Exclusive

आयोगले देखायो अग्रसता, राष्ट्रियसभा निर्वाचन प्रक्रियाबारे छलफल



निर्वाचन परिणाम सार्वजनिक भएको डेढ महिना पुग्न लाग्दा समेत नयाँ सरकार गठन प्रक्रिया सुरु हुन नसकेको अवस्थामा निर्वाचन आयोगले राष्ट्रिय दलका नेताहरु बोलाएर मंगलबार छलफल गरेको छ।

आयोग कार्यालय कान्तिपथमा जारी बैठकमा राष्ट्रिय सभा निर्वाचन प्रक्रियाबारे छलफल भइरहेको सहभागी नेताहरुले जानकारी दिएका छन्।

प्रतिनिधि सभा तथा प्रदेश सभा निर्वाचनमा राष्ट्रिय मान्यता प्राप्त गरेका पाँच दललाई बैठकमा बोलाइएको हो। नेताहरुलाई एकल संक्रमणीय प्रणालीबाट मतदान हुँदा के कस्तो प्रक्रिया रहन्छ भनेर प्रस्तुति दिइएको छ। ‘एकल संक्रमणीय मत प्रणालीबाट

राष्ट्रिय सभाको निर्वाचन तयारी के कसरी गर्ने भनेर छलफल भइरहेको छ’, बैठकमा सहभागी नेपाली कांग्रेसका नेता रमेश लेखकले नेपालखबरलाई बताए।

एमाले नेता सुवास नेम्वाङले राष्ट्रिय सभा निर्वाचन प्रक्रिया र तयारीबारे छलफल भइरहेको जानकारी दिए। सरकारले यसअघि अध्यादेश जारी गर्दै एकल संक्रमणीय मतका आधारमा राष्ट्रिय सभाको निर्वाचन गर्ने व्यवस्था गरेको थियो।

बैठकमा एमाले नेता बामदेव गौतम, सुवास नेम्वाङ, माओवादी नेता जनार्दन शर्मा, कांग्रेसका रमेश लेखक, राजपाका अध्यक्ष मण्डलका नेता महन्थ ठाकुरलगायत सहभागी छन्।

प्रतिनिधि सभा र प्रदेश सभाको पूर्णता दिएर ताजा जनमतअनुसार नयाँ सरकार गठनको कार्य अवरुद्ध भइरहेका बेला आयोगले बैठक राखेको हो। सरकारले प्रदेश प्रमुखको नियुक्ति र प्रदेशको अस्थायी केन्द्र तोक्ने निर्णय गर्न नसक्दा प्रदेश सभा समानुपातिकमा निर्वाचित हुने २ सय २० जनाको परिणाम आयोगले रोकिराख्नु परेको छ।

प्रदेश प्रमुख नियुक्तिको ढिलाईले राष्ट्रिय सभाको घोषित निर्वाचन प्रभावित हुन सक्ने देखिएपछि आयोगले अग्रसरता देखाएको हो। आयोगले माघ २४ गते राष्ट्रिय सभा निर्वाचन सम्पन्न गर्न माघ ७ देखि सुरु हुने गरी निर्वाचन कार्यक्रम ल्याइसकेको छ ।

प्रकाशित २ माघ २०७४, मंगलबार | 2018-01-16 16:16:28
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • गृमन्त्री रामबहादुर थापा र अर्थमन्त्री युवराज खतिवडा यथावत रहनेछन्

    मन्त्रिपरिषद् पुनर्गठन गृहकार्यः को को मन्त्री बिदा हुँदैछन्

    पार्टी सचिवालयको सन्तुलन कायम राख्न गृहमन्त्री थापा र उपयुक्त विकल्प नहुँदा अर्थमन्त्री खतिवडालाई हटाउन चाहँदैनन् प्रधानमन्त्री ओली।

  • राजनारायण पाठक र लोकमानसिंह कार्की

    लोकमान–राजनारायणलाई टंगाल पठाएर सूर्यनाथको अपेक्षा?

    अख्तियारमा नियुक्ति पाउन लोकमानसिंह कार्कीले कति रकम खर्च गरेका थिए भन्ने गाइँगुइँ त्यसै चुहिएको छैन। राजनारायण पाठकले अवकाश पाउनासाथ अख्तियारमा...

  • संघीय मामिला तथा सामान्य प्रशासन मन्त्रालय

    स्थानीय तह र प्रदेशको करको दर/दायरामा केन्द्र सरकारको नियन्त्रण

    स्थानीय तथा प्रदेश सरकारले उठाएको करको दर र दायराको विषयमा केन्द्र सरकारले एक अध्ययन गरी विभिन्न शीर्षकमा आफूखुसी उठाउँदै आएका करमाथि नियन्त्रण...

  • राजनारायण पाठक

    अख्तियारकाे विशेष टाेलीले पाठकबिरूद्ध थाल्याे अनुसन्धान

    ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकबिरुद्ध आयोगले नै छानबिन अघि बढाएको छ।