मिस्टर ओलम्पियामा रामहरिले राखे नेपालको नाम



बडिबिल्डर रामहरी खनालले मिस्टर ओलम्पियामा पदक जितेका छन्। डिसेम्बर ५ र ७ तारिकमा सम्पन्न बडिबिल्डिङका सर्वाधिक प्रतिष्ठित प्रतियोगिता मानिने मिस्टर ओलम्पिया अमेच्योर एशियामा नेपालबाट आएका खनालले मिन्स बडिबिल्डिङ ७० किलोग्राम समूह तर्फ अन्तिम चरणको प्रतिस्पर्धामा पाँचौ स्थान प्राप्त गरि पदक जितेका हुन्।

खनाल १३ जनाबीच भएको प्रतिस्पर्धीबाट शीर्ष ६ मा पर्न सफल भएका थिए। बडिबिल्डिङमा दुई तथा मिन्स फिजिकतर्फ दुई जना गरी कूल चार जना नेपाली खेलाडीहरु प्रतिस्पर्धामा उत्रिएका थिए।

पदक जित्न सफल खनालले खुशी व्यक्त गर्दै भने, ‘मिस्टर ओलम्पिया जस्तो प्रतिष्ठित प्रतियोगिताको स्टेजमा उत्रनु मात्रै पनि ठुलो अवसर हो र खुशीको कुरा हो, पदक थाप्दा कसलाई खुशी नलाग्ला र? त्यसमाथी स्टेजमा देशको नाम पुकारेर बोलाउँदाको क्षण त अझ बयान गरिनसक्नु छ।’ उनले धेरै कुराहरु सिक्ने अवसर मिलेको बताए।

अनुशासित र दृढ सङ्कल्प गरेर मेहनत गरियो भने यस क्षेत्रमा नेपालले उल्लेख्य सफलता हासिल गर्न सकिने विश्वास उनले व्यक्त गरे। पदक विजेता खनालले प्रतियोगितामा भाग लिन अवसर जुराईदिने ‘हिमालयन किङ्डम नेप्लिज फेडेरेसन अफ बडिबिल्डिङ एन्ड फिट्नेस’का अन्तर्राष्ट्रिय प्रेसिडेन्ट लोकेन्द्र परियारप्रति आभार प्रकट गरे।

ईन्टरनेशनल फेडेरेसन अफ बडिबिल्डिङ एन्ड फिटनेस तथा हङकङ फेडेरेसन अफ बडिबिल्डिङ एन्ड फिटनेसको संयुक्त आयोजनामा काउलुन बेस्थित ट्रेड एन्ड एक्सिबिसन स्टार हलमा आयोजित उक्त प्रतियोगितामा मिन्स बडिबिल्डिङ, मिन्स फिजिक, वुमन फिजिक, वुमन बिकिनी वुमन बडिफिट्नेस, मिन्स क्लासिक बडिबिल्डिङ बिधामा एशिया, अफ्रिका, युरोप लगायतमा ३५० को हाराहारीमा प्रतियोगीहरु सहभागी भएका थिए। बडिबिल्डिङ तर्फको सुपर फाईनलमा कोरियाका क्यिओङ यान नामले ओभर अल च्याम्पियन बनि मिस्टर ओलम्पिया अमेच्योर एशियाको उपाधी उचाले।

प्रकाशित २४ मंसिर २०७३, शुक्रबार | 2016-12-09 10:11:22
author photo

मगेन्द्र राई हङकङस्थित नेपालखबर संवाददाता हुन्

@MagendraRai


प्रतिकृया दिनुहोस

Loading...
Loading...

विचार

सुखद शुक्रबार

ब्लग

NepalKhabar Tweets

विशेष

  • ‘पछुताउनु पर्दैन, रुनुपनि पर्दैन’ भन्दै ओलीले पठाए पत्र

    एमाले अध्यक्ष केपी शर्मा ओलीले गृहजिल्ला झापाको भद्रपुरमा २४ कात्तिकको सभालाई सम्बोधन गर्दै भनेका थिए, ‘हामीलाई मत किन दिने भनेर मैले तपाईंहरु...

  • पशुपति शमशेरलाई भोट माग्दा चिप्लिइन् देवयानी (भिडियो)

    वरिपरि राप्रपा (प्रजातान्त्रिक) को झण्डा र चुनाव चिन्हसँगै चार तारा र रुख चिन्ह अंकित झण्डाहरु फर्फराइरहेका छन्। मञ्चमा नेपाली कांग्रेसका...

  • खुशीराम पाख्रिन

    त्रिशुलीको पहरामा ‘गैँती–बेल्चा उचालेर’

    म ५ वर्षको हुँदा हाम्रो परिवार २०१४ सालमा गोरखाको खरिबोटबाट चितवन बसाइँ सरेछ। चितवन झरे पनि हामी बेला बेलामा गोरखा गइरहन्थ्यौं। मुग्लिनको बाटो...

  • ओमुअमुअको कलात्मक चित्रण

    पहिलो पटक देखियो सौर्य प्रणालीबाहिरको ‘सन्देशवाहक’

    खगोलविद्हरुले पहिलो पल्ट हाम्रो सौर्य परिवारभन्दा बाहिरबाट आएको एक पिण्डको अवलोकन गरेका छन्। अक्टोबर १९ का दिन पहिलो पल्ट देखिएको सो पिण्ड...