Exclusive

‘पहिले मलाई हराइयो, यसपटक गच्छदारलाई जित्छु’



भगवती चौधरी
भगवती चौधरी

पहिलो संविधानसभामा मनोनीत सभासद बनेकी एमाले नेतृ भगवती चौधरी झलनाथ खनाल नेतृत्वको सरकारमा राज्यमन्त्री भएकी थिईन्। २०७० को निर्वाचनमा सुनसरी–३ मा एमाले उम्मेदवार रहेकी उनी तत्कालिन मधेशी जनअधिकार फोरमका अध्यक्ष विजय गच्छदारसँग पराजित भइन्। दोस्रो संविधान सभा निर्वाचनमा  पराजित गरेका गच्छदारसँग प्रतिस्पर्धा गर्न एमालेले यस पटकपनि उनैलाई सुनसरी–३ मा प्रत्यासी बनाएको छ।चौधरीसँग नेपालखबरका लागि आकाश क्षेत्रीले गरेको चुनाव-वार्ता: 

सुनसरी–३ मा चुनावी माहोल कस्तो बन्दैछ?

हामी प्रचार–प्रसारमा छौँ। जनताबाट आशा गरे अनुरुप नै सहयोग पाएकी छु। जनता यस्तो नेताको खोजीमा छन्, जसले व्यक्तिगत स्वार्थका लागि होइन, जनताको स्वार्थका लागि काम गरोस्। यस हिसावले मेरो उम्मेदवारीप्रति जनता सकरात्मक देखिएका छन्।

कस्तो आउला त नतिजा त्यसो भए?

यस पटक चाहिँ जित्ने विश्वास लिएकी छु। यहाँका जनताका लागि धेरै काम गर्न सकेकी छु। एक त म वामगठबन्धनको उम्मेदवार हुँ। अर्काेतिर राप्रपादेखि नयाँ शक्ति र अन्य साना दलका स्थानीय नेताहरु एमालेमा प्रवेश गरेका छन्। त्यसैले सहज रुपमा विजयी हुन्छु।

विजयकुमार गच्छदारलाई हराउन यति सजिलो छ र?

गच्छदार धेरैपटक मन्त्री, उपप्रधानमन्त्री बन्नुभएको छ। कहिल्यै निर्वाचन हार्नुभएको पनि छैन। तर सुनसरीका जनताले उहाँबाट के पाए त? मतदाताको दिमागमा यही कुरा घुमिरहेको छ। उहाँले छानी–छानी मन्त्रालय पाउनु भएको छ। तर त्यो अवसरलाई आफ्नालागि मात्र प्रयोग गर्नुभयो। जनताका लागि प्रयोग गर्न सक्नुभएन। जुन अपेक्षा जनताको उहाँप्रति थियो, त्यो पुरा नभएकाले यस पटक सजिलै चुनाव जित्छु भन्ने लागेको छ।

गच्छदार कमजोर नै छन् त?

उहाँले गर्ने निर्वाचन तयारी मलाई राम्रोसँग थाहा छ। मतदातालाई आफ्नो प्रभावमा पार्न उहाँ पैसाको साहारा लिनुहुन्छ। उहाँको भोट लान्ने पैसाले मात्र हो। जनताको घरदैलोमा जान उहाँसँग एजेन्डा नै छैनन्।

२०७० सालको संविधानसभा निर्वाचन हार्नुको कारण के थियो?

मलाई हराउन निकै ठूलो राजनीतिक चलखेल भयो। म जम्मा ३ सय ६२ मतले मात्र हारेको थिएँ। गच्छदारलाई जिताउन बदर भएका मतलाई समेत सदर गराइयो। यो कुरा सुनसरीका जनतालाई थाहा छ।

तपाईंका एजेण्डा चाहिँ के छन्?

मेरो मुख्य एजेन्डा युवा स्वरोजगार हो। यहाँका जनताले राम्रो शिक्षा पाएका छैनन्। स्वास्थ्य सेवा पाएका छैनन्। उनीहरुलाई प्रविधिक शिक्षा सर्वसुलभ गराउनु मेरो प्राथमिकता हो। यहाँका मुसहर मुसहर समुदाय भोकानाङ्गा छन्। उनीहरुका लागि लड्नु मेरो कर्तव्य र एजेण्डा दुवै हो।

 

प्रकाशित २५ कार्तिक २०७४, शनिबार | 2017-11-11 19:24:25
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • गृमन्त्री रामबहादुर थापा र अर्थमन्त्री युवराज खतिवडा यथावत रहनेछन्

    मन्त्रिपरिषद् पुनर्गठन गृहकार्यः को को मन्त्री बिदा हुँदैछन्

    पार्टी सचिवालयको सन्तुलन कायम राख्न गृहमन्त्री थापा र उपयुक्त विकल्प नहुँदा अर्थमन्त्री खतिवडालाई हटाउन चाहँदैनन् प्रधानमन्त्री ओली।

  • राजनारायण पाठक र लोकमानसिंह कार्की

    लोकमान–राजनारायणलाई टंगाल पठाएर सूर्यनाथको अपेक्षा?

    अख्तियारमा नियुक्ति पाउन लोकमानसिंह कार्कीले कति रकम खर्च गरेका थिए भन्ने गाइँगुइँ त्यसै चुहिएको छैन। राजनारायण पाठकले अवकाश पाउनासाथ अख्तियारमा...

  • संघीय मामिला तथा सामान्य प्रशासन मन्त्रालय

    स्थानीय तह र प्रदेशको करको दर/दायरामा केन्द्र सरकारको नियन्त्रण

    स्थानीय तथा प्रदेश सरकारले उठाएको करको दर र दायराको विषयमा केन्द्र सरकारले एक अध्ययन गरी विभिन्न शीर्षकमा आफूखुसी उठाउँदै आएका करमाथि नियन्त्रण...

  • राजनारायण पाठक

    अख्तियारकाे विशेष टाेलीले पाठकबिरूद्ध थाल्याे अनुसन्धान

    ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकबिरुद्ध आयोगले नै छानबिन अघि बढाएको छ।