गोरखाबाट फर्केका प्रचण्डलाई बाबुरामको प्रश्न


Infocus



नेपाली कांग्रेसको सहयोगमा प्रतिनिधिसभातर्फ गोरखा २ का उमेद्वार तथा नयाँ शक्ति पार्टीका संयोजक बाबुराम भट्टराईले कांग्रेससँगको सहकार्य कसरी प्रतिक्रान्तिकारी भयो भन्दै माओवादी अध्यक्ष पुष्पकमल दाहाल प्रचण्डप्रति प्रश्न गरेका छन्।

NIC ASIA

स्थानीय निर्वाचनमा भरतपुर नगरपालिकामा कांग्रेससँग सहकार्य गरी आफ्नी छोरीलाई विजयी गराउँदा क्रान्तिकारी हुने, अहिले देशको हितमा सहकार्य गर्नुपर्छ भन्दा कसरी प्रतिक्रान्तिकारी भयो भन्दै भट्टराईले प्रश्न गरेका हुन्।

कात्तिक ३० गते पालुङटारमा आयोजित सभामा वामगठबन्धनका उमेद्वार नारायणकाजी श्रेष्ठलाई भोट माग्दै प्रचण्डले कांग्रेसलाई प्रतिक्रान्तिकारी शक्तिको संज्ञा दिएपछि गोरखाको घैरुङमा शुक्रबार भएको आमसभाबाट भट्टराईले प्रचण्डलाई यस्तो प्रश्न गरेका हुन्।

भट्टराईले भने, ‘१२ बुँदे समझदारीदेखि यताका सहयात्री कांग्रेससँग सहकार्य गर्नु प्रतिक्रान्तिकारी हो भने तपाईंले भनेजस्तै हिजोको राजामहाराजासँग सहकार्य गर्नु उचित हो?’

जिम्मेवार नेताहरुले जिम्मेवार ढंगले बोल्नुपर्छ भन्दै कांग्रेसँगको सहकार्य दीगो शान्ति कायम गर्न र संविधान कार्यान्वयन गर्नका निम्ती गरिएको ऐतिहासिक आवश्यकताको उपज भएको भट्टराईले दावी गरे।

चुनावी सभालाई सम्बोधन गर्दै कांग्रेस केन्द्रिय सदस्य सुरेन्द्रराज पाण्डेले कांग्रेसकै नेतृत्वमा देशमा शान्ति र संविधान आएको बताउँदै कांग्रेसकै नेतृत्वमा सम्वृद्धि पनि आउने भएकाले लोकतान्त्रिक गठबन्धनको पक्षमा मतदान गरी उमेद्वारहरुलाई विजयी बनाएर पठाउन आग्रह गरे। उनले थपे, ‘प्रचण्ड र केपी ओली मिलेर प्रजातन्त्र समाप्त पार्ने खेल खेलिरहेका छन्, जनताहरु सचेत रहनुपर्छ।’

केन्द्रिय सदस्य कमला पन्तले लोकतन्त्र मास्न खोजेको भन्दै कम्युनिष्टहरुले चाहेको जस्तो व्यवस्था कुनै हालतमा पनि ल्याउन नदिइने बताइन्।

प्रतिनिधिसभा क्षेत्र नं. १ का उमेद्वार कांग्रेस केन्द्रिय सदस्य चीनकाजी श्रेष्ठले बूढीगण्डकी जलविद्युत् आयोजनाका प्रभावित क्षेत्रका बासिन्दालाई छिटो मुआब्जा दिइने, पुर्नबासको पनि ब्यबस्था मिलाइने, पुनःमूल्याङ्कन गराउने र बेनिघाट आरुघाट हुँदै लार्केभञ्याङसम्म दुई बर्ष भित्रमा सडक ट्रयाक खुलाएर पाँच बर्षभित्रमा कालोपत्रे गरिसक्ने बताए।

प्रदेशसभा क्षेत्र (क) का उमेद्वार कांग्रेस युवा नेता धिरन थापाले बूढीगण्डकीबाट बिस्थापित हुने जनतालाई घडेरीको ब्यबस्था गर्ने, पुर्नबासको ब्यबस्थापन गरिने बताए। भूकम्पपीडित जनताको घर निर्माणमा पनि सहयोग गरिने उनको भनाइ थियो।

सभालाई गोरखाका मेयर राजनराज पन्त, कांग्रेस नेता जीवनप्रेम श्रेष्ठ, नयाँ शक्तिका नेताहरु कुमार तिवारी, गोपाल श्रेष्ठलगायतले सम्बोधन गर्दै लोकतान्त्रिक गठबन्धनलाई जिताउन अपिल गरे।

प्रकाशित १ मंसिर २०७४, शुक्रबार | 2017-11-17 23:31:21
Max TV
Max TV
Zen Travels

author photo

प्रशन्न पोखरेल गोरखास्थित पत्रकार हुन्


प्रतिकृया दिनुहोस

Loading...
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • नोबेल पुरस्कारमा 'उपनिवेश' अन्त्यका सर्तहरु

    यस वर्षको भौतिकशास्त्र र रसायनशास्त्रतर्फको नोबेल पुरस्कार दुई महिलाले पाउँदा विज्ञान समाजका धेरैले खुशीयाली मनाए।

  • चुनावअघि मतदातासँग डिएनटीका सभापति डा. लोटे छिरिङ

    भुटानमा नयाँ पार्टीलाई सरकार बनाउन बहुमत

    भुटानमा नयाँ राजनीतिक पार्टी ड्रुक न्यमन रुव शोग–पा (डिएनटी) ले सरकार गठन गर्ने भएको छ।

  • भदौमा नेपाल आउँदा पशुपति दर्शन गर्दै मोदी

    अयोध्याबाट जनकपुर आउने जन्तीसँगै मोदी किन आउँदैछन् नेपाल?

    भारतीय प्रधानमन्त्री नरेन्द्र मोदी चार वर्षे कार्यकालमा पाँचौं पटक नेपाल भ्रमणमा आउने तय भएको छ।

  • ज्ञानेन्द्र शाह

    श्रीपेच सार्वजनिक भएकै भोलिपल्ट पूर्वराजाले किन गरे गणतन्त्रमाथि प्रहार?

    ज्ञानेन्द्र शाह श्रीपेच र राजदण्डजस्ता राजतन्त्रका प्रतीकलाई सार्वजनिक अवलोकनको वस्तु बनाउन चाहँदैनथे। राजतन्त्रको प्रतिक श्रीपेचजस्तो महत्वपूर्ण...