व्यापार युद्ध अन्त्यका लागि वार्ता गर्ने अमेरिकी प्रतिनिधि चीनमा



ट्रम्प र सी
ट्रम्प र सी

अमेरिका र चीनबीच जारी व्यापार युद्ध समाधान गर्नेबारे सोमबारदेखि चीनमा वार्ता सुरु हुने भएको छ। विश्व अर्थतन्त्रमा व्यापार युद्धको असर देखिन थालेपछि अमेरिका र चीन वार्ताका लागि राजी भएका हुन्।

अमेरिकी व्यापार विभागका कार्यकारी जेफ्री गेरिसको नेतृत्वमा अमेरिकी प्रतिनिधिहरु चीन पुगेका छन्। बेइजिङ आइपुगेको अमेरिकी प्रतिनिधिमण्डलमा अमेरिकी अर्थ, बाणिज्य, कृषि र ऊर्जा मन्त्रालयका अधिकारीहरु पनि सहभागी छन्।

गतवर्ष सुरु भएको व्यापार युद्धका कारण अमेरिकामा प्रत्यक्ष असर पुगेको देखियो। एप्पल कम्पनीमा एकै दिनमा १० प्रतिशतले शेयर गिरावट आएपछि अमेरिकाले गतहप्ता चीनसँग वार्ताको पहल गरेको थियो। चीनले वार्तालाई स्वागत गरेको थियो।

तर यसअघिनै चीन र अमेरिकी राष्ट्रपति छिट्टै वार्ता गर्ने पक्षमा थिए। उनीहरुले गतवर्ष जि–२० वैठकमा व्यापार युद्ध अन्त्य गर्नेभन्दै ९० दिनका लागि विभिन्न सामाग्रीमा लगाएको कर फिर्ता लिएका थिए।

अमेरिकी राष्ट्रपति डोनाल्ड ट्रम्पले महिनौंदेखि जारी विवाद अन्त्य गर्न सम्झौता हुने विश्वास व्यक्त गरेका छन्। उनले आइतबार भने,‘चीनमा व्यापार युद्धको आसर निकै परेको रहेछ। त्यसैले चीन हामीसँग वार्ता गर्न चाहान्छ।’

अमेरिकी व्यापार प्रतिनिधिमण्डल चीन आएसँगै विश्व शेयर बजारमा सकारात्मक प्रभाव परेको छ।

विश्वकै अर्थतन्त्रमा अस्थिरता ल्याउने सम्भावना रहेका चीन र अमेरिका दुबैले एकअर्का देशका ३ सय अर्ब अमेरिकी डलर बराबरका सामानमा करवृद्धि गरेका छन्।

के छन् एजेन्डा?

आज सोमबारदेखि हुने वार्तामा चीन र अमेरिकी प्रतिनिधिले विद्यमान समस्याका बारेमा प्रत्यक्ष छलफल गर्नेछन्। गत डिसेम्बरमा ह्वाइट हाउसले दुवै पक्षले सकारात्मक छलफल गर्ने बताएको थियो।

‘बौद्धिक सम्पत्ति संरक्षण, साइबर चोरीका सम्बन्धमा संरचनात्मक परिवर्तन, भन्सार शुल्क तथा करका समस्या, साइबर घुसपैठ’जस्ता विषमा अमेरिका र चीनले यस वैठकबाट ठोस धारण निकाल्नेछन्।

अमेरिकाले चीनले बौद्धिक चोरी गरेको आरोप लगाउँदै आएको छ। चीनले अमेरिकासँग अनुचित व्यापार कारोबार गरेको अमेरिकी आरोप रहेको छ। चीन अमेरिकी आरोपलाई अर्थहिन ठान्दछ। एजेन्सी

प्रकाशित २३ पुस २०७५, सोमबार | 2019-01-07 13:34:52
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • हङकङको आकाशमा निष उपाध्याय

    हङकङको आकाशमा निष उपाध्यायको ‘गुड फ्लाइङ’ (भिडियो)

    ‘हङकङमा २०११ देखि व्यवसायिक रुपमा प्याराग्लाइडिङ उडाउँदै आएको छु। मैले उडाउने धेरै मानिस चिनियाँ र केही नेपाली साथीभाइ हुन्छन्। पैसा लिएर होइन,...

  • दीपक नेपाल

    ट्वीटरका सेलिब्रिटी यी ट्याक्सी ड्राइभर

    ‘शैक्षिक प्रमाणपत्र सिरानीमुनि राखेर ट्याक्सी चलाइरहेको छु। होइन–होइन, जिन्दगी चलाइरहेको छु।’

  • राजनारायण पाठक

    ७८ लाख घूस लिने पाठकलाई गोप्य नियन्त्रण लिएर ७ घन्टा बयान

    नेपाल इन्जिनियरिङ कलेजको स्वामित्व मिलाइदिन्छु भनी ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकसँग...

  • मोहन कार्की (जीवन्त)

    आफ्नो मोवाइलबाट जसले ओली–प्रचण्डबीच पहिलो संवाद गराए

    नेपालमा भर्खरै भित्रिएले मोबाइल निकै दुर्लभ मानिन्थ्यो। प्रचण्डको प्रतिनिधि बनेका जीवन्त मोबाइल फोन बोकेर ओलीनिवास पुगेका थिए। जीवन्तले मोबाइलबाट...