जसले एमालेको दुई करोड ‘खाए’, तिनै गिरीले ओलीको हातबाट टीका लगाए


Infocus



ओलीसँगै उमेश गिरि (बायाँ)
ओलीसँगै उमेश गिरि (बायाँ)

सत्ता टिकाउन एमालेसँग दुई करोड माग गरेको आरोप लागेका कांग्रेसका चर्चित नेता उमेश गिरी अन्तत एमालेमै प्रवेश गरेका छन्। सोमबार विहान बिराटनगरमा आयोजित एमालेको सभामा औपचारिक रुपमा एमाले प्रवेश गरेका हुन्।

NIC ASIA

२०५३ मा राप्रपा नेता लोकेन्द्रबहादुर चन्द नेतृत्वमा बनेको एमाले–राप्रपा नेतृत्वको सरकार टिकाउन गिरीले एमाले नेता बामदेव गौतमसँग दुई करोड माग गरेको आरोप लागेको थियो। कतिपयले त गौतमबाट त्यो रकम लिएपनि सरकार टिकाउने भूमिका चाहिँ नखलेको आरोप लगाउने गरेका थिए।

कांग्रेसको सशस्त्र संघर्षकालमा भएको विमान अपहरण काण्डका एक सहभागी गिरी पछिल्लो समय कांग्रेससँग असन्तुष्ट थिए। खासगरी कांग्रेस नेतृ शैलजा आचार्यसँग निकट गिरी २०४८ को निर्वाचनमा मोरङ–५ मा टिकटको आकांक्षी थिए। तर आचार्यलाई दिइएपछि असन्तुष्ट भए। ०५१ को निर्वाचनमा पनि सो क्षेत्रबाट आचार्यले नै टिकट पाएपछि उनी बिद्रोही उम्मेदवार बने। 

२०५१ मा आचार्यले त जसोतसो जितिन्। तर ०५६ को निर्वाचनमा फेरि गिरीले उम्मेदवारी दिएपछि शैलजाले त्यो क्षेत्रमा पराजय बेहोर्नुप¥यो। त्यहाँ सद्भावना पार्टीबाट उम्मेदवार बनेका बद्रीप्रसाद मण्डलले बाजी मारेका थिए। आफ्नो नेतृत्वमा नेपाली कांग्रेस विश्वेश्वर) गठन गरेर उनी उम्मेदवार बनेका थिए। हात्ती चुनाव चिन्ह भएकाले उनी नेतृत्वको कांग्रेसलाई हात्तीछाप कांग्रेस भनिन्थ्यो।

विद्रोही उम्मेदवारी र शैलजालाई पराजित गर्न भूमिका खेलेपछि कांग्रेससँग उनको सम्बन्ध बिच्छेद भयो। ०६४ ताका चाहिँ उनी तत्कालिन तराई मधेश लोकतान्त्रिक पार्टी (तमलोपा) प्रवेश गरे। दुई ठाउँबाट चुनाव जितेका मधेशी जनअधिकार फोरमका अध्यक्ष उपेन्द्र यादवले मोरङ–५ छाडेपछि भएको उपनिर्वाचनमा उनी तमलोपाबाट उम्मेदवार बनेका थिए।

यसअघि एमालेले उनलाई पार्टीमा प्रवेशका लागि तयारी गरेको थियो। तर, उनी एक कारणले रोकिएका थिए। त्यो हो, एमाले अध्यक्ष ओली आफ्नै निवासमा आएर प्रवेशका लागि औपचारिक आग्रह गर्नुपर्ने। आफूले एमालेबाट टिकट वा अरु कुनै अवसर नखोजेको बताउँदै आफ्नो सम्मानका लागि अध्यक्ष ओली आफ्नै निवासमा आउनुपर्ने उनको शर्त थियो।

स्रोतका अनुसार चुनावी सभाका लागि आइतबार साँझ विराटनगर पुगेका अध्यक्ष ओलीले गिरी निवास पुगेर एमालेमा प्रवेशका लागि औपचारिक आग्रह गरेका थिए। त्यसपछि सोमबार बिराटचोकमा आयोजित सभामा उनी एमाले प्रवेश गरेका हुन्। उनीसँगै ०६४ को निर्वाचनमा मोरङ–४ बाट निर्वाचित सांसद भीमराज राजवंशीपनि एमाले प्रवेश गरेका छन्। राजवंशी मधेशी जनअधिकार फोरमबाट निर्वाचित भएका थिए।
 

प्रकाशित ४ मंसिर २०७४, सोमबार | 2017-11-20 13:33:59
Max TV
Max TV
Zen Travels

नेपालखबरबाट थप


प्रतिकृया दिनुहोस

Loading...
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • नोबेल पुरस्कारमा 'उपनिवेश' अन्त्यका सर्तहरु

    यस वर्षको भौतिकशास्त्र र रसायनशास्त्रतर्फको नोबेल पुरस्कार दुई महिलाले पाउँदा विज्ञान समाजका धेरैले खुशीयाली मनाए।

  • चुनावअघि मतदातासँग डिएनटीका सभापति डा. लोटे छिरिङ

    भुटानमा नयाँ पार्टीलाई सरकार बनाउन बहुमत

    भुटानमा नयाँ राजनीतिक पार्टी ड्रुक न्यमन रुव शोग–पा (डिएनटी) ले सरकार गठन गर्ने भएको छ।

  • भदौमा नेपाल आउँदा पशुपति दर्शन गर्दै मोदी

    अयोध्याबाट जनकपुर आउने जन्तीसँगै मोदी किन आउँदैछन् नेपाल?

    भारतीय प्रधानमन्त्री नरेन्द्र मोदी चार वर्षे कार्यकालमा पाँचौं पटक नेपाल भ्रमणमा आउने तय भएको छ।

  • ज्ञानेन्द्र शाह

    श्रीपेच सार्वजनिक भएकै भोलिपल्ट पूर्वराजाले किन गरे गणतन्त्रमाथि प्रहार?

    ज्ञानेन्द्र शाह श्रीपेच र राजदण्डजस्ता राजतन्त्रका प्रतीकलाई सार्वजनिक अवलोकनको वस्तु बनाउन चाहँदैनथे। राजतन्त्रको प्रतिक श्रीपेचजस्तो महत्वपूर्ण...