संस्मरण

पियोनी फूलको वासना





पियोनीको लय समातेर लालीगुराँसले हिमाल, पहाडहरू गाल्न सक्थे होला। हात हातमा बेरिएर आगन्तुकका झोलीमा लट्किन्थे होला। हाम्रा फूलहरू पनि सिर्जना र समृद्धिका आयाम बन्थे होला।

ढोकाबाट छिर्ने बित्तिकै फराकिलो कोठाभरि फूलै फूल मगमगाइरहेका थिए। मादल आकारका लाम्चा, चेप्टा भाँडाहरूमा फूलका लताहरू लपक्क टाँस्सिएका थिए। भोजन गरिने थाल कचौरामा सौन्दर्य पस्किएजस्तो थियो अनि केशपास सजाइरहेका युवतीहरू परम्परागत चिनियाँ मुस्कान छरेर पाहुनाको स्वागत गरिरहेका थिए। फूलको किनारा पारेर कुनै मरूभूमिमा ऊँटहरू रेशमी मार्ग पच्छाइरहे जस्तै। झट्ट लाग्थ्यो, यी सबै दृष्यले चिनियाँ इतिहासदेखि वर्तमानको प्रतिविम्ब बोकिरहेछन्।

गत वर्ष संग्रहालयमा भोगिएको पियोनी फूलको मुस्कुराहट यतिखेर भने प्राकृतिक रूपमै ताजा सुवास छरेर ढकमक्क फुलिरहेको छ। अप्रिल महिना लागेपछि हनान प्रान्तको लोयाङमा अपार आनन्द वर्षाउने पियोनीको पिछा गर्दै संसारभरिका पर्यटकहरू झुम्मिन थालेका छन्।

हुन त पियोनीलाई युरोप र उत्तरी अमेरिकाले कसरी अन्माए थाहा छैन, तर लोयाङमा ती सुकोमलाहरूप्रति मानिसहरूको अथाह लाडप्यार झल्किन्छ। चीनको हनान प्रान्तीय लोयाङ सहरमा यस्ले इतिहासको पानामा कोरिँदै आधुनिक अर्थतन्त्रको पेवा बन्ने रफ्तार नापिरहेछ। इच्छाशक्ति र लगनशीलता भएका कलाकारहरूले पियोनीलाई संसारभर सुमधुर वासना बनाएर छर्दै लगेका रहेछन्।

व्यवसायिक सिर्जना र गरिबी निवारणका सूत्रहरू पहिल्याउँदै गएको चीनमा कुन कुरा बेच्न योग्य हुन्छ भन्ने कुरा सहजै अनुमान लगाउन गाह्रो छ। झिनामसिना सोचिएका कुराले पनि विश्वव्यापी बजार लिनसक्छन् भन्ने उदाहरण पियोनी फूलको कला पनि त हो। केही दिन फुलेपछि ओइलाएर झर्ने फूलको यति ठूलो प्रशंसा किन भन्ने जस्तो पनि लाग्छ।

अप्रिल महिनामा फुल्दा नफुल्दै दुनियाँभरका पर्यटकलाई लोयाङ खिच्ने पियोनीले आफ्नो अवसानपछि पनि कलाको रूप लिएर विश्वभर शयर गर्ने रहेछ। बेहुली झैं सिँगारिएर पाहुनालाई लठ्याउने पियोनीले पोको पार्न योग्य कोसेली बन्ने रहिछ। त्यसैले त स्वच्छ सफा, मनोरम लोयाङमा पियोनीका पारखीहरू वर्षेनी ओइरिने रहेछन् र प्रियजनका घरघरमा सजिनका लागि निर्यात हुने रहेछन्।

लोयाङ, तिङ थाङ साँस्कृतिक विकास लिमिटेड सन् २००० मा स्थापित भयो। अब त यो फूलको सौन्दर्य पूर्ण रूपमा बिक्नलायक भयो। स्वदेश विदेश जताततै घरभित्रको वैभव बनेर स्वागत गरिन थाल्यो। पियोनी माटाका हस्तकला, चिनो, साँस्कृतिक तथा कलाका साथै व्यवसायिक उपहारहरू यत्रतत्र फैलिन थाले। पियोनी आफैं पनि सुन्दरी प्रतियोगितमा होमिन थाली भने पछिल्ला वर्षहरूमा माटामा कुँदिएर अनेकन उपाधि बटुल्न पनि उद्यत भई।

सन् २००८ मा बेइजिङ ओलम्पिक, २००९ मा लोयाङ विश्व प्रदर्शनी, २०१० मा शाङहाई विश्व एक्स्पो, लगायत हरेक वर्ष जसो राष्ट्रिय तथा अन्तर्राष्ट्रिय पहिचान स्थापित गर्ने गरी पियोनीको व्यस्तता झन् झन् बढ्दै गएको छ।

पियोनी लोयाङ सहरको प्राचीन वस्ती थियो। सहरका प्रत्येक कुनामा अझै पनि पियोनीको फूल फुल्ने भएकाले चिनियाँहरूले यसलाई पियोनीको राजधानी पनि भन्दछन्। पियोनी जस्तै अनेक फूलहरू हरेक देशमा फुल्दा हुन्। तिनलाई सम्पदाको रूपमा जगेर्ना गर्ने हो भने ती मुलुकलाई पनि सिर्जनाको खानीले भर्दो हो। फूल केवल मौरी र भँवराको तृप्ति मात्रै हैन,सिर्जना शक्ति भएका हरेकका लागि ध्येयको साध्य पनि त हो।

पियोनी संग्रहालयबाट बाहिरिँदै गर्दा जो कोही नेपालीका मनमा लालीगुराँस, बेली, चमेली, सुनाखरी खुल्ने नेपालका भीरपाखा कन्दरा पनि मगमगाउन थाल्छन्।

नेपालीहरूको विक्रम संवत् अनुसारको नयाँ वर्ष शुरू भयो। वैशाख १ गते फुल्ने भनेर कहलिएको सलहेशले एक दुई दिने संचारमाध्यमहरूलाई आकर्षित गर्नेछ। त्यो कुनै अद्भूत पहिचान बनाउन चाहने हो भने यसले विदेशी पर्यटक तान्नसक्थ्यो होला।

पियोनीको लय समातेर लालीगुराँसले हिमाल, पहाडहरू गाल्न सक्थे होला। अनि चम्पा, बेली, चमेली, सुनाखरीको सिर्जनाशक्तिले पत्थर हुँदै गएका मानव हृदयलाई पगाल्न सक्थे होला। हात हातमा बेरिएर आगन्तुकका झोलीमा लट्किन्थे होला। हाम्रा फूलहरू पनि सिर्जना र समृद्धिका आयाम बन्थे होला।

प्रकाशित १ बैशाख २०७५, शनिबार | 2018-04-14 13:32:15



प्रतिकृया दिनुहोस

Loading...
  • दयाहाङ राई, क्रिस्टेन स्टेवार्ट र फिलिप सिमर हफम्यान

    राम्रो–नराम्रो अभिनय कसरी छुट्याउने?

    चलचित्रको कुरा गर्दा कसैलाई राजेश हमालको अभिनय मन पर्छ, कोही दयाहाङ राईलाई मन पराउने हुन्छन्। कोही प्रियंका कार्कीको तारिफ गर्छन्, कसैलाई गौरी मल्ल...

  • वेद उप्रेती

    ‘विमान दुर्घटनामा धेरै साथी गुमाएँ तर हिम्मत हारिनँ’

    ‘विमान उडाइरहँदा दुर्घटनामा परी मृत्यु भएका साथीहरुको याद आउँछ तर यसलाई जिन्दगीको परीक्षाको रुपमा लिन्छु,’ उनी भन्छन्। ‘दुर्घटनालाई नकारात्मक रुपमा...

  • चित्रमा प्राण भर्ने मिठ्ठु

    कैलालीको टीकापुरको दुर्गौलीमा २८ वर्षअघि मिठ्ठु थारुको जन्म गरिब परिवारमा भएको थियो। उनका बुबा कमैया थिए भने आमा बुक्रही।

  • सुनपानी

    भीडमा रहेको कसैले आफ्नो औंला कृष्णेको घरतिर सोझ्याइदियो। हस्याङफस्याङ गर्दै गएका उनीहरु एकैछिनमा ग्वार्रंग्वार्रर्ती ओरालो झरे। उनीहरुकै साथमा आएका...

  • लुना प्रधान

    सपना पछ्याउँदै अाकाशमा लुनाकाे उडान

    स्कूल पढ्दा कसैले ‘ठूली भएपछि तिमी के बन्छ्यौ’ भनेर सोध्यो भने ‘म त पाइलट बन्छु’ भन्ने गर्थिन् लुना प्रधान। उनको त्यो सपनालाई साथीभाइले हाँसोमा...

  • डेविड गुडाल

    जब आफ्नै जीवन बोझ बन्छ...

    अधिकांशमा दीर्घजीवनको चाहना हुन्छ। तर जीवन लम्बिँदै जाँदा कतिपयलाई यो भारी पनि बन्न सक्छ। लामो आयुको बोझ थेग्न नसकेर एक नामी अष्ट्रेलियाली...

Loading...

विचार

सुखद शुक्रबार

ब्लग

प्रविधि

NepalKhabar Tweets

विशेष

  • बामदेव गौतम

    बामदेव गौतमसँग अन्तर्वार्ताः ओली वाम विमानको मास्टर पाइलट, प्रचण्ड पाइलट, हामी को-पाइलट

    केपीसँग त मेरो ‘दोस्ताना’ हो, त्यस्तो ‘दोस्ताना’ माधबसँग कहिलेपनि भएन। सँगै रक्सी खानेदेखि लिएर रुनेसम्म हामीले गर्‍यौं। मलाई कार्वाहीको माग...

  • संस्कृति, पर्यटन तथा नागरिक उड्डयन मन्त्री रविन्द्र अधिकारी

    त्रिभुवन अन्तर्राष्ट्रिय विमानस्थल २१ घन्टा सञ्चालन, दैनिक कार्य प्रगतिको इमेल मन्त्रीलाई (भिडियाे)

    नेपालको एक मात्र अन्तर्राष्ट्रिय विमानस्थल सोमबारदेखि २१ घन्टा सञ्चालनमा आएको छ।

  • बजेटको आन्तरिक स्रोत बलियो बनाउने सरकारको नीति

    सरकारले आगामी आवको नीति तथा कार्यक्रम सार्वजनिक गर्दै आन्तरिक उत्पादनमा बलियो बनाउने योजना घोषणा गरेको छ।

  • प्रेरणा र उनका बुबा पुरुषाेत्तम

    आँशु झार्दै बुबाको प्रश्नः के मेरी छोरीले 'सेलेक्सन' खेल्न पाउने अधिकार छैन्? (भिडियो)

    ‘प्रेरणा कोइराला बनाउन हामीले चारवर्ष निरन्तर मेहनत गरेका छौ। पानी, वर्षा केही भनेनाैं, हामी रातदिन लागि रा’छौं, तर संघ (नेपाल लन टेनिस संघ) जसले...