कविता

परदेशीको खबर




कहिल्यै सोधिवक्सेन महोदय,
मेरो भित्री हृदयको खबर
प्रत्येक दिन मुटुमा झिल्का उठ्ने
पसिनाको डढेलो,
शिथिल अवयवमा सुस्ताउने
सप्तकोशीको सुस्केरा,
झलझली आँखामा आइरहने
आफ्नै सगरमाथा,
आज बताउँदैछु मौसुफलाई।

आफ्नै हातपाउ समेत मेरो भन्न नपाउने
सुदुर क्षितिजको कुनै कुनाबाट
भत्भती पोलिरहेको सास
ब्युझिँदै निदाउँदै गरिरहेका घाउ
उस्तै बिक्षिप्त मनबाट
यो खबर बताउँदैछु महोदय ।

बग्रेल्ती रहरलाई आफ्नै कान्लामा छोडेर
एउटै रहर भेट्टाउन हिँडेका
प्रत्येक जोसिला अनुहारहरुको
कसरी सुनाउँ म आँशुको कथा
महोदय,एकैछिन् फुर्सद मिल्यो भने
कफनभित्र चुपचाप फर्किने
आफ्नै निर्जीव नागरिकलाई हेरिबक्सियोस्।

बिन्ती,
मरुभूमितिरै पोखिएका आँशुलाई
बिरहको गीत बनाएर नगाईबक्सियोस्
थाहा पाइनन् भने
पहरामा जीवन पढिरहेकी मेरी आमाले
थाहा पाए भने
लेकबेसीमा तारा खोजिरहेका मेरा बाले
एक मेलो मुस्कुराउन नपाएका
पश्चिम डाँडामाथीको घामजस्तै मन

टुक्रा टुक्रा भएर बिस्फोटिनेछ।

जीवनको धून पकड्न
कति उभिनुपर्ने हो बेसुर रंगमञ्चमा?
कतिसम्म छिमोल्नुपर्ने हो जोस?
अरुकै जस्केलामा पुगेर?
महोदय,कहिलेसम्म शिरोधार्य गर्नुपर्ने हो मौसुफको हुकुम
भनिबक्सियोस् महोदय
मलाई सुन्न मन छ
आफ्नै जीवन्त मृत्युको आयु।

प्रकाशित २४ चैत २०७४, शनिबार | 2018-04-07 16:49:15
Max TV
Max TV
Vianet

author photo

कृष्ण कट्टेल कवि तथा पत्रकार हुन्

कृष्ण कट्टेलबाट थप


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • हङकङको आकाशमा निष उपाध्याय

    हङकङको आकाशमा निष उपाध्यायको ‘गुड फ्लाइङ’ (भिडियो)

    ‘हङकङमा २०११ देखि व्यवसायिक रुपमा प्याराग्लाइडिङ उडाउँदै आएको छु। मैले उडाउने धेरै मानिस चिनियाँ र केही नेपाली साथीभाइ हुन्छन्। पैसा लिएर होइन,...

  • दीपक नेपाल

    ट्वीटरका सेलिब्रिटी यी ट्याक्सी ड्राइभर

    ‘शैक्षिक प्रमाणपत्र सिरानीमुनि राखेर ट्याक्सी चलाइरहेको छु। होइन–होइन, जिन्दगी चलाइरहेको छु।’

  • राजनारायण पाठक

    ७८ लाख घूस लिने पाठकलाई गोप्य नियन्त्रण लिएर ७ घन्टा बयान

    नेपाल इन्जिनियरिङ कलेजको स्वामित्व मिलाइदिन्छु भनी ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकसँग...

  • मोहन कार्की (जीवन्त)

    आफ्नो मोवाइलबाट जसले ओली–प्रचण्डबीच पहिलो संवाद गराए

    नेपालमा भर्खरै भित्रिएले मोबाइल निकै दुर्लभ मानिन्थ्यो। प्रचण्डको प्रतिनिधि बनेका जीवन्त मोबाइल फोन बोकेर ओलीनिवास पुगेका थिए। जीवन्तले मोबाइलबाट...