बेइजिङ ब्रिफिङ–२

दियाउथाइ भेटपछि दाहाल उत्साहित




तत्कालीन प्रधानमन्त्री दाहालसँग बेइजिङमा भेट्दै चीनका उपप्रधनमन्त्री वाङ (फाइल फोटो)
तत्कालीन प्रधानमन्त्री दाहालसँग बेइजिङमा भेट्दै चीनका उपप्रधनमन्त्री वाङ (फाइल फोटो)
सिन्ह्वा
NIC ASIA

शनिबार साँझ बेइजिङस्थित नेपाली दूताबासमा संक्षिप्त सम्बोधन गर्दै गर्दा प्रधानमन्त्री पुष्पकमल दाहाल ‘प्रचण्ड’ आत्मविश्वासी त देखिन्थे तर उनको अनुहारको भाव बढी नै गम्भिर लाग्थ्यो। त्यसैले उनले आफ्नो स्वभाव विपरित निकै छोटो बोले र हलमा भरिएका चिनियाँ मित्रहरूसँग बरु हात मिलाउन तम्सिए।

तर ग्रेट वाल अवलोकनबाट सुरु भएको बेइजिङको दोस्रो दिनका भेटवार्ता र कार्यक्रममा केही कडा प्रश्न सामना गरेका दाहालमा उत्साह थपिँदै गएको अनुभव उनको भ्रमण दलका सदस्यले गर्न थालेका छन्। आइतबार दिउँसो चिनियाँ कम्युनिष्ट पार्टी (सीपीसी) अन्तर्राष्ट्रिय विभागका प्रमुख सोङ ताओ र साँझ उपप्रधानमन्त्री वाङ याङसँगको भेटपछि संभवतः सोमबार दिउँसो राष्ट्रपति सी जिनपिङसँग हुने भेट उपलब्धीमूलक हुने निष्कर्षसँगै दाहालमा उत्साह थपिएको हुनुपर्छ।

प्रधानमन्त्री दाहाललाई भेट्न चीनका उपप्रधानमन्त्री वाङ याङ आफ्ना केही मन्त्री सहित उनी बसेको स्टेट गेष्ट हाउस दियाउथाइमै आए, जहाँ तिब्बत रेलमार्ग केरुङ हुँदै काठमाडौँ जोड्न दाहालले राखेको प्रस्तावमा वाङले ‘संयुक्त अध्ययन अगाडि बढाउन’ चीन तयार रहेको जवाफ दिए। वाङले तिब्बत सरकारले तातोपानी नाकामाथि गरेको अध्ययनलाई बेइजिङले थप अध्ययन गरिरहेको भन्दै ‘चाँडै नाका खोल्न सकिने’ आश्वासन फेरि दिएका छन्।

हाइनानको बोआओमा प्रथम उपप्रधानमन्त्री झाङ गाओलीसँगको छलफलमा आफ्ना एजेण्डा प्रारम्भिक रुपमा राखेका दाहालले बेइजिङमा उपप्रधानमन्त्री वाङसँग त्यसबारे विस्तारमा छलफल चलाए। चिनियाँ छापा मिडियाले यो भ्रमणलाई त्यत्ति महत्व नदिए पनि सरकारी टेलिभिजनले द्विपक्षीय बैठक झैँ प्रस्तुत गरेको भेटवार्तामा रेलमार्गसँगै, व्यापार तथा पारबहन, पर्यटन, कृषि र प्रविधि हस्तान्तरणका विषयमा समझदारी विकास भएको छ।

राष्ट्रपति सीसँग संक्षिप्त भेटवार्ता मात्र हुने भएकाले दाहालको यो भ्रमणको क्रममा उपप्रधानमन्त्री वाङसँगको बैठक नै निर्णायक थियो, जहाँबाट दाहालको टोली उत्साहित हुँदै निस्केको हो।

‘काठमाडौँबाट हिंड्दा प्रधानमन्त्रीले यो सद्भावना भ्रमण भएकाले धेरै अपेक्षा राख्नु भएको थिएन, तर भ्रमण सोचेभन्दा राम्रो र विश्वासलाई माथि उठाउन सफल भएको छ’, वाङसँगको भेटमा सहभागी प्रधानमन्त्रीका प्रेस सल्लाहकार गोविन्द आचार्यले आइतबार राती भने, ‘यो बैठकको क्रममा धेरै विषयमा समान बुझाई विकास भएको छ, आगामी दिनमा सहमती सम्झौतामा पुग्ने बलियो आधार तयार भएको प्रधानमन्त्रीले महशुस गर्नु भएको छ।’

बेइजिङ वैदेशिक अध्ययन विश्वविद्यालयले दाहाललाई थप सहज माहोल बनाइदियो। दिउँसो २ बजे विश्वविद्यालयमा आफुले मन्तव्य दिने हलको गेटमै रोकिएको कारगेटबाट झर्दै गर्दा नै दाहालमा उत्साह बढेको देखिन्थ्यो। परराष्ट्रमन्त्री डा. प्रकाशरण महतसहित उपस्थित भएर उनले यो विश्वविद्यालयमा नेपाल अध्ययन केन्द्र त उद्घाटन गरे नै, आफ्नो लिखित मन्तव्यपछि भर्खरका चिनियाँ युवा विद्यार्थीसँग सिधा अन्तक्र्रिया गर्ने गजवको अवसर पाए।

करिब तीन सय विद्यार्थी र प्रोफेसरहरूबीच परराष्ट्रमन्त्री महतपछि दाहालको मन्तव्य भारतीय र श्रीलंकन दूताबासका अधिकारीले समेत सुने। यो मन्तव्य विचार पुर्याएर सम्पादन गरिएको दस्तावेज जस्तो लाग्थ्यो, जसमा उनले केपी ओली सरकारले चीनसँग गरेका सहमती सम्झौता अगाडि बढाउन अहिलेको सरकार प्रतिवद्ध रहेकोदेखि नेपालसँग सम्बन्धित चीनका हरेक चासोलाई समेट्न खोजेका थिए।

‘गत वर्ष हामीले व्यापार तथा पारबहन सम्झौता गर्यौँ, जसले नेपाललाई ल्याण्डलक्डबाट ल्याण्डलिंक राष्ट्र बनाउने छ’, मन्तव्यका केही लाइन कुटनीतिक रुपमा बढी सन्देशमूलक छन्, ‘नेपालमा जसले सरकारको नेतृत्व गरे पनि चीनसँग नेपालको सम्बन्ध मजबुत र दृढ छ, यो हाम्रो सम्बन्धको स्थाई विशेषता हो।’

चीनका राष्ट्रपति सी जिनपिङले अगाडि बढाएको ‘वान बेल्ट वान रोड’ पहलमा नेपालले तीन वर्षअघि नै सैद्धान्तिक सहमती जनाइसकेको छ। तर बेइजिङको सम्पूर्ण जोड यससम्बन्धी समझदारी पत्रमा हस्ताक्षर गर्नुमा छ र धेरैको बुझाईमा दिल्लीको दबाब क्रस गरेर काठमाडौँले यसलाई अगाडि बढाउन सकिरहेको छैन।

काठमाडौँमा अचेल धेरै सुनिने ‘वान बेल्ट वान रोड’ चीनमा ‘इदाइलु’ को नाममा पुरै गुन्जयमान रहेछ भन्ने त्यसबेला झन् प्रष्ट भयो, जब प्रधानमन्त्री दाहाललाई हलबाट सिधै प्रश्न गर्ने युवामध्ये अधिकांशले ‘वान बेल्ट वान रोड’ मा नेपालको संलग्नता र यसको रणनीतिक महत्वबारे सोधे। युवा मनस्थिति मात्र होइन, चीन वास्तवमै के चाहन्छ भन्ने बुझ्न संभवतः दाहालका निम्ति यो अर्को अवसर बन्यो।

विश्वविद्यालयबाट दाहालको कारगेट अरनिकोले बेइजिङमा बनाएको ‘ह्वाइट प्यागोडा’ तर्फ बढ्यो, यतिबेलासम्म आफ्नो रक्षामन्त्रीलाई काठमाडौँबाट कोलम्बोका लागि बिदाई गरेर दाहाललाई साथ दिन चिनियाँ राजदूत यू होङ पनि बेइजिङ आइसकेकी थिइन।

‘तपाईंलाई पीएमको मन्तव्य कस्तो लाग्यो?’, विश्वविद्यालयमा दाहालको मन्तव्य सुनेर निस्केका बेइजिङका दक्षिण एसिया विज्ञ मा जियलीले मसँग नै सोधे।

‘मन्तव्य त राम्रो छ’, मैले जवाफ दिइनसक्दै मा जियलीले थपे, ‘स्पीच त प्रसंशनीय छ, तर अब प्रतिवद्धताले मात्र पुग्दैन, उनले गत वर्ष चीन र नेपालबीच भएको सम्झौता लागू गर्न सक्नुपर्छ।’

‘प्रधानमन्त्रीको यो भ्रमणबाट के आश गर्न सकिन्छ?’, मैले सोधें।

‘राष्ट्रपति सीसँगको भेटमा ठोस कार्ययोजना सहित केही समझदारी बन्छ भन्ने मलाई लाग्छ।’

सीपीसी अन्तर्राष्ट्रिय विभागका प्रमुख सोङ ताओसँग दाहालले एक्लाएक्लै करिब डेढ घण्टा छलफल गरे। पार्टी केन्द्रिय सदस्य र विभागीय प्रमुखका रुपमा राष्ट्रपति सीलाई सिधै ब्रिफिङ गर्ने सोङले ‘प्रधानमन्त्री भएपछि प्रचण्डले चीन नेपाल सम्बन्ध स्थिर राख्न गरेको प्रतिवद्धताको प्रसंशा गरेको’ अन्तर्राष्ट्रिय विभागले जनाएको छ।

‘सीपीसी दुई देशबीच धेरै क्षेत्रमा सहकार्य गहिरो बनाउन नेपालका प्रमुख राजनीतिक पार्टीहरूसँग राजनीतिक छलफल र रणनीतिक संवाद बढाउन चाहन्छ’, अन्तर्राष्ट्रिय विभागले भनेको छ, ‘राष्ट्रपति सी जिनपिङ र प्रधानमन्त्री प्रचण्ड चीन नेपाल सम्बन्ध विकासमा महत्वपूर्ण सहमतीमा पुग्ने विश्वास गर्न सकिन्छ।’

प्रकाशित १४ चैत २०७३, सोमबार | 2017-03-27 08:45:41
World Cup
World Cup
Bagaicha
Bagaicha
Zen Travels


प्रतिकृया दिनुहोस

NTC
Hyundai
NLIC
Machhapuchhre Bank
Prabhu Bank
FCube
Hamro Patro
Classic Tech
Loading...
NTC
Hyundai
NLIC
Machhapuchhre Bank
Prabhu Bank
FCube
Loading...

विचार

ब्लग

प्रविधि

Hamro Patro
Classic Tech

रोचक

NepalKhabar Tweets

विशेष

  • महेशकुमार गुरागाईं

    बीमा समिति रिटायर्डहरुको आराम गर्ने स्थान बन्यो: पुनर्बीमा कम्पनीका अध्यक्ष महेश गुरागाईं

    बीमा समितिलाई प्राधिकरण बनाउने सरकारी योजना उपयुक्त छ। प्राधिकरणलाई कानुनले नै अधिकार दिएर पठाइसकेपछि नियामक निकाय बलियो हुन्छ र कानुन बमोजिम गर्न...

  • एेतिहासिक एक दिवशीय श्रृंखला यादगार बनाउने चुनौती (भिडियो/फोटो)

    त्रिवि क्रिकेट मैदानमा नेपाली राष्ट्रिय क्रिकेट टोली आफ्नो पहिलो ऐतिहासिक एक दिवसीय अन्तराष्ट्रिय(ओडिआई) क्रिकेट श्रृंखलाको अन्तिम तयारी गरिरहेको छ।

  •  घाँसविरुवा हुर्काउने जिम्मेवारी पाएका यासिर अल मुल्लाह

    विश्वकप २०२२: कसरी अंकुराउँदैछ कतारी मरुभूमिमा पालुवा?

    दोहाका सडकहरु ‘जीपीएस’ पथ प्रदर्शकहरुबाट अभ्यस्त भइसकेका छन्।

  • सहसचिव ईश्वरराज पौडेल, संयाेजक, सुन तस्करी अनुसन्धान टाेली

    पञ्चायतदेखि लोकतन्त्रसम्म सुन तस्करीको ‘अन्डर लेयर’ उस्तै: ईश्वरराज पौडेल (अन्तर्वार्ता)

    एक सय दिनको अनुसन्धानमा सुन तस्करीको सञ्जाल भत्काउन सफल भएका छौं। हामीले देखाएको स्पष्ट चित्र के हो भने सरकारी निकायको सहकार्यमा सुन तस्करी शून्यमा...