दलका प्रतिनिधिसहितको सुरक्षा समूहले यसरी गर्दैछ मतपेटिकाको रक्षा


Infocus



निर्वाचन आयोग ३२ जिल्लामा आइतबार सम्पन्न प्रतिनिधिसभा तथा प्रदेशसभा पहिलो चरणको निर्वाचनका मतपेटिका संकलनमा लागि परेको छ। आयोगले ३२ जिल्लाका जम्मा २ हजार ९१७ मतदानस्थलमध्यबाट २ हजार ५७ मतदानस्थलका मतपेटिकाहरु जिल्ला सदरमुकाम ल्याइसकेको र ८६० स्थानका मतपेटिका ल्याउने क्रममा रहेको जानकारी दिएको छ।

भौगोलिक हिसाबले विकट भएका क्षेत्रका मतपेटिका जिल्ला सदरमुकाम र सम्बन्धित स्थानमा ल्याउनका लागि हेलिकप्टर प्रयोग गरिरएको केही क्षेत्रका मतपेटिका पैदल मार्गबाट नै ल्याउने काम भइरहेको आयोगका प्रवक्ता नवराज ढकालले नेपालखबरलाई बताए।

‘हुम्ला, ताप्लेजुङ, जाजरकोट, रुकुम आदि जिल्लाका मतपेटिका सम्बन्धित स्थानमा पुर्यापउन समस्या भएको छ’ प्रवक्ता ढकालले भने,’ ‘दुर्गम क्षेत्रबाट पैदलमार्ग र हवाईमार्गबाट मतपेटिका सम्बन्धित स्थानमा पुर्याउने काम भइरहेको छ।’

यस्तो छ दलका प्रतिनिधिसहित मतपेटिकाको सुरक्षा व्यवस्था

निर्वाचन आयोगले आइतबार सम्पन्न पहिलो चरणको प्रतिनिधिसभा र प्रदेशसभा निर्वाचनको मतगणना यही मंसिर २२ गतेबाट मात्र जनाउँदै त्यो समयसम्मका लागि मतपेटिका सुरक्षाको विशेष व्यवस्था मिलाएको प्रवक्ता ढकाल बताउँछन्।
उनका अनुसार मतपेटिका राखिएको कोठा पूर्णरुपमा बन्द गरि झ्याल ढोकाको ताल्चामा सबैदलले आ–आफ्नो लाहाछाप समेत लगाउने छन्।

आयोगल मतपेटिकाको सुरक्षाको मुख्य जिम्मा सुरक्षा निकायलाई दिएको छ। मतपेटिका राखिएको ठाउँमा क्याम्प बनाएर सुरक्षा निकायले २४ घन्टा विशेष सुरक्षा दिनेछ।

केही स्थानमा मतपेटिकाको सुरक्षाका लागि सिसि क्यामरा समेत जडान गरिएको र त्यसैले निगरानी गरिने आयोगले जनाएको छ।

‘मतपेटिकाको सुरक्षाका लागि निर्वाचन आयोगका कर्मचारी, स्थानीय प्रशासनलगायत दलका प्रतिनिधिहरुले पनि मतपत्र राखिएको स्थानमा पहरा दिनेछन्’ प्रवक्ता ढकालले भने।

मतगणना अघि मतपेटिका राखेको कोठा नखोलिने र मत गणनाको समयमा सर्वदलीय सहमतिमा लाहाछाप तोडी कोठा खोलेको मुचुल्का उठाउने व्यवस्था आयोगले गरेको छ। त्यस्तो मुचुल्कामा निर्वाचन अधिकृतले सहीछाप गरी उम्मेदवार, निर्वाचन प्रतिनिधि वा निजले अधिकार दिएको प्रतिनिधिसमेतको सहमति आयोगले गराउनेछ।

२२ गते देखि मतगणना
दोस्रो चरणको मतदान सकिएपछि निर्वाचन अधिकृतले तोकेको मतगणना स्थलमा मतपेटिका पुर्याएर २२ गतेदेखि दलका प्रतिनिधिले देख्नेगरी मतगणना गर्ने निर्वाचन आयोगले बताएको छ।

सुरक्षा र सुविधाको दृष्टिले उपयुक्त सरकारी कार्यालय वा सार्वजनिक भवनमा मतगणना हुने आयोगले जनाएको हो।

प्रतिनिधिसभा सदस्यको निर्वाचन क्षेत्रका सबै मतदान केन्द्रको प्रतिनिधि सभा सदस्य र प्रदेश सभा सदस्यको निर्वाचनको लागि मतदान कार्य सम्पन्न भई मतपेटिका प्राप्त भए पछि मात्र मतगणना गर्नुपर्ने व्यवस्था छ।

तर कुनै मतदान केन्द्रमा पुनः मतदान हुने भएमा त्यसरी पुनः मतदान भएको मतदान केन्द्रको मतपेटिका मतगणनास्थलमा प्राप्त नभएसम्म अन्य मतदान केन्द्रको मतगणना कार्य शुरु गर्नु नहुने पनि आयोगले जनाएको छ।

प्रकाशित ११ मंसिर २०७४, सोमबार | 2017-11-27 14:01:01
Max TV
Max TV
Zen Travels
Vianet


प्रतिकृया दिनुहोस

ntc
NLIC
Hyundai
Machhapuchhre Bank
Prabhu Bank
City Express
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Hyundai
Machhapuchhre Bank
Prabhu Bank
City Express
Yeti Air
Yeti Air
Loading...

विचार

सुखद शुक्रबार

ब्लग

Max TV

प्रविधि

Hamro Patro
Classic Tech

रोचक

NepalKhabar Tweets

विशेष

  • ओली र प्रचण्ड

    नेकपाका ४ नेताको ‘एक्सन’ ले प्रचण्डलाई कति फाइदा, ओलीलाई कति बेफाइदा?

    आफ्नै सरकारी निवास बालुवाटारमा बोलाइएको बैठक कक्षमा त ओलीले समयमै पुगेर बैठक सुरुवात गर्दैनन् भने धुम्बाराही पुगेर समयमा बैठक सञ्चालन गर्ने भन्ने...

  • बिगब्यासबाट नेपालको नाम अझै उँचो बनाउन सकूँः सन्दीप लामिछाने (अन्तर्वार्ता)

    केहीदिन अघिमात्रै यूएईमा भएको टी–१० फ्रेन्चाइज लिग खेलेर आएका नेपाली लेगस्पिनर बलर सन्दीप लामिछाने यसबीच नेपालमा जारी एभरेष्ट प्रिमियर लिगमा...

  • मिस नेपाल श्रृंखला खतिवडा

    शृंखलाले पार गर्न नसकेको त्यो घुम्ती

    ‘यो साह्रै अन्याय भयो। श्रृंखला खतिवडा टप ५ मा पुग्न डिजर्भ गर्थिन्।’

  • मदन खरेल, कार्यकारी अध्यक्ष, नेपाल वायु सेवा निगम

    चीनले सम्झौताभन्दा बढी तौलका विमान पठाएको छः मदन खरेल, अध्यक्ष, नेवानि (अन्तर्वार्ता)

    निगमलाई इन्टरनेशनल एयर ट्रान्सपोर्ट एशोसिएशन (अाएटा) मापदण्डमा पुर्याउने योजना छ। त्यसका लागि आएटामा आबेदन पनि दिइसकेका छाैं