फरक धार

लोकमानले घटाएको ‘वाटरगेट काण्ड’



फोन ट्यापिङ गम्भीर प्रकृतिको अपराध हो। सामान्यतः आतंकवादी, लागूऔषध र मानव तस्करीविरुद्धको कार्य सफल पार्न फोन ट्यापिङको अनुमति दिने चलन छ। तर, त्यो वैधानिक प्रक्रिया र जवाफदेहिताको सीमाभित्र हुन्छ।

अन्य प्रजातान्त्रिक मुलुकको संविधानमा झैं नेपालको संविधानले पनि गोपनीयताको हक सुनिश्चित गरेको छ। यही कारण गोपनीयताको हक उलंघनका घटनालाई गम्भीर अपराध मानिन्छ। लोकमानसिंह कार्कीले संवैधानिक निकाय अख्तियार दुरुपयोग अनुसन्धान आयोग प्रमुखको हैसियतमा फोन ट्याप गरी ‘गम्भीर अपराध’ गर्थे। कार्कीको त्यो अपराध सार्वजनिकपछि कसैको पनि गोपनीयता सुरक्षित नभएको रहस्य खुलेको छ।

एक संवैधानिक निकाय प्रमुखको हैसियत अनुसार लोकमानसिंह कार्कीले संविधानले सुनिश्चित गरेको गोपनीयताको हक सुरक्षित गर्न अग्रसरता देखाउनुपर्ने हो। तर, कर्मचारी र नेताहरुको मात्र होइन अर्को संवैधानिक निकाय प्रमुख सर्वोच्च अदालतका प्रधानन्यायाधीश, सभामुख र न्यायाधीशहरुको पनि फोन ट्याप गर्न लगाउँथे। र उनले त्यो फोन ट्यापबाट संकलित सूचनालाई आफू सर्वशक्तिमान हुन प्रयोग गरे।

लोकमानले फोन ट्यापबाट प्राप्त सूचनालाई भ्रष्ट्राचार र अख्तियार दुरुपयोग अनुसन्धान नियन्त्रणमा भन्दा पनि व्यक्तिगत स्वार्थमा बढी प्रयोग गरेका थिए। उदाहरणका लागि सर्वोच्च अदालतमा उनी विरुद्ध परेको रिट खारेज गर्न, प्रधानन्यायाधीश कल्याण श्रेष्ठको फोन ट्यापबाट प्राप्त सूचनाको दुरुपयोग गरियो। मेडिकल काउन्सिल पदाधिकारी र सञ्चार प्रतिष्ठानका मालिकहरुलाई आतंकित बनाउन पनि उनले फोन ट्यापको औजार चलाए। त्यही सूचनालाई दुरुपयोग गर्दै धेरैको मुख थुने। यसरी कार्की आतंक ज्ञानेन्द्रकालीन आतंकलाई पनि माथ गर्ने खालको थियो।

लोकमानसिंह कार्कीले फोन ट्यापिङ काण्ड रच्न नेपाल प्रहरीलाई गर्नसम्म दुरुपयोग गरे। उनले अपराध नियन्त्रण गर्न र आतंककारी घटना हुन नदिन प्रयोग गरिने नेपाल प्रहरीको फोन ट्यापिङ उपकरण र जनशक्तिको दुरुपयोग गरे। एक वर्षअगाडि मात्र स्थापित नेपाल प्रहरीको अत्याधुनिक सञ्चार ल्यावलाई पनि दुरुपयोग गरे। त्यति मात्र होइन, नेपाल टेलिकम र एनसेलको टेलिफोन संवाद रेकर्डिङ प्रणालीलाई पनि दुरुपयोग गरी टार्गेटेड व्यक्तिहरुको व्यक्तिगत सूचना प्राप्त गरे। राष्ट्रिय अनुसन्धान विभागलाई दुरुपयोग गर्न बाँकी राखेनन्। तर, यसबारे मिडियाको ध्यान पुगेको छैन। यसबाट के स्पष्ट हुन्छ भने, व्यक्तिको गोपनीयता उल्लघंन गर्नका लागि कार्कीले राज्यशक्तिको अधिक दुरुपयोग गरेका थिए।

कार्की कतिसम्म तल ओर्लन सक्छन् भन्ने श्रृंखलावद्ध टेलिफोन ट्यापिङबाटै स्पष्ट हुन्छ। उनले सार्वजनिक ओहदामा बस्नेहरुलाई अख्तियार दुरुपयोग अनुसन्धान गरिन्छ भनेर मात्र होइन गोप्य निजी कुरा परिवारलाई पोल लगाईदिइन्छ भनेर पनि धम्काए। निजी प्रकृतिका केही सूचना सञ्चार माध्यममा पनि चुहाए। उनले यी सब व्यक्तिगत स्वार्थ पूरा गर्न र आफ्नो नियुक्तिको विरोध गर्ने विरुद्ध बदला लिन अधिक प्रयोग गरे।

फोन ट्यापिङ गम्भीर प्रकृतिको अपराध हो। सामान्यतः आतंकवादी, लागूऔषध र मानव तस्करीविरुद्धको कार्य सफल पार्न फोन ट्यापिङको अनुमति दिने चलन छ। तर, त्यो वैधानिक प्रक्रिया र जवाफदेहिताको सीमाभित्र हुन्छ। यही कारण, राजनीतिक उद्देश्य र पत्रकारिता प्रयोजनका लागि पनि फोन ट्यापिङ गरिनु गम्भीर अपराधन हो। गम्भीर अपराध र आतंकवादी कार्य नियन्त्रणका लागि वैधानिक प्रक्रियाद्वारा फोन ट्यापिङको अनुमति दिने प्रचलन विश्वमा छ। यो बाहेक व्यक्तिको गोपनीयता संरक्षणका लागि फोन ट्यापिङलाई संवैधानिक रुपमा निषेध गर्ने आम प्रजातन्त्रिक मान्यता हो। राष्ट्रिय सुरक्षाको बहानामा पनि जथाभावि रुपले फोन ट्यापिङ गर्न बर्जित छ।

वाटरगेट काण्ड राजनीतिक उद्देश्यका लागि फोन ट्यापिङ गरिएको विश्वप्रशिद्ध घटना हो। सन् १९७३ मा अमेरिकी राष्ट्रपति रिचर्ड निक्सनको सचिवालयले वासिङ्टनस्थित वाटरगेट कम्प्लेक्समा रहेको डेमोक्र्याट पार्टीको मुख्यालयमा गरिने फोन वार्ता ट्याप गर्ने गरिएको समाचार वासिङ्टन पोस्टमा प्रकाशित भयो। यो घटना सार्वजनिकपछि त्यसबारे अमेरिकी कंग्रेससले छानबिन सुरु गर्यो। राष्ट्रपति निक्सनविरुद्ध महाअभियोग लाग्ने पक्का भएपछि उनले पदबाट राजीनामा दिए। छानबिनमा राष्ट्रपति कार्यालयका ४८ कर्मचारी दोषि ठहरिए र उनीहरुलाई कारबाही भयो।

समाचार प्रतिष्ठानले पनि गोप्य रुपमा फोन ट्यापिङ गरेमा अपराध ठहर हुन्छ भन्ने उदाहरण सन् २०११ मा पर्दाफास भएको बेलायतको न्युज इन्टरनेसनल ट्यापिङ काण्ड हो। न्युज इन्टरनेसनलले समाचारका लागि प्रहरी, सांसद र व्यापारीहरुको फोनवार्ता ट्यापिङ गर्ने गरेको सार्वजनिक हुनासाथ बेलायतमा बबण्डर मच्चियो। तत्कालीन प्रधानमन्त्री डेबिड क्यामरुन त्यसबारे छानबिन गर्न आदेश दिन बध्य भए। छानबिनमा न्युज इन्टरनेसनलका प्रमुख कार्यकारी अधिकृत तथा प्रधान सम्पादक रेविखा ब्रोक्स लगायत ८ जना दोषि ठहरिए। तर, सन् २०१४ मा ब्रोक्सको बिनाजानकारी फोन ट्यापिङ भएको भन्दै अदालतले उनलाई सफाइ दियो।

अमेरिकी राष्ट्रिय सुरक्षा एजेन्सीका पूर्वकर्मचारी एडवर्ड जोसेफ स्नोडेनले सन् २०१३ मा राष्ट्रिय सुरक्षा एजेन्सीले राष्ट्रिय सुरक्षाको बहानामा सर्वसाधारणदेखि विभिन्न देशका राष्ट्रप्रमुख, सरकार प्रमुख र अधिकारीहरुको फोन, इमेल र म्यासेज गोप्यरुपमा हेर्ने गरेको खुलासा गरे। त्यो खुलासापछि उनी हङकङ हुँदै रसियामा गए। त्यहीँ उनले राजनीतिक शरण लिए र अहिले पनि उनी त्यहीँ भूमिगत जीवन बिताइरहेका छन्।

स्नोडेनको त्यो खुलासापछि अमेरिका भित्रैबाट राष्ट्रिय सुरक्षा एजेन्सीको त्यो कार्यको चर्को विरोध भयो। जर्मन चान्सलर एन्जेला मार्केल लगायत राष्ट्रप्रमुखहरुले अमेरिकाको खुलेर विरोध गरे। अमेरिकी राष्ट्रपति बाराक ओबामाले त्यो घटनाबाट आफू लज्जित भएको प्रतिक्रिया दिँदै अब त्यस्तो नहुने भनी विश्वलाई आश्वस्त पारेपछि घटना सेलायो। अहिले अमेरिकामा फोन ट्यापिङ सम्बन्धी प्रक्रियालाई निकै कठोर बनाइएको छ। यसबाट स्पष्ट हुन्छ, राष्ट्रिय सुरक्षाको बहानामा पनि फोन ट्यापिङ गर्न पाइँदैन।

भ्रष्ट्राचार र अख्तियार दुरुपयोग नियन्त्रणको बहानामा लोकमानसिंह कार्कीले गरेको फोन ट्यापिङ काण्ड अमेरिकी वाटरगेट काण्डजस्तै गम्भीर अपराध हो। कार्कीको यो कुकर्मबारे संसदमा चर्को रुपमा बहस हुनुपर्ने हो। फोन ट्यापिङ कार्यमा संलग्नहरुलाई जिम्मेवार बनाउन प्रक्रिया सुरु हुनुपर्ने हो। तर, दुर्भाग्य त्यस्तो भएको छैन। त्यस्तो नहुनु भनेको सांसदहरुले यस घटनाको गाम्भीर्यतालाई कि त नबुझ्नु हो कि त उपेक्षा गर्नु हो। सांसदहरुले यसलाई गम्भीर रुपमा नलिए, फेरि अर्को लोकमानले विभिन्न बहानामा व्यक्तिको गोपनीयताको हकमाथि धावा बोल्ने सम्भावना यथावत छ।

नेपाल प्रहरीसँग फोन ट्यापिङ गर्ने उपकरण भएको यस घटनाबाट सार्वजनिक भएको छ। सम्भवतः राष्ट्रिय अनुसन्धान विभाग र नेपाली सेनासँग पनि त्यस्तो उपकरण भएको हुनुपर्छ। अपराध नियन्त्रण र राष्ट्रिय सुरक्षा सम्वर्धन गर्नका लागि अपराध अनुसन्धान गर्ने प्रहरीसँग त्यस्ता उपकरण हुनुपर्छ तर त्यसको दुरुपयोग हुनु हुँदैन। ती उपकरण दुरुपयोग हुन नदिन र दुरुपयोग गरे तिनलाई कारबाही गर्ने कानुनी व्यवस्था हुनुपर्छ, जुन अहिले छैन। त्यस्तो कानुन नबनाए नेपाल प्रहरीसँग भएको फोन ट्यापिङ उपकरण फेरि दुरुपयोग हुने सम्भावना छ। अहिले कार्कीले आफ्नो स्वार्थका लागि फोन ट्यापिङ उपकरण प्रयोग गरे, भोलि गृहमन्त्रीले विपक्षीलाई दमन गर्न प्रयोग नगर्लान् भन्न सकिँदैन।

प्रकाशित ५ मंसिर २०७३, आइतबार | 2016-11-20 19:10:38

प्रतिकृया दिनुहोस

Loading...
  • केपी शर्मा ओली

    यो चुनावले हामी हिंड्ने बाटो निर्धारण गर्दैछ

    हामी देशको यस्तो राजनीतिक अवस्थामा छौं, जहाँबाट देश कतातिर जाने भन्ने बाटो फाट्छ। राष्ट्रियतालाई बलियो बनाउने बाटोतिर जाने कि, राष्ट्रियतालाई कमजोर...

  • डेढ वर्षअघि बेइजिङमा राष्ट्रपति सीसँग भेट्दै तत्कालीन प्रधानमन्त्री केपी ओली (फाइल फोटो)

    सीको दोस्रो कार्यकाल नेपाललाई थप अवसर

    चीनमा सीको पुनरावृत्तिको अर्थ हो– अर्को ५ वर्ष चीनको विकासले तीव्र गति लिनेछ र त्यसमा विशेषगरी छिमेकी देशहरूलाई समाहित गरिनेछ। महाधिवेशनमा प्रस्तुत...

  • दल एकिकरण समारोहमा कांग्रेस सभापति देउवासँग गच्छदार

    मधेसी राजनीतिको यस्तो विचित्र पक्ष

    मधेस राजनीतिमा कुनै बेला हृदयेश त्रिपाठी र विजय गच्छेदार एक अर्काका प्रतिस्पर्धी थिए । तर एक दशकभित्रै दुबैलाई मधेसी राजनीतिबाट बिकर्षण पैदा भएको...

  • गल्फले खोज्दैछ एनआरएनएको नजर

    हामी गर्वका साथ भनिरहेका छौं, रेमिट्यान्स झण्डै एक वर्षको बजेट बराबर आउँछ। त्यो रेमिट्यान्स पठाउने तिनै नेपाली हुन्, जो वैदेशिक रोजगारीमा छन्। तर,...

  • सी जिनफिङ

    सी जिनफिङः पाँच वर्षका पाँच उपलब्धि

    गरिबी विरूद्धको अन्तिम युद्ध लड्न चीनले सबै खाले प्रयास जारी राखेको छ। १८औं राष्ट्रिय कांग्रेसले पाँच वर्षमा लिएको लक्ष्य थियो, गरिबीबाट उम्किएर...

  • शेरबहादुर देउवा

    कस्तो होला प्रम देउवाको चौथो प्रस्थान?

    एमाले–माओवादी केन्द्रबीचको मिलनबाट आत्तिएर संसद विघटनसँगै अस्वाभाविक कदम चाल्न थाले भनेचाहिँ निश्चित छ, ओलीजस्ता चतुर नेतालाई समेत चक्मा दिँदै...

Loading...

विचार

सुखद शुक्रबार

ब्लग

NepalKhabar Tweets

विशेष

  • प्रचण्डले भने: म त सम्हालिएको छु, परिवारलाई सम्हाल्न गार्‍हो छ (भिडियो)

    युद्ध र शान्तिको नेतृत्व गरेकाले जतिसुकै ठूला घटना सहन गर्ने क्षमता आफूमा भएपनि एक पछि अर्काे गर्दै छोरा–छोरीको निधनका कारण परिवारलाई सम्हाल्न कठिन...

  • ओलीसँगै उमेश गिरि (बायाँ)

    जसले एमालेको दुई करोड ‘खाए’, तिनै गिरीले ओलीको हातबाट टीका लगाए

    सत्ता टिकाउन एमालेसँग दुई करोड माग गरेको आरोप लागेका कांग्रेसका चर्चित नेता उमेश गिरी अन्तत एमालेमै प्रवेश गरेका छन्। सोमबार विहान बिराटनगरमा...

  • सिंहदरबार परिसर

    चुनावपछि मात्रै प्रदेशको अस्थायी राजधानी र गभर्नर

    आन्दोलन भएर निर्वाचनसमेत प्रभावित हुनसक्ने भन्दै सरकार प्रदेशको अस्थायी राजधानी तोक्ने र गभर्नर नियुक्त गर्ने कार्यबाट पछि हटेको छ। दुवै काम अब...

  • प्रकाशको निधनमा शंका छैन, छानविन गर्नुपर्दैन: प्रचण्ड

    ‘ज्वरो सामान्य नै थियो। त्यसलाई हामी सबैले सामान्य नै ठान्यौं। तर ज्वरो नघटेकाले आइतबार उपचार गर्न जाने योजना थियो। यदि ज्वरो नघटेको भए आइतबार...