विराटनगर महानगरमा माओवादी–फोरम तालमेल, फोरमलाई मेयर



असार १४ मा हुने दोस्रो चरणको निर्वाचनका लागि विराटनगर महानगरमा नेकपा माओवादी केन्द्र र संघीय समाजवादी फोरमबीच तालमेल हुने भएको छ । सुरुबाटै यहाँ कांग्रेस–माओवादीबीच तालमेल हुने चर्चा हुँदै आए पनि अन्तिम समयमा आएर माओवादी र फोरमबीच तालमेल भएको हो।

दुई दलको सहमतिअनुसार विराटनगर महानगरपालिकामा संघीय समाजवादी फोरमले मेयरको उम्मदेवार उठाउने भएको छ। माओवादी केन्द्रले उपमेयर पाउने छ। जसमा फोरमले उमेश यादवलाई उम्मेदवार बनाउने निर्णय गरेको छ भने माओवादीले यसअघि नै घोषणा गरिएकी नमिता न्यौपानेलाई नै उपमेयरमा अघि सारेको छ।

यहाँ सुरुबाटै कांग्रेस–माओवादीबीच तालमेल हुने चर्चा चल्दै आए पनि त्यो प्रयास विफल भएपछि अन्तिम समयमा आएर फोरमसँग तालमेल भएको माओवादी केन्द्रका जिल्ला अध्यक्ष गोपी आछामीले बताए।

फोरम उपेन्द्र यादव नेतृत्वको पार्टी हो। अहिले डा.बाबुराम भट्टराईको नयाँ शक्ति पार्टी र फोरमले एकै चुनाव चिह्नबाट चुनाव लड्दैछन्। त्यस आधारमा विराटगरमा नयाँ शक्ति र फोरमसमेतको गरेर ‘राम्रै’ जनाधार रहेको बताइन्छ । त्यसमा माओवादी पनि मिसिएपछि प्रमुख दुई ठूला दलसँग प्रतिस्पर्धा गर्न सकिने माओवादी–फोरमको बुझाइ छ।

माओवादी–फोरम तालमेलको औपचारिक घोषणा भने भइसकेको छैन । उनीहरूलै आजै मनोनयनसँगै औपचारिक घोषणा गर्ने तयारी रहेको बुझिएको छ।

माओवादी–फोरमबीच जिल्लाका अन्य स्थानीय तहमा पनि तालमेल गरेर अघि बढ्ने सहमति भएको सो पार्टीले जनाएको छ।

यता, विराटनगर महानगरमा शनिबार मात्रै नेकपा एमाले र विजयकुमार गच्छेदार नेतृत्वको फोरम लोकतान्त्रिकसँग तालमेल गर्ने सहमति भएको थियो। अर्को ठूलो दल नेपाली कांग्रेस भने एक्लै चुनावी मैदानमा उत्रिने भएको छ ।

एक महानगरसहित आठ नगरपालिका र आठ गाउँपालिका रहेको मोरङमा कूल १७ स्थानीय तह रहेका छन्।

प्रकाशित ४ असार २०७४, आइतबार | 2017-06-18 08:35:25

प्रतिकृया दिनुहोस

Loading...
Loading...

विचार

सुखद शुक्रबार

ब्लग

रोचक

NepalKhabar Tweets

विशेष

  • रोहित पौडेल

    ट्यालेन्ट हन्टबाट उदाएका रोहित

    २४.४ ओभरमा आठौ नम्बरको ब्याट्सम्यानका रुपमा मैदान प्रवेश गरेका रोहितले बाँकी पुरै ओभरमा भारतको डटेर सामना मात्रै गरेनन्, ६८ रनको अर्धशतकीय पारी र...

  • गोरखा-२ मा अन्तिम जोडबल गर्दै बाबुराम र नारायणकाजी

    वाम गठबन्धन बनेपछि यसले प्रायः नयाँ शक्तिका स्थानीय स्तरका नेता, कार्यकर्तालाई माओवादीमै फर्काएको छ भने नेपाली कांग्रेसले पनि माओवादी तथा एमालेका...

  • छोरा प्रकाशको मृत्युको खबरपछि झापाबाट काठमाडौं उड्नेबेला प्रचण्ड (फाइल फोटो)

    ‘सक्रिय राजनीतिका कारण मैले प्रकाशको लालनपालनमा न्याय गरिनँ’

    सानैदेखि उनी मेरा लागि छोराभन्दा पनि बढि सहकर्मी र सहयोद्धा थिए। म इमानदारीपूर्वक भन्छु, प्रधानमन्त्रीका रुपमा मेरो दोश्रो कार्यकाल उनको सहयोगबीना...

  • काठमाडौं १: सिंहको किल्लामा छापामार शैलीको घरदैलो

    एक, स्थानीय तह निर्वाचन परिणामका आधारमा एमाले–माओवादी केन्द्र यहाँ उत्तिकै बलिया छन्। दुई, छापामार स्टाइलमा घरघरमा घुसेर, प्रत्येक मतदातालाई भेटेर...