राति काम गर्नेले ध्यान दिनुपर्ने १० कुरा


मानिसको स्वास्थ्यको महत्वपूर्ण पक्ष हो निद्रा। अपर्याप्त निद्राले शारीरिक र मानसिक स्वास्थ्य दुवैमा नकारात्मक असर गर्छ। शरीरको प्रतिरोधात्मक क्षमता पनि घट्छ। कतिपय मानिसहरु निद्राको सन्तुलन मिलाउन नसकेकै कारण विभिन्न समस्याको शिकार बनिरहेका हुन्छन्। अझ तपाईं रात्रीकालीन काम गर्नुहुन्छ भने त निद्राको सन्तुलन मिलाउन झनै गाह्रो हुन्छ। त्यसैले रात्रीकालीन काम गर्ने मानिसले निम्न कुराहरुमा ध्यान दिन जरुरी छ।

१. पर्याप्त शारीरिक कसरत गर्नुहोस्। शारीरिक कसरत यसै पनि फाइदाजनक हुन्छ। त्यसमाथि तपाईं रात्रीकालीन काम गर्नुहुन्छ भने दिउँसो राम्रो निद्राका लागि शारीरिक गतिविधि आवश्यक हुन्छ। यदि तपाईं रात्रीकालीन काममा पहिलो पटक जाँदैहुनुहुन्छ भने अघिल्लो दिन राती अबेरसम्म जागै बस्नुहोस् दिनभरी सुत्नुहोस्। यदि राती सुत्नुभयो भने दिउँसोको खानापछि वा साँझमा एक झप्को सुत्नुहोस्।

२. रात्रीकालीन काममा पर्याप्त खाना खानुका साथै पानी पनि पर्याप्त मात्रामा पिउनुहोस्। यदि तपाईं डिहाइड्रेटेड हुनुभयो भने तपाईंको कार्यक्षमता घट्छ।

३. रात्रीकालीन कामको उत्तरार्धमा कफीजन्य पदार्थ पिउनुहोस्, यसले बिहान निद्रा कम लाग्छ।

४. रात्रीकालीन काम सकेर घर फर्किने बेलामा तपाईं अत्यन्त थकित हुनुहुन्छ भने गाडी वा मोटरसाइकल आफैँ नचलाउनुहोस्। सकेसम्म बस चढ्नुहोस्। घाम झुल्किसकेको छ भने सनग्लास लगाउन नबिर्सिनुहोस्।

५. दिउँसो निद्रा लागेन भने निदाउनका लागि अल्कोहलको सहारा नलिनुहोस्। यसले झनै नकारात्मक असर पार्छ।

६. राती काम गरेपछि कतिपय मानिस दिउँसोको दैनिकी पनि पूरा गर्ने कोशिस गर्छन्। यो गल्ती कहिल्यै नगर्नुहोस्। यो सम्झिनुहोस्, अरुले दिनभरी गरेको काम तपाईंले राती नै गरिसक्नुभएको छ। त्यसैले आराममा ध्यान दिनुहोस्। सकेसम्म ओभरटाइम काम नगर्नुहोस्।

७. काममा जानुअघि पर्याप्त निद्रा पुर्‍याउनुहोस्। तर निदाउनका लागि आफूलाई अनावश्यक दबाव नदिनुहोस्। दबावले निद्रा झन् पर भाग्छ। तपाईं निद्राका लागि वैकल्पिक उपायहरु अपनाउन सक्नुहुन्छ। उदाहरणका लागि १ सयदेखि उल्टो गिन्ती गर्ने, मधुरो आवाजमा गीत सुन्ने। निद्राको बीचमा ब्युँझिनुभयो भने उठेर बाहिर निस्किनुहोस्, थोरै समय घाम ताप्नुहोस् र फेरि सुत्नुहोस्।

८. समयतालिका निर्धारण गर्नुहोस् र सोहीअनुसार चल्नुहोस्। दैनिक उही समयमा निदाउने र जाग्ने गर्नाले तपाईंलाई सहज हुन्छ।

९. रात्रीकालीन काम र निद्राका जटिलताबारे परिवारका अन्य सदस्यलाई अवगत गराउनुहोस्। अत्यन्त आवश्यक नपरी केटाकेटीलाई कोठामा आउन नदिनुहोस्।

१०. आफ्नो ख्याल राख्नुहोस्। कतै रात्रीकालीन काम गर्दागर्दै तपाईंको स्वास्थ्यमा समस्या त आइरहेको छैन? यदि समस्या आइरहेको छ भने त्यसको उचित समाधान गर्नेतिर लाग्नुहोस्। र रात्रीकालीन काममा लय मिलाउने कोशिस गर्नुहोस्, तर ध्यान दिनुहोस्, तपाईं एकै दिनमा तालमेल मिलाउन सक्नुहुन्न।

 

प्रकाशित २४ मंसिर २०७३, शुक्रबार | 2016-12-09 15:46:24

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • पोखरा महानगर: चैतमै सक्नुपर्ने काम बल्ल सुरु

    ‘न्युरोडमा गिटी बिच्छ्याएर कस्तो बाटो बनाउन खोजेका हुन्, मैले त कुरै बुझिनँ। यस्तो तमासा हेर्न बाध्य छन् पोखरेलीहरु र सोच्दैछन् स्मार्ट सिटी त यसरी...

  • प्रहरीले खोज्दै छ ३४ किलो अवैध सुनको मालिक

    सात महिना पहिला त्रिभुवन अन्तराष्ट्रिय विमानस्थलबाट ३४ किलो सुन समातिएपछि पक्राउ परेका अभियुक्तबाट प्रहरीले यो प्रकरणमा दुबईमा रहेका चार जनाको...

  • बार्सिलोनाका पूर्व तथा म्यानचेस्टर सिटीका वर्तमान प्रशिक्षक पेप गार्डिवाला र लिअाेनल मेस्सी

    बार्सिलोनासँग रुष्ट छन् मेस्सी, यस्तो छ क्लब छाड्ने सम्भावना

    बार्सिलोनामा लिओनल मेस्सीको भविष्य अनिश्चित बनेको छ। क्लबसँग नयाँ सम्झौतामा हस्ताक्षर नगरेका कारण मेस्सी क्लबमा रहन्छन कि रहदैन् भन्ने चर्चा चलेको छ।

  • प्रधानमन्त्री देउवा र भारतीय प्रधानमन्त्री मोदी (फाइल फोटो)

    किन महत्वपूर्ण छ प्रधानमन्त्री देउवाको भारत भ्रमण?

    नेपाललाई विकासको समान साझेदार नठान्ने र कमजोर छिमेक ठान्ने मनोवृत्तिबाट नेपाललाई हेर्ने भारतका शासक वर्ग र विशेष गरी कर्मचारीतन्त्रमा व्याप्त...