अमेरिकासँगको युद्ध अवश्यंभावीः उत्तर कोरिया

विदेश मन्त्रालयका प्रवक्ता भन्छन्ः अबको प्रश्न भनेको युद्ध कहिलेबाट सुरु होला भन्ने मात्रै हो



किम जोङ उन
किम जोङ उन
गेट्टी इमेज

अमेरिका र दक्षिण कोरियाले विशाल सैन्य अभ्यास गरिरहँदा एक उत्तर कोरियाली अधिकारीले अमेरिकासँगको युद्ध अवश्यंभावी भएको बताएका छन्। अबको प्रश्न ‘युद्ध कहिलेबाट सुरु होला?’ भन्ने मात्रै भएको ती अधिकारीले बताए।

‘अमेरिकाले खुरुखुरु आयोजना गरेको विशाल आणविक युद्ध अभ्यासले कोरियाली प्रायद्वीपमा एकदमै खतरनाक परिस्थिति पैदा भएको छ,’ उत्तर कोरियाली विदेश मन्त्रालयका प्रवक्ताले भनेका छन्, ‘यस्तो परिस्थितिको बीचमा अमेरिकाका उच्च राजनीतिज्ञहरुले लगातार गरेको युद्धको टिप्पणीले कोरियाली प्रायद्वीपमा युद्धको प्रारम्भलाई एक स्थापित तथ्य बनाएको छ।’

‘अब बाँकी प्रश्न भनेको युद्ध कहिले सुरु हुन्छ भन्ने मात्रै हो,’ ती प्रवक्ताले थपेका छन्।

विदेश मन्त्रालयका प्रवक्ताको भनाइ उत्तर कोरियाली सरकारी समाचार एजेन्सी केसिएनएले सार्वजनिक गरेको हो। ‘हामी युद्ध चाहँदैनौँ तर हामी युद्धबाट भाग्दैनौँ,’ प्रवक्ताले भनेका छन्।

अमेरिकाको ‘युद्धोन्मादी अभिव्यक्तिलाई’ आफूहरुलाई युद्धको लागि तयार रहन दिइएको चेतावनी बाहेक अन्य रुपमा बुझ्न नसकिने तर्क पनि उनले गरेका छन्।

गत साता उत्तर कोरियाले हालसम्मकै शक्तिशाली क्षेप्यास्त्र परीक्षण गरेको थियो।

उत्तर कोरियाबारे अमेरिकी उच्चाधिकारीहरुले पनि खरो टिप्पणी गर्दै आएका छन्। हालै ह्वाइट हाउस राष्ट्रिय सुरक्षा सल्लाहकार एचआर म्याक्मास्टरले उत्तर कोरियासँगको युद्धको खतरा ‘दिनप्रतिदिन बढिरहेको बताएका थिए।

सत्तारुढ रिपब्लिकन पार्टीका सिनेटर लिन्डसे ग्राहमले पनि सम्भावित खतरालाई मध्यनजर गर्दै दक्षिण कोरियामा रहेका अमेरिकी सैनिकका परिवारलाई त्यहाँबाट हटाउनुपर्ने बताएका थिए।

त्यस्तै सिआइएका निर्देशक माइक पोम्पियोले पनि उत्तर कोरियाली शासक किम जोङ उनलाई ‘आफू कति कमजोर अवस्थामा छु भन्ने कुरा थाहा नभएको’ टिप्पणी गरेका थिए।

हाल संयुक्त राष्ट्रसंघका राजनीतिक मामिला प्रमुख जेफ्री फेल्टम्यान वार्ताका लागि उत्तर कोरियामा छन्। उनले उत्तर कोरियाली उपविदेशमन्त्री पाक म्योङ गकलाई भेटेको केसिएनएले जनाएका छन्। एजेन्सी

प्रकाशित २१ मंसिर २०७४, बिहिबार | 2017-12-07 12:44:06

प्रतिकृया दिनुहोस

Loading...
Loading...

विचार

सुखद शुक्रबार

ब्लग

रोचक

NepalKhabar Tweets

विशेष

  • प्रदेश ५ मा समानुपातिक परिणाम: पहाडमा एमाले र तराईमा कांग्रेस पहिलो

    प्रदेश नम्बर ५ अन्तर्गत तराई क्षेत्रमा ६ वटा जिल्ला रहेका छन्। प्रतिनिधिसभा अन्तर्गत समानुपातिक तर्फको नतिजामा ६ वटै जिल्लामा नेपाली कांग्रेस पहिलो...

  • केपलर-९० र त्यसका ग्रहहरुको कलात्मक चित्रण

    आठ ग्रह भएको टाढाको सौर्य परिवार पत्ता लाग्यो

    नासाका वैज्ञानिकहरुले केपलर–९० नामक टाढाको एक तारालाई परिक्रमा गर्ने आठौँ ग्रह फेला पारेका छन्। सौर्य परिवारबाहेक आठ ग्रह भएको तारा पहिलो पटक पत्ता...

  • बाबुराम भट्टराई

    गतिरोध अन्त्यका लागि बाबुरामको ‘प्रेस्क्रिप्सन’

    पहिले सरकार गठन कि राष्ट्रिय सभाको गठन, राष्ट्रिय सभाको गठन बहुमतको आधारमा कि एकल संक्रमणीय मतको आधारमा भन्ने विवादमा फेरि नेपालको राजनीति फस्न...

  • नेकपा एमालेका नेता रघुवीर महासेठ

    यी हुन मधेशीले जिताएका पहाडी र पहाडीले जिताएका मधेशी अनुहार

    प्रतिनिधिसभा सदस्य निर्वाचनमा तराई मधेशमा तुलनात्मक रुपमा मधेश केन्द्रित दल बलियो देखिए पनि ती क्षेत्रमा विजयी उम्मेदवार मधेशी र पहाडी दुवै मूलका...