ओलीसँग वार्ता गर्न साढे एक घण्टामै चितवनबाट फर्के प्रचण्ड




पेरिशडाँडाको कार्यक्रममा प्रचण्ड
पेरिशडाँडाको कार्यक्रममा प्रचण्ड

जनयुद्धको २३ औं वार्षिकोत्सब मनाउन मंगलबार दिउसो १.१५ बजेसम्म पेरिसडाँडास्थित पार्टी मुख्यालयमा थिए, माओवादी केन्द्रका अध्यक्ष पुष्पकमल दाहाल ‘प्रचण्ड’। तर, कार्यक्रमको प्रमुख अतिथि रहेपनि ‘चितवन जानु पर्ने’ भन्दै प्रचण्डले कार्यक्रमको मध्यभागमा बोले। त्यो पनि अत्यन्त छोटो रुपमा। र, उनी मञ्चबाट ओर्लेर चितवनतर्फ प्रस्थान गर्नका लागि सिधै त्रिभुवन विमानस्थल पुगे।

जनयुद्ध दिवसजस्तो महत्वपूर्ण कार्यक्रममा सहभागिता समेत हतार हतार टुङ्ग्याएर चितवन प्रस्थान गरेका प्रचण्ड दुई घण्टापनि नबित्दै चितवनबाट काठमाडौं फर्केका छन्। भरतपुर महानगरपालिका–१४ स्थित गौरीगञ्जमा रहेको शरदपुर माविको वार्षिकोत्सवको उद्घाटन गर्न साढे एक बजे काठमाडौंबाट चितवनतर्फ प्रस्थान गरेका प्रचण्ड दिउसो ३ बज्दा नबज्दै काठमाडौं आइपुगेका हुन्।

एमालेसँगको पार्टी एकता टुङ्ग्याउने गरी एमाले अध्यक्ष केपी शर्मा ओलीसँग वार्ताका लागि चितवन पुग्नासाथ काठमाडौं फर्केका हुन् प्रचण्ड। योङ्ग कम्युनिष्ट लिग (वाइसीएल) द्वारा आयोजित कार्यक्रममा नेपाली समाजको रुपान्तरणमा जनयुद्धको भूमिकाप्रति ओलीपनि सहमत रहेको र यही ऐतिहासिक दिवसको अवसरमा पार्टी एकता टुङ्ग्याउने चाहना उनको रहेको दावीपनि गरेका थिए।

मंगलबार दिनभरिको खराव मौसमका बीच प्रचण्ड चितवनतर्फ लागेपछि ओली–प्रचण्डबीच आजै हुने भनिएको वार्ता हुने–नहुने भन्ने कुराले जनयुद्ध दिवस मनाउन पेरिसडाँडामा जम्मा भएका माओवादी केन्द्रका नेता–कार्यकर्तामा अन्योल सिर्जना भएको थियो। तर, हेलिकोप्टरबाट चितवन प्रस्थान गरेका प्रचण्डले एक घण्टापनि त्यहाँ बिताएनन्, विद्यालयको कार्यक्रममा सरिक भएर उनी ओलीसँगको भेटका लागि काठमाडौं प्रस्थान गरिहाले।

प्रकाशित १ फागुन २०७४, मंगलबार | 2018-02-13 15:04:43



प्रतिकृया दिनुहोस

Loading...
Loading...

विचार

सुखद शुक्रबार

ब्लग

प्रविधि

NepalKhabar Tweets

विशेष

  • चुडामणि उप्रेती ‘गोरे’

    मानव अधिकारवादीको निगरानीमा प्रहरी हिरासतमा राख्न गोरेको माग

    सुन काण्डका मुख्य नाइके चूणामणि उप्रेती ‘गोरे’ले मानव अधिकारवादीको निगरानीमा प्रहरी हिरासतम बस्न माग गरेका छन्। बुधबार जिल्ला अदालत मोरङमा बयान...

  • रेलमार्गको नक्सा अध्ययन गर्दै नेपाली तथा चिनिया अधिकारीहरु

    रेलमार्ग खोज्दै नेपाली-चिनियाँ अधिकारी काठमाडौंदेखि केरुङसम्म

    केरुङ-काठमाडौं रेलमार्ग त्यति छिट्टै निर्माण हुने सम्भावना चाहिँ छैन, जति राजनीतिक बृत्तमा चर्चा हुने गरेको छ। जस्तो कि, अहिलेको टोली पूर्व...

  • दरबारमार्ग सामूहिक बलात्कार प्रकरणका अभियुक्त शैलेश कार्की

    दरबारमार्ग सामुहिक बलात्कार काण्ड: शैलेस मात्र जेल चलान, नेकपा नेतापुत्र फरार

    दरबारमार्ग सामुहिक बलात्कार काण्डका मुख्य आरोपी शैलेस कार्की पूर्पक्षका लागि जेल चलान भएका छन्।

  • प्रधानमन्त्री तथा मन्त्रीपरिषद्को कार्यालय

    नेपालका मन्त्री सुनका पारखी: हेर्नुस्,कोसँग कति तोला?

    नेपाल सरकारका मन्त्रीहरु सुनका पारखी देखिएका छन्। मन्त्रीहरूमध्ये सबैभन्दा धेरै सुन पर्यटनमन्त्री रविन्द्र अधिकारीसँग रहेकाे छ।