Exclusive

सिक्किममा ट्रेकिङ व्यवसाय ओरालो लाग्दा नेपाललाई फाइदा



सिक्किममा निकै फस्टाएको ट्रेकिङ पर्यटन व्यवसाय बिस्तारै नेपालतिर सर्न थालेको छ।

कुनै समय पश्चिम सिक्किमको योक्सम ट्रयाकिङका लागि प्रसिद्ध थियो, तर यसले अहिले आफ्नो साख गुमाउँदै छ। र, त्यसको लाभ नेपालको पर्यटनले लिँदैछ।

ट्रेकिङ साहसिक पर्यटनमध्येकै एक भएकोले यसका लागि पूर्वाधार चुस्त र दुरुस्त हुनपर्छ। योक्सममा यसको कमी देखिएको छ।

योक्समको ट्रेकिङ रूट धेरै पुरानो त हो, तर अहिले यो रूटमा फाटाक–फुटुक पर्यटक मात्र देखिन्छन् आजकल।

‘यतातिर ट्रयाकिङ गर्न आउने पर्यटकहरूको रूचि अहिले नेपालतिर सरेको छ’ योक्समका एक पर्यटन व्यवसायी नवाङ ग्याछो भोटिया भन्छन्, ‘पहिले यता ट्रेकिङका लागि आउने पर्यटकहरू उतै (नेपाल) तिर जाँदैछन्।’

भोटियाका भनाईमा, पूर्वाधारको समुचित विकासको अभावमा यस्तो भएको हो।

‘ट्रेकिङमा गएका पर्यटकहरू समस्यामा फसे वा विरामी भइहाले तत्काल उद्धार गर्न सम्भव छैन’ भोटियाले समस्या सुनाए, ‘तत्काल उद्धारकार्यका लागि आवश्यक पर्ने हेलिकप्टरको अभाव छ।’

भोटिया थप्छन्, ‘नेपालमा तत्काल उद्धारकार्य सम्भव छ। किनभने उनीहरूसँग हेलिकप्टरको व्यवस्था छ, त्यसैले पनि पर्यटक यहाँ ट्रेकिङ गर्न आएर जोखिम उठाउनभन्दा नेपालतिरै सुरक्षित ठान्छन्।’

वन विभाग र कञ्चनजङ्घा राष्ट्रिय उद्यानलाई बुझाउनुपर्ने कर उच्च रहेकोले पनि योक्समको ट्रेकिङ महँगो पर्छ। यहाँ ट्रेकिङ गर्न आउने पर्यटकहरूको सङ्ख्याको एउटा कारण यो पनि हो।

ट्रेकिङकै कारण कुनै समय योक्सम प्रसिद्ध थियो। यहाँको पर्यटन व्यवसाय फस्टाएको थियो, तर योक्समले ट्रेकिङको गरिमा गुमाएसँगै पर्यटन व्यवसाय पनि धर्मराउन थालेको छ।

ट्रेकिङमा आउने पर्यटकहरुको संख्या घट्दै गएकोमा चिन्तित स्थानीय पर्यटन व्यवसायी डीबी छेत्रीका अनुसार पाँचवर्ष अघिसम्म योक्समको रूटमा ट्रेकिङ गर्न आउने पर्यटक निकै धेरै हुन्थे, पछिल्लो पाँच वर्षयता त्यो सङ्ख्या ह्वात्तै घटेको छ।

उनीपनि समस्यामा पर्ने पर्यटकहरुको उद्दारका लागि हेलिकोप्टरको व्यवस्था नहुनुलाई मुख्य समस्या ठान्छन्। ‘ट्रेकिङ गर्न गएका पर्यटकहरू विमार भइहाले तत्काल उद्दार गर्ने कुनै साधन छैनन्’ उनले दुखेसो पोखे, ‘समस्या परिहाल्यो भने भारतीय वायु सेनासँग गुहार माग्नुपर्छ। वायु सेनामार्फत् हेलिकप्टर आयो भने धेरै समय लाग्छ।’

उनका अनुसार हेलिकप्टरको मात्र होइन, तर ट्रेकिङमा गएका पर्यटकहरूसँग निरन्तर सम्पर्कमा रहनका लागि वकिटकीको पनि आवश्यकता पर्छ। तर वकिटकी पनि उनीहरूसँग छैन।

यद्यपि सरकारले योक्सममा पर्यटक व्यवसायका लागि पूर्वाधारहरूको विकास गरिरहेको बताउने उनीहरु योक्समको ट्रेकिङ व्यवसाय पुनः पहिलेकै स्थितिमा फर्किने कुरामा चाहिँ आशावादी छन्।

प्रकाशित १९ मंसिर २०७५, बुधबार | 2018-12-05 16:55:21
Max TV
Max TV
Vianet

author photo

शैलेन्द्र समदर्शी सिक्किम, गान्तोकस्थित नेपालखबर विशेष प्रतिनिधि हुन्

शैलेन्द्र समदर्शीबाट थप


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • राजनारायण पाठक र लोकमानसिंह कार्की

    लोकमान–राजनारायणलाई टंगाल पठाएर सूर्यनाथको अपेक्षा?

    अख्तियारमा नियुक्ति पाउन लोकमानसिंह कार्कीले कति रकम खर्च गरेका थिए भन्ने गाइँगुइँ त्यसै चुहिएको छैन। राजनारायण पाठकले अवकाश पाउनासाथ अख्तियारमा...

  • राजनारायण पाठक

    अख्तियारकाे विशेष टाेलीले पाठकबिरूद्ध थाल्याे अनुसन्धान

    ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकबिरुद्ध आयोगले नै छानबिन अघि बढाएको छ।

  • सर जिम र्‍याटक्लिफे

    बेलायतका सबैभन्दा धनी व्यापारी ६ खर्ब कर जोगाउन देश छोड्दै

    युरोपेली संघबाट बेलायत अलग्गिने (ब्रेक्जिट) दिन नजिकिइरहेका बेला बेलायतकै सबैभन्दा धनी एक व्यक्ति भने आफ्नो व्यवसाय र सम्पत्तिसहित अर्कै देश सर्न...

  • केपी शर्मा ओली र कमल थापा

    कमल थापासँग ओलीले भने: ‘कांग्रेसले धोका दिन्छ है’ भनेको थिएँ, नपत्याउँदा नराम्रोसँग हार्नुभयो

    ‘गन्तव्य भए पो कम्पास काम लाग्छ, तर कांग्रेसको गन्तव्य नै छैन, कम्पासले कहाँ जाने भन्ने बाटो देखाउँछ, कहाँ जाने भन्ने नै थाहा नभएपछि कम्पासको के काम?’