सरकारसँगको सहमतिमा राजपाको उम्मेदवारीः गृहमन्त्री शर्मा



गृहमन्त्री जनार्दन शर्माले राष्ट्रिय जनता पार्टी दोस्रो चरणको चुनावमा स्वतन्त्र रुपमा उम्मेदवारी दिनका लागि सरकारसँग सहमति भएको बताएका छन्। सोमबार नेपालगञ्जमा भएको सुरक्षा गोष्ठीलाई सम्बोधन गर्दै गृहमन्त्रीले उक्त कुरा बताएका हुन्।

असार १४ गते हुने दोस्रो चरणको स्थानीय तहको निर्वाचनको लागि आइतबार प्रदेश नम्बर १, ५ र ७ मा उम्मेदवारी मनोनयन दर्ता भएको थियो। सोही क्रममा रुपन्देहीको तीन स्थानीय तहमा राजपाका नेताहरुले स्वतन्त्र रुपमा उम्मेदवारी दिएका छन्।

चुनाव बहिष्कार गरी आन्दोलनमा उत्रिएको राष्ट्रिय जनता पार्टीको नेतृत्व तहबाट त्यसमा सकरात्मक प्रतिक्रिया नआएको भएपनि गृहमन्त्री शर्माले भने उक्त खुलासा गरेका हुन्।

गृहमन्त्री शर्माले चुनाव बहिष्कार गर्न खोजेको राजपा सरकारले गरेको निरन्तरको प्रयासपछि स्थानीय तहको दोस्रो चरणको चुनावमा सहभागी हुने अवस्था आएको दावी गरे। उनले मधेस केन्द्रीत दलहरुका असन्तुष्टी क्रमशः समाधान हुने चरणमा रहेको समेत उक्त सुरक्षा गोष्ठीमा जानकारी दिए।

उनले दुई नम्बर प्रदेशमा चुनाव हुनु पहिले नै मधेशका असन्तुष्टी समाधान भइसक्ने दावी गरे।

गृह मन्त्रालयका सचिव लोकदर्शन रेग्मी, निर्वाचन आयुक्त सुधिरकुमार शाह, नेपाल प्रहरीका महानिरीक्षक प्रकाशराज अर्याल, सशस्त्र प्रहरी महानिरीक्षक सिंहबहादुर श्रेष्ठ, नेपाली सेनाका बलाधिकृत रथी बलदेवराज महत, राष्ट्रिय अनुसन्धान विभागका मुख्य अनुसन्धान निर्देशक दिलिप रेग्मी लगायतका सुरक्षा अधिकारीको सहभागिता रहेको गोष्ठीमा दोस्रोचरणको निर्वाचनको सुरक्षा चुनौतीका बिषयमा छलफल गरी नयाँ रणनीति बनाइने बताइएको छ। 

प्रकाशित ५ असार २०७४, सोमबार | 2017-06-19 18:23:53

प्रतिकृया दिनुहोस

Loading...
Loading...

विचार

सुखद शुक्रबार

ब्लग

रोचक

NepalKhabar Tweets

विशेष

  • रोहित पौडेल

    ट्यालेन्ट हन्टबाट उदाएका रोहित

    २४.४ ओभरमा आठौ नम्बरको ब्याट्सम्यानका रुपमा मैदान प्रवेश गरेका रोहितले बाँकी पुरै ओभरमा भारतको डटेर सामना मात्रै गरेनन्, ६८ रनको अर्धशतकीय पारी र...

  • गोरखा-२ मा अन्तिम जोडबल गर्दै बाबुराम र नारायणकाजी

    वाम गठबन्धन बनेपछि यसले प्रायः नयाँ शक्तिका स्थानीय स्तरका नेता, कार्यकर्तालाई माओवादीमै फर्काएको छ भने नेपाली कांग्रेसले पनि माओवादी तथा एमालेका...

  • छोरा प्रकाशको मृत्युको खबरपछि झापाबाट काठमाडौं उड्नेबेला प्रचण्ड (फाइल फोटो)

    ‘सक्रिय राजनीतिका कारण मैले प्रकाशको लालनपालनमा न्याय गरिनँ’

    सानैदेखि उनी मेरा लागि छोराभन्दा पनि बढि सहकर्मी र सहयोद्धा थिए। म इमानदारीपूर्वक भन्छु, प्रधानमन्त्रीका रुपमा मेरो दोश्रो कार्यकाल उनको सहयोगबीना...

  • काठमाडौं १: सिंहको किल्लामा छापामार शैलीको घरदैलो

    एक, स्थानीय तह निर्वाचन परिणामका आधारमा एमाले–माओवादी केन्द्र यहाँ उत्तिकै बलिया छन्। दुई, छापामार स्टाइलमा घरघरमा घुसेर, प्रत्येक मतदातालाई भेटेर...