एमाले प्रवेश गर्ने भनेका नेता रामचन्द्र झा माओवादी केन्द्रमा



नयाँ शक्तिका सहसंयोजक रामचन्द्र झा माओवादी केन्द्रमा प्रवेश गर्ने भएका छन्। झासहित रामकुमार शर्मा लगायतका नेताहरु माओवादी केन्द्र प्रवेश गर्न लागेका हुन्।

पछिल्ला दिनमा नेता झा एमाले प्रवेश गर्ने चर्चा चलेको थियो। एमालेका पूर्वनेता समेत रहेका उनले एमालेसँग उपाध्यक्षको पद माग गरेका थिए। उपाध्यक्ष पद दिन एमाले नेताहरु सकारात्मक नदेखिएपछि बिहिवार विहान उनी माओवादी केन्द्रका अध्यक्ष पुष्पकमल दाहाल ‘प्रचण्ड’ निवास लाजिम्पाट पुगेका थिए। दाहालसहित माओवादी उच्च नेताहरुसंगको छलफल सकारात्मक बनेपछि झा माओवादी केन्द्र प्रवेश गर्ने अन्तिम तयारीमा रहेका छन्।

माओवादी केन्द्रका कार्यालय सदस्य मणी थापाले झा लगायतका नेताहरु माओवादी केन्द्रमा प्रवेश गर्नेबारे छलफल चलेको पुष्टि गरेका छन्। ‘उहाँहरुसंग छलफल चलिरहेको छ, छलफल सकारात्मक बनेको छ, माओवादी प्रवेश गर्ने अन्तिम चरणमा हुनुहुन्छ उहाँहरु’ नेता थापाले भने।

उता नयाँ शक्तिका अर्का प्रभावशाली पार्टीका नेता देवेन्द्र पौडेलले बिहिवार राजधानीको हार्दिक होटलमा पत्रकार सम्मेलन गरेर परिवर्तित सन्दर्भमा आफ्ना कुरा राख्दैछन्। नयाँ शक्ति पार्टीभित्र असन्तुष्ट रहँदै आएका नेता पौडेलले आजै पार्टी परित्याग गरेको घोषणा गर्ने निश्चित नभए पनि आजको प्रेस व्रिफिङबाट उनले माओवादी केन्द्र प्रवेशको वातावरण बनाउन चाहेको उनी निकट एक नेताको दाबी छ। नेता पौडेलसहित कुमार पौडेल, वामदेव क्षत्री, महेन्द्र पासवान लगायतका नेताहरुले पनि नयाँ शक्ति छोडेर माओवादी केन्द्रको प्रवेशको तयारी गरिरहेको बताइएको छ।

 

 

प्रकाशित २६ साउन २०७४, बिहिबार | 2017-08-10 14:16:59

प्रतिकृया दिनुहोस

Loading...
Loading...

विचार

सुखद शुक्रबार

ब्लग

रोचक

NepalKhabar Tweets

विशेष

  • बेइजिङमा खुल्यो नेपाली भाषा विशेषज्ञ समिति

    चीनको संस्कृति मन्त्रालयको वैदेशिक संस्कृति सम्पर्क व्यूरो तथा बेइजिङ भाषा तथा संस्कृति विश्वविद्यालयको संयुक्त प्रयासमा सोमबार नेपाली भाषा...

  • बाबुराम भट्टराईका मामा चन्द्रप्रसाद न्यौपाने

    बाबुरामका मामा भन्छन्ः भाञ्जाको जीत हर्ष न बिस्मात!

    ‘हिजो म नराम्ररी झुक्किएछु। प्रकाश (कांग्रेसबाट गोरखा २ (ख) प्रदेशमा विजयी) ले बुवा हिँड्न सक्नुहुन्न गाडीमा चढ्नुस् भन्नुभयो, म चढेँ। कुनबेला...

  • जीतपछि प्रचण्ड हर्षित, परिवार भावुक (तस्वीर)

    जन्मदिनको अघिल्लो दिन चितवन–३ मा विजयी भएपछि माओवादी केन्द्रका अध्यक्ष पुष्पकमल दाहाल ‘प्रचण्ड’ निकै हर्षित देखिएका छन्। तर, उनका परिवारका सदस्यहरु...

  • यू-१६ नेपाली टोली

    नारायण जोशीको उत्कृष्ट बलिङमा नेपालको सहज जित

    एसीसी यू–१६ इस्टर्न रिजन क्रिकेट प्रतियोगिता अन्तर्गतको सोमबार भएको पहिलो खेलमा नेपालले आयोजक थाइल्याण्डलाई १३३ रनले पराजित गरेको छ।