एमाले प्रवेश गर्दै सीमारक्षक देवनारायणले भने: मलाई कतिबेला मार्छन् थाहा छैन

भारतको व्यवहार असल छिमेकीको जस्तो छैनः ओली


Infocus


देवनारायण यादव
देवनारायण यादव
तस्बिरः प्रवीण ज्ञवाली

सीमारक्षक देवनारायण यादव एमालेमा प्रवेश गरेका छन्। बिहीबार एमाले संसदीय दलको कार्यालय सिंहदरबारमा भएको पार्टी एकता तथा प्रवेश कार्यक्रममा यादवसहित मेघराज नेपाली निषद् नेतृत्वको मधेस समता पार्टी एमालेमा प्रवेश गरेका छन्।

NIC ASIA

यादव नेपाली कांग्रेस परित्याग गरि एमालेमा प्रवेश गरेका हुन्। यादव सप्तरीका पूर्वजिविस सदस्य समेत हुन्।

गत वर्ष सप्तरी तिलाडीको खाँडो खोलामा भारतीय पक्षले नेपालको भू–भाग डुवानमा पर्नेगरी बनाएको बाँध भत्काएपछि भएको भारतीय पक्षसँगको झडपमा यादव गम्भीर घाइते समेत भएका थिए। भारतीय ज्यादतिविरुद्ध निरन्तर लड्दै र आवाज उठाउँदै आएका यादव हालसालै भारतमा भारतीय प्रहरीद्वारा पक्राउ परी केही दिन अघिमात्रै रिहा भएका थिए।

मलाई कतिबेला मार्छन् थाहा छैनः यादव

एमाले प्रवेश गर्दै सीमारक्षक देवरानारायण यादवले आफूलाई भारतीय पक्षबाट खतरा रहेको बताएका छन्। भारतीय दूतवासबाट एक महिलाले महामहिमले भेट्न खोजेको भन्दै फोन गरिरहेको उनले जानकारी दिए । सीमाको रक्षाका लागि लडेकै कारण आफू भारतीयहरुको तारो बनेको भन्दै उनले  भने, ‘मलाई बोडरमा कहिले काट्छन्/मार्छन् थाहा छैन।’

यादवले आफू निस्वार्थ भावनाले एमालेमा प्रवेश गरेको बताएका छन्। उनले तिलाठी घटनापछि अन्य दलका नेताहरु मौन बसेको र एमालेका केही नेता तिलाठीमै पुगेको भन्दै एमाले देशका बारेमा गम्भीर पार्टी भएको बताए। आफूले भारतीय पक्षको आक्रमणबाट हरेस खाँदा एमालेले सहयोग गरेको भन्दै यादवले आफू निरन्तर रुपमा राष्ट्रियताका पक्षमा लाग्ने बताए।

भारतको व्यवहार असल छिमेकीको जस्तो छैनः ओली

देवनारायणलाई एमाले प्रवेश गराउँदै एमाले अध्यक्ष केपी शर्मा ओलीले भारतीय पक्षको व्यवहार असल छिकेकीका जस्तो नभएको बताएका छन्। उनले एमाले देश र जनताको पक्षमा काम गर्ने दल भएको दावी गरे।

मधेसवादी दलले मधेसी जनताका नाममा गलत राजनीति गरिरहेको भन्दै अध्यक्ष ओलीले भने, ‘जनतालाई भोकै पार्ने मधेसी मदेशी दल मधेस समर्थक र मधेसी जनताको उन्नति प्रगति गर्न चाहने दल एमाले कसरी मधेस विरोधी भयो?’ उनले एमाले पार्टीले जनतालाई कहिल्यै नझुक्याएको दावी गरे।

त्यस्तै मधेस समता पार्टीका अध्यक्ष मेघराज नेपाली निषद्ले एमाले गरिव र निमुखाको पक्षमा भएका कारण आफू एमालेमा प्रवेश गरेको बताए। ओली नेतृत्वको मन्त्रीमण्डलमा मन्त्री समेत रहेका नेपालीले एमालेले राष्ट्रियताका पक्षमा लिएको अडान सर्हानीय रहेको बताए।

प्रकाशित २६ असोज २०७४, बिहिबार | 2017-10-12 15:54:41
Max TV
Max TV
Zen Travels

नेपालखबरबाट थप


प्रतिकृया दिनुहोस

NTC
NLIC
Westar
Yamaha
Hyundai
Machhapuchhre Bank
Prabhu Bank
City Express
Max TV
Hamro Patro
Classic Tech
Loading...
NTC
NLIC
Westar
Yamaha
Hyundai
Machhapuchhre Bank
Prabhu Bank
City Express
Loading...

विचार

सुखद शुक्रबार

ब्लग

Max TV
Hamro Patro
Classic Tech

रोचक

NepalKhabar Tweets

विशेष

  • पुष्कर कार्की

    एआईजीको फुली थाप्नासाथ बेहोस ‘दोस्त’ भेट्न अस्पताल

    ‘संगठनभित्रको आन्तरिक बिषय बाहेक अन्यले हाँस्ने, टीका टिप्पणी गर्ने, कसले कहाँ बस्दा के गर्यो, को प्रहरी कर्मचारी कसको पक्षमा लागेर हिँडेको छ भनेर...

  • ओली र प्रचण्ड

    यस्तो छ ७ बुँदे निर्देशनसहित ओली र प्रचण्डले जारी गरेको विशेष सर्कुलर

    नेकपा अध्यक्षद्वय केपी शर्मा ओली र पुष्पकमल दाहाल (प्रचण्ड) ले पार्टी केन्द्रीय सचिवालयको १३ औँ बैठक लगत्तै विशेष सर्कुलर जारी गरेका छन्।

  • कांग्रेस-कम्युनिष्टको झगडाले भारतीयलाई थारु महाधिवेशन उद्घाटनको अवसर

    देउवाबाट उद्घाटन गराउने कुरामा नेकपा समर्थकहरु सहमत भएनन्। कांग्रेस-कम्युनिष्टबीच मतैक्यता नभएपछि सम्मेलनमा अतिथिको रुपमा आएका भारतको थारु...

  • बिमानस्थलमा प्रचण्डलाई स्वागत गर्दै बामदेब गौतम

    ‘पखाला लाग्यो’ भन्दै शीतलनिवास नगएका बामदेव प्रचण्ड भेट्न विमानस्थल पुगेपछि

    शुक्रबार साँझ फेसबुकमा लेखिएको सो स्टाटस शनिबार बिहानसम्म आचार्यले डिलिट गरिसकेका थिए। तर, यो प्रकरणले के देखाउँछ भने, राष्ट्रपति कार्यालय र...