ओलीले सोधेः गेजुवाको सम्झौता किन खारेज गरियो? भनेजति चन्दा दिएन भनेर?

कांग्रेस 'विचारशून्य रित्तो भाँडो' भएको ओलीको आरोप



नेकपा एमालेका अध्यक्ष केपी शर्मा ओलीले बुढीगण्डकी आयोजनामा चिनियाँ कम्पनी गेजुवाको सम्झौता खारेज गर्ने सरकारी निर्णयलाई विप्लवको पार्टीको गतिविधिसँग तुलना गरेका छन्।

‘विप्लव र यो सरकारमा के फरक छ?’ ओलीले सोधे, ‘कोही लुट्न जान्छन्, कोही लाइसेन्स खोस्छ। हिजो यही सरकारले लाइसेन्स दिएको हो।’

‘के कारणले गेजुवाको लाइसेन्स खारेज गरियो? अहिले चुनावको मुखमा किन खारेज गरियो? भनेजति चन्दा दिएन भनेर?’ ओलीले सोधे।

उनले चुनाव खर्च उठाउन सरकारले सम्झौता खारेज गरेको बताउँदै निर्वाचन अगाडि सम्झौता दिने र खारेज गर्ने काम बन्द गर्न माग गरे। उनले नयाँ सरकारले मात्र महत्वपूर्ण परियोजनाहरुको सम्झौता पुनर्मूल्यांकन गर्न पाउने तर्क पनि गरे। 

उनले ‘बम प्रहार गर्ने’ र ‘लुटिखाने लोकतन्त्रको मसिहा’बीच पनि केही फरक नभएको बताए।

‘बम प्रहार गर्ने, आतंककारी गतिविधि गर्ने, लुटिखाने तत्वहरु र लुटिखाने लोकतन्त्रका मसिहा हुँ भन्ने तत्वमा के फरक छ? के साँठगाठ छ यिनीहरुमा?’

काठमाडौँका वाम गठबन्धनका उम्मेदवारहरुको परिचयात्मक कार्यक्रममा बोल्दै ओलीले सरकारले आफ्ना कार्यकर्तालाई २३ करोड रुपैँया बाँडेको आफूले सुनेको बताउँदै भने, ‘यो उहाँहरुले मनपरी गर्न पाउने उहाँहरुको पार्टीको सम्पत्ति हो?’

कांग्रेसप्रति निकै आक्रमक रुपमा प्रस्तुत भएका ओलीले भने, ‘कांग्रेससँग कुनै विचार छैन। विचारशून्य रित्तो भाँडो हो कांग्रेस। कांग्रेस कहिल्यै विचारको बहस गर्दैन, झुठा आरोप मात्र लगाउँछ।’

ओलीले कांग्रेस असली समाजवादी नभएको आरोप पनि लगाए। ‘कांग्रेस समाजवाद भनेपछि देशभित्र आत्तिन्छ, बाहिर समाजवादी हौं भनेर हात मोल्छ।’

बरु सोसलिस्ट इन्टरनेसनलको सदस्यबाट कांग्रेसले राजीनामा दिनुपर्ने पनि ओलीले सुझाए। ‘सोसलिस्ट इन्टरनेसनलको सदस्य छ, त्यसबाट किन राजिनामा दिँदैन? किन समाजवादी होइनौँ भन्न सक्दैन?’

उनले आफ्नो पार्टी लोकतन्त्रवादी हौँ भनेर कसैले प्रमाणित गरिदिनुनपर्ने पनि बताए। ‘हामी लोकतन्त्रवादी हौं भन्नका लागि सानेपाले आइएसओ प्रमाणित गर्नुपर्ने?’ ओलीले भने, ‘कांग्रेसले यस्तो भ्रम नपाले हुन्छ।’

 

प्रकाशित २८ कार्तिक २०७४, मंगलबार | 2017-11-14 15:24:51

नेपालखबरबाट थप


प्रतिकृया दिनुहोस

Loading...
Loading...

विचार

सुखद शुक्रबार

ब्लग

NepalKhabar Tweets

विशेष

  • प्रचण्डले भने: म त सम्हालिएको छु, परिवारलाई सम्हाल्न गार्‍हो छ (भिडियो)

    युद्ध र शान्तिको नेतृत्व गरेकाले जतिसुकै ठूला घटना सहन गर्ने क्षमता आफूमा भएपनि एक पछि अर्काे गर्दै छोरा–छोरीको निधनका कारण परिवारलाई सम्हाल्न कठिन...

  • ओलीसँगै उमेश गिरि (बायाँ)

    जसले एमालेको दुई करोड ‘खाए’, तिनै गिरीले ओलीको हातबाट टीका लगाए

    सत्ता टिकाउन एमालेसँग दुई करोड माग गरेको आरोप लागेका कांग्रेसका चर्चित नेता उमेश गिरी अन्तत एमालेमै प्रवेश गरेका छन्। सोमबार विहान बिराटनगरमा...

  • सिंहदरबार परिसर

    चुनावपछि मात्रै प्रदेशको अस्थायी राजधानी र गभर्नर

    आन्दोलन भएर निर्वाचनसमेत प्रभावित हुनसक्ने भन्दै सरकार प्रदेशको अस्थायी राजधानी तोक्ने र गभर्नर नियुक्त गर्ने कार्यबाट पछि हटेको छ। दुवै काम अब...

  • प्रकाशको निधनमा शंका छैन, छानविन गर्नुपर्दैन: प्रचण्ड

    ‘ज्वरो सामान्य नै थियो। त्यसलाई हामी सबैले सामान्य नै ठान्यौं। तर ज्वरो नघटेकाले आइतबार उपचार गर्न जाने योजना थियो। यदि ज्वरो नघटेको भए आइतबार...