच एकताका लागि गृहकार्य जारी रहँदा दुबै पार्टीका तर्फबाट आ–आफ्ना स्वार्थहरु प्रकट हुन थालेका छन्।

स्रोतका अनुसार, विधानसम्बन्धी कार्यदलको बैठकमा एमाले र माओवादी तर्फका नेताहरुले आआफ्ना नेताहरुलाई ध्यानमा राखेर नयाँ प्रावधानहरु विधानमा राख्न लबिङ गरिररहेका छन्।

गत शनिवार विधानसम्बन्धी कार्यदलका संयोजक रामबहादुर थापाले गृहमन्त्रालयमा बोलाएको बैठकमा विधानसम्बन्धी छलफल भएको थियो।

एमालेका बेदुराम भुसाल र माओवादीका वर्षमान पुनले तयार गरेको ७७ धारासहितको विधानमा आफूलाई अनुकूल हुने धाराहरु घुसाउन नेताहरुले चलखेल सुरु गरेका छन्।

एकतापछिका लागि प्रस्ताव गरिएको विधान मूलत एमालेको विधानमा रहेका प्रावधानहरुलाई मुख्य आधार बनाएर मस्यौदा गरिएको छ। शनिवारको बैठकमा आठ वटा धाराहरुमाथि दफावार छलफल भएर टुंगो लागेको छ ।

एमालेको विधानमा ७० वर्ष उमेर पुगेका नेताहरुलाई अनिवार्य अवकाशको व्यवस्था गरिएको छ।

तर, एमालेका नेताहरुले नै एकीकृत पार्टीको विधानबाट उक्त प्रावधान हटाउन चलखेल गरेको कार्यदलका एक सदस्यले बताए। नयाँ मस्यौदामा ७० वर्षको प्रावधान प्रस्ताव गरिएको छ।

स्रोतका अनुसार, एमाले उपाध्यक्ष वामदेव गौतमले उक्त प्रावधान हटाउन लबिङ गरिरहेका छन्। ७० वर्षे प्रावधान कायम रहेमा उनी अर्को वर्षबाट पार्टीको कार्यकारी जिम्मेवारीबाट स्वतः मुक्त हुनेछन्।

पार्टी एकताको प्रसंग नचल्दै पनि उनले उक्त प्रावधान हटाउन लबिङ थालेका थिए। एक नेताले भने, ‘कार्यदलमार्फत् नै उक्त कुरा टुंग्याउने गरी उहाँ लाग्नुभएको छ।’

माओवादी पक्षले भने दुई पटकभन्दा बढी एउटै पदमा उम्मेदवार हुन नपाइने प्रावधान राख्न चाहेको छैन। एमालेको विधानमा रहेको उक्त प्रावधान नयाँ विधानमा पनि समेटिएको छ।

त्यसो भएमा आफ्ना अध्यक्ष पुष्पकमल दाहाल ‘प्रचण्ड’ लाई असर पर्नसक्ने भन्दै उक्त प्रावधान नराख्न माओवादी नेताहरुले जोड गरेका छन्।

प्रस्तावित विधानमा कमिटीमा रहने सदस्यहरुको संख्या खाली छाडिएको छ। स्रोतका अनुुसार, माओवादीका ५० र एमालेका सय गरेर १ सय ५० सदस्यीय केन्द्रीय कमिटी बनाउनेबारेमा गृहकार्य चलेको छ।

कार्यदलमा रहेका एक नेताले त्यस्तो गरियो भने बहुमत केन्द्रीय कमिटी बाहिर रहने बताए। उनले भने, ‘मानौं, एमालेका बहुमत केन्द्रीय सदस्यले हाम्रो पार्टी कायम छ भनेर निर्वाचन आयोगमा लिखित निवेदन दिएमा त्यस्तो बेलामा के गर्ने भन्ने जस्ता प्रश्न उठेको छ।’

प्रकाशित २९ फागुन २०७४, मंगलबार | 2018-03-13 14:50:02
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • राजनारायण पाठक

    ७८ लाख घूस लिने पाठकलाई गोप्य नियन्त्रण लिएर ७ घन्टा बयान

    नेपाल इन्जिनियरिङ कलेजको स्वामित्व मिलाइदिन्छु भनी ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकसँग...

  • मोहन कार्की (जीवन्त)

    आफ्नो मोवाइलबाट जसले ओली–प्रचण्डबीच पहिलो संवाद गराए

    नेपालमा भर्खरै भित्रिएले मोबाइल निकै दुर्लभ मानिन्थ्यो। प्रचण्डको प्रतिनिधि बनेका जीवन्त मोबाइल फोन बोकेर ओलीनिवास पुगेका थिए। जीवन्तले मोबाइलबाट...

  • सन्दीप लामिछाने

    दिल्लीबाट उपाधि जित्ने लक्ष्य छ: सन्दीप लामिछाने(अन्तर्वार्ता)

    टिमलाई जिताउने मेरो व्यक्तिगत लक्ष्य हुनेछ। विगत ११ सिजनमै दिल्लीको सोचेको जस्तो राम्रो भएको छैन्। यस सिजनमा आफूलाई त्यहाँ(उपाधि)सम्म पुर्याउन सकेँ...

  • नेत्रविक्रम चन्द विप्लव

    सीकेले जोगाएका ओली विप्लवबाट आफैँ जोगिएलान्?

    २८ फागुनमा प्रतिबन्धको घोषणा गर्नुअघि प्रम ओली विप्लव समूहप्रति जति आक्रामक थिए, त्यति आक्रामक त्यसयता देखिन्नन्। विप्लव समूहले पनि प्रतिबन्ध अघि...