आफ्ना ‘गुरु’ र ‘चेला’ लाई जनयुद्ध दिवसमा प्रचण्डले दिए यस्तो सल्लाह




NIC ASIA

माओवादी केन्द्रका अध्यक्ष पुष्पकमल दाहाल (प्रचण्ड) ले एक दुई घटना घटाउँदैमा क्रान्ति सम्पन्न हुन्छ भन्ने नसोच्न नेकपा (क्रान्तिकारी माओवादी) का अध्यक्ष मोहन बैद्य ‘किरण’ र नेकपाका महासचिव नेत्रबिक्रम चन्द (बिप्लव) लाई सुझाव दिएका छन्। 

पार्टी मुख्यालय पेरिसडाँडामा योङ्ग कम्युनिष्ट लिग (वाइसीएल) ले आयोजना गरेको २३ औं जनयुद्ध दिवस कार्यक्रमलाई सम्बोधन गर्दै प्रचण्डले यस्तो आग्रह गरेका हुन्।

‘कमरेड किरण मेरो गुरु हो, मेरो परिचित गुरु’ प्रचण्डले बैद्यको नामै लिएर भने, ‘द्वन्दात्मक भौतिकवाद र अधिभूतवाद को भन्ने कुरा उहाँलाई राम्रोसँग थाहा छ। जीवनमा द्वन्दात्मक भौतिकवाद के हो भन्ने कुरा आफैले अनभूत गर्नुस्।’

त्यसपछि उनले आफ्ना ‘चेला’ बिप्लवप्रति लक्ष्यित गर्दै भने, ‘घटना घटाएर क्रान्ति हुन्छ भन्ने दिवास्वप्नबाट मुक्त हुन पनि आग्रह गर्छु। रहर गर्दैमा क्रान्ति हुँदैन। क्रान्ति गर्ने रहर त हामीलाई २०४६ अघि नै थियो। तर क्रान्ति सुरु गर्न ५ वर्ष कुर्नुपर्‍यो, एकता केन्द्र बनाएरै जानुपर्‍यो।’

बिप्लवलाई यस्तो सुझाव दिनुअघि नै प्रचण्डले २०४६ अघि सुरु गर्ने भनिएको सशस्त्र संघर्ष कसरी २०५२ मा मात्र सुरु भयो भन्ने कुराको पृष्ठभूमिबारे बताइसकेका थिए।

‘हामी भर्खरको युवा हुँदा हतियार उठाउने जमर्काे गरेका थियौं, २०४६ को परिवर्तन अघि नै गरिसकेका थियौं, जनआन्दोलन भन्दा केही अघि म पार्टीको महामन्त्री भइसकेको थिएँ’ प्रचण्डले भने, ‘केही हतियार पनि जम्मा गरिसकेका थियौं, तालिमपनि सुरु भइसकेको थियो। तर त्यही बेला जनआन्दोलन सुरु भयो।’

प्रचण्डका अनुसार, २०४६ अघि सुरु गर्ने भनिएको जनयुद्धका लागि सुरु गरिएको तालिमको प्रमुखपनि उनी आफै थिए। ‘तर जनआन्दोलन सुरु भएपछि सशस्त्र संघर्ष गर्ने कि जनआन्दोलनमा भाग लिने भन्ने प्रश्न हाम्रा सामु खडा हुन पुग्यो’ प्रचण्डले सुनाए, ‘अनि मैले नै पार्टीमा प्रस्ताव गरें, यो बेला सशस्त्र संघर्ष सुरु गरियो भने त्यसले पञ्चायतविरोधी आन्दोलनलाई कमजोर पार्छ। अनि हामी संयुक्त राष्ट्रिय जनआन्दोलन संयोजन समिति बनाएर २०४६ को आन्दोलनमा सहभागी भयौं।’

२०४६ को परिवर्तनलाई आफूहरुले धोका भनेपनि जनताले ठूलो उपलब्धि ठानेकाले आफूहरु त्यो धोका नै हो भन्ने बुझाउन पार्टी एकता गरेर एकता केन्द्र बनाएको, भण्डाफोरको नाममा संसदमा गएको स्मरण गरे। ‘यसरी २०४७–०५१ सम्म ५ वर्षको तयारीबाट १ फागुन २०५२ मा जनयुद्ध सुरु गर्न सकिएको स्मरण उनले किरण र बिप्लवलाई गराए।

लहड र रहरले क्रान्ति हुन नसक्ने स्मरण गराउँदै प्रचण्डले भने, ‘एक ठाउँमा बसेर छलफल गर्न म बिप्वलवलाई गर्छु।’

प्रकाशित १ फागुन २०७४, मंगलबार | 2018-02-13 14:16:16
Max TV
Max TV
Zen Travels

नेपालखबरबाट थप


प्रतिकृया दिनुहोस

NTC
NLIC
Hyundai
Machhapuchhre Bank
Prabhu Bank
FCube
Max TV
Hamro Patro
Classic Tech
Loading...
NTC
NLIC
Hyundai
Machhapuchhre Bank
Prabhu Bank
FCube
Loading...

विचार

सुखद शुक्रबार

ब्लग

Max TV

प्रविधि

Hamro Patro
Classic Tech

रोचक

NepalKhabar Tweets

विशेष

  • चिनी

    भारतीय र पाकिस्तानी चिनीकाे मारमा नेपाली उद्योग

    नेपाल चिनी उत्पादन संघकाअनुसार यो वर्ष नेपालमा गत सिजनमा १ लाख ७४ हजार मेट्रिक टन चिनी उत्पादन भएकोमा उद्योगीसँग हालसम्म १ लाख २४ हजार मेट्रिक टन...

  • जाे जापानबाट फर्काइए

    जापानको अध्यागमनबाटै किन फर्काइए यी पाँच नेता?

    काठमाडौंबाट भिषा लिएर गएकाहरू जापान पुगेर अध्यागमनबाटै यसरी पटक पटक किन फर्काइन्छन्? नेपालखबरले यो प्रश्न काठमाडौंस्थित जापानी दूतावासलाई सोधेको छ।

  • वित्तीय साक्षरता किन?

    जब एक नेपाली जन्मन्छ उसको थाप्लोमा २९ हजार बराबरको ऋण थोपरिन्छ भन्ने जानकारी तीनै तहका जनप्रतिनिधिलाई हुनु आवश्यक छ। यसका लागि वित्तीय साक्षरता...

  • बन्द भएको हेटौँडा कपडा उद्योग

    हेटाैंडा कपडा उद्याेग सञ्चालन गर्न पाँच विकल्प

    हेटौंडा कपडा उद्योग सञ्चालन प्रतिवेदन तयार भएको छ।