जापानमा मृत्यु भएका केसीको परिवारलाई नेपालीले जुटाए ९ लाख



रोजगारीको सिलसिलामा जापानमा मृत्यु भएका स्याङ्जा, अर्जुनचौपारीका दीपक केसीको परिवारको लागि स्थानीय नेपाली नागरिकले करिब ९ लाख रुपैंयाँ संकलन गरी परिवारलाई पठाएका छन् । उनको राति सुतेकै अवस्थामा मृत्यु भएको थियो । उनी राति खाना खाएर सामान्य अवस्थामा सुतेका थिए।

आएको १० महिनामै ज्यान गुमाएका उनी कुक भिसामा काम गर्थे। सँगै सुतेका साथीले विहान उठाउन खोज्दा नउठेपछि तत्काल अस्पताल लगिएको थियो । तर अस्पतालले लग्ने बित्तिक्कै मृत्यु घोषणा गरिदियो।

केसीको परिवारको आर्थिक अवस्था कमजोर रहेको जानकारी पाएपछि स्याङ्ग्जा समाज जापानले जापानबासी नेपालीमाझ सहयोग जुटाएको थियो । उनको परिवारमा आमा र बहिनीमात्र छन् । संकलित ८ लाख ९० हजार नेपाली रुपैंयाँ हालै परिवारको सहयोगार्थ पठाइएको छ । उक्त सहयोग रकम यसै साता केसीको परिवारलाई हस्तान्तरण गरिने भएको छ । सो रकम बैंकको मुद्धति खातामा जम्मा गरिने बताइएको छ ।

‘यस्तो दुःखद घडीमा सहयोग गर्ने जापानवासी नेपालीहरुमा समाजका अध्यक्ष जिवन न्यौपानेले कृतज्ञता व्यक्त गरेका छन्। उनको दाहसंस्कार भने जापानमै गरिएको छ । लास पठाउन कठिनाइ भएकोले परिवारसँगको सल्लाहमा उनको अन्तिम संस्कार जापानमै गरिएको समाजका कोषाध्यक्ष सुरेश रेग्मीले बताए । तर केसीको मृत्युमा जापानस्थित नेपाली दूतावासले सहयोगको पहल नगरेको उनको गुनासो छ।

प्रकाशित २१ मंसिर २०७३, मंगलबार | 2016-12-06 09:47:18

प्रतिकृया दिनुहोस

Loading...
Loading...

विचार

सुखद शुक्रबार

ब्लग

NepalKhabar Tweets

विशेष

  • ‘पछुताउनु पर्दैन, रुनुपनि पर्दैन’ भन्दै ओलीले पठाए पत्र

    एमाले अध्यक्ष केपी शर्मा ओलीले गृहजिल्ला झापाको भद्रपुरमा २४ कात्तिकको सभालाई सम्बोधन गर्दै भनेका थिए, ‘हामीलाई मत किन दिने भनेर मैले तपाईंहरु...

  • पशुपति शमशेरलाई भोट माग्दा चिप्लिइन् देवयानी (भिडियो)

    वरिपरि राप्रपा (प्रजातान्त्रिक) को झण्डा र चुनाव चिन्हसँगै चार तारा र रुख चिन्ह अंकित झण्डाहरु फर्फराइरहेका छन्। मञ्चमा नेपाली कांग्रेसका...

  • खुशीराम पाख्रिन

    त्रिशुलीको पहरामा ‘गैँती–बेल्चा उचालेर’

    म ५ वर्षको हुँदा हाम्रो परिवार २०१४ सालमा गोरखाको खरिबोटबाट चितवन बसाइँ सरेछ। चितवन झरे पनि हामी बेला बेलामा गोरखा गइरहन्थ्यौं। मुग्लिनको बाटो...

  • ओमुअमुअको कलात्मक चित्रण

    पहिलो पटक देखियो सौर्य प्रणालीबाहिरको ‘सन्देशवाहक’

    खगोलविद्हरुले पहिलो पल्ट हाम्रो सौर्य परिवारभन्दा बाहिरबाट आएको एक पिण्डको अवलोकन गरेका छन्। अक्टोबर १९ का दिन पहिलो पल्ट देखिएको सो पिण्ड...