ओली र दाहाल हेलिकोप्टर लिएर गोरखा र लमजुङ जाँदै




NIC ASIA

नारायणकाजी श्रेष्ठ र डा. बाबुराम भट्टराई फरक गठबन्धनबाट प्रतिस्पर्धामा उत्रिएपछि चर्चाको शिखरमा रहेको गोरखामा वामगठबन्धनका उम्मेदवारलाई भोट माग्न एमालेका अध्यक्ष केपी शर्मा ओली र माओबादी केन्द्रका अध्यक्ष पुष्पकमल दाहाल ‘प्रचण्ड’ बुधबार गोरखा आउँदैछन्।

वामगठबन्धन बनाएर निर्वाचनमा उत्रिएका एमाले र माओवादी केन्द्रका अध्यक्षद्वयले गोरखाबाट चुनावी अभियान सुरु गर्न लागेका हुन्, जहाँ ओली र दाहालले संयुक्त चुनावी सभालाई सम्बोधन गर्नेछन्।

अध्यक्षद्वय ओली र प्रचण्डले बुधबार लमजुङको एक र गोरखाका चार ठाउँमा चुनावी सभामा सम्बोधन गर्ने कार्यक्रम छ। बिहान १० बजे लमजुङमा, ११ बजे गोरखाको भच्चेक, १२ बजे पालुङटार, दिउँसो २ बजे घैरुङ र ३ बजे आरुघाटमा हुने चुनावी सभालाई ओली र प्रचण्डले सम्बोधन गर्दैछन्।

कार्यक्रममा सहभागी हुन ओली, प्रचण्ड, परिवार दलका अध्यक्ष एकनाथ ढकाललगायत नेता तीन वटा हेलिकोप्टरमार्फत् आउने कार्यक्रम तय भइसकेको छ। कार्यक्रममा एमाले र माओवादीले कार्यकर्ता तथा समर्थक उतार्ने तयारी गरेका छन्।

पालुङटारमा लोकतान्त्रिक गठबन्धनबाट गोरखा २ का उम्मेदवार बाबुराम भट्टराईको जनमत रहेको आँकलनसहित कार्यक्रम तय गरिएको र आरुघाटमा पहिले प्रचण्ड शिक्षक हुँदा बसेकाले सो क्षेत्रमा कार्यक्रम तय गरिएको बुझिएको छ।

गोरखा २ मा वामगठबन्धनका सुत्राधारमध्ये एक नारायणकाजी श्रेष्ठ र बाबुराम भट्टराई प्रतिस्पर्धामा छन् भने गोरखा १ मा वामगठबन्धनबाट माओवादी नेता हरिराज अधिकारी र कांग्रेस केन्द्रिय सदस्य एवं पूर्वसचेतक चीनकाजी श्रेष्ठ प्रतिनिधिसभा उम्मेदवार छन्।

गोरखा १ प्रदेशसभा क्षेत्र (क) मा वामगठबन्धनबाट माओवादी नेता लेखबहादुर थापा र लोकतान्त्रिक गठबन्धनबाट कांग्रेस नेता धिरन थापा प्रतिस्पर्धामा छन् भने गोरखा १ प्रदेशसभा क्षेत्र (ख) मा वामगठबन्धनबाट एमालेका केन्द्रिय सदस्य रामशरण बस्नेत र लोकतान्त्रिक गठबन्धनबाट कांग्रेस युवा नेता राजेन्द्र बजगाइँबीच प्रतिस्पर्धा हुँदैछ।

यस्तै गोरखा २ को प्रदेशसभा क्षेत्र (क) मा जेल ब्रेकरसमेत रहेकी माओवादी नेतृ कमला नहर्की वामगठबन्धनबाट र लोकतान्त्रिक गठबन्धनबाट नयाँ शक्ति पार्टीका नेता हरिशरण आचार्य प्रतिस्पर्धामा छन्। दुई गठबन्धनबीच कडा टक्कर हुने देखिन्छ।

यसैबीच कांग्रेसको नेतृत्वमा रहेको लोकतान्त्रिक गठबन्धनले मंसीर २ गते जिल्लाका दुवै क्षेत्रमा चुनावी सभा गर्ने तयारी गरेको बुझिएको छ।

प्रकाशित २८ कार्तिक २०७४, मंगलबार | 2017-11-14 21:56:46
World Cup
World Cup
Bagaicha
Bagaicha
Zen Travels

author photo

प्रशन्न पोखरेल गोरखास्थित पत्रकार हुन्


प्रतिकृया दिनुहोस

NTC
Hyundai
NLIC
Machhapuchhre Bank
Prabhu Bank
FCube
Hamro Patro
Classic Tech
Loading...
NTC
Hyundai
NLIC
Machhapuchhre Bank
Prabhu Bank
FCube
Loading...

विचार

ब्लग

प्रविधि

Hamro Patro
Classic Tech

रोचक

NepalKhabar Tweets

विशेष

  • महेशकुमार गुरागाईं

    बीमा समिति रिटायर्डहरुको आराम गर्ने स्थान बन्यो: पुनर्बीमा कम्पनीका अध्यक्ष महेश गुरागाईं

    बीमा समितिलाई प्राधिकरण बनाउने सरकारी योजना उपयुक्त छ। प्राधिकरणलाई कानुनले नै अधिकार दिएर पठाइसकेपछि नियामक निकाय बलियो हुन्छ र कानुन बमोजिम गर्न...

  • एेतिहासिक एक दिवशीय श्रृंखला यादगार बनाउने चुनौती (भिडियो/फोटो)

    त्रिवि क्रिकेट मैदानमा नेपाली राष्ट्रिय क्रिकेट टोली आफ्नो पहिलो ऐतिहासिक एक दिवसीय अन्तराष्ट्रिय(ओडिआई) क्रिकेट श्रृंखलाको अन्तिम तयारी गरिरहेको छ।

  •  घाँसविरुवा हुर्काउने जिम्मेवारी पाएका यासिर अल मुल्लाह

    विश्वकप २०२२: कसरी अंकुराउँदैछ कतारी मरुभूमिमा पालुवा?

    दोहाका सडकहरु ‘जीपीएस’ पथ प्रदर्शकहरुबाट अभ्यस्त भइसकेका छन्।

  • सहसचिव ईश्वरराज पौडेल, संयाेजक, सुन तस्करी अनुसन्धान टाेली

    पञ्चायतदेखि लोकतन्त्रसम्म सुन तस्करीको ‘अन्डर लेयर’ उस्तै: ईश्वरराज पौडेल (अन्तर्वार्ता)

    एक सय दिनको अनुसन्धानमा सुन तस्करीको सञ्जाल भत्काउन सफल भएका छौं। हामीले देखाएको स्पष्ट चित्र के हो भने सरकारी निकायको सहकार्यमा सुन तस्करी शून्यमा...