Exclusive

दुई खर्बभन्दा बढीको चिनियाँ सामग्रीमा नयाँ कर लागू, अमेरिकाले व्यापार युद्ध चाहेको चीनको चेतावनी



अमेरिकाले चीनका २ खर्ब डलरभन्दा माथिका सामग्रीमा सोमबारदेखि पूर्व घोषित कर लागू गरेको छ। अमेरिकाले चीनबाट आयात भएका सामग्रीमा सोमबार बेइजिङको मध्यान्न समयदेखि कर लागू गरेको हो।

कर लागू गरेसँगै अमेरिकाले चीनको अनुचित र अस्वस्थ व्यापार व्यवहारका कारण आफूले उसमाथि कर लगाएको जानकारी दिएको छ।

गत हप्ता नै अमेरिकाले कर लगाउने घोषणा गरेको थियो। त्यसको प्रतिक्रिया स्वरुप चीनले अमेरिकाबाट आयात हुने ६० अर्ब डलरका सामग्रीमा कर लगाउने बताइसकेको छ। चीनले अमेरिकाले आफूसँग ठूलो व्यापार युद्ध सुरु गरेको बताएको छ।

सोमबार के हुँदैछ?

अमेरिकी कम्पनी जसले चिनियाँ सामग्री आयात गर्छन् उनीहरुमाथि सोमबार देखिनै १० प्रतिशत लेवी लाग्नेछ। चीनबाट आयात हुने ६ हजारभन्दा बढी सामग्रीमा कर लाग्नेछ। जसमा हाते झोला, चामल, लुगा, स्मार्ट वाच, कुर्चीहरु पर्छन्।

सन् २०१९ को सुरुवातसँगै फेरी अमेरिकाले उक्त सामग्रीहरुमा २५ प्रतिशतले कर बढाउने छ। चीनले भने अमेरिकी साना विमानहरु, कम्प्यूटर, लुगाफाटाको आयातमा ५ प्रतिशतले कर बढाउने छ।

यस्तै चीनले केमिकल, मासु, वाइन, तथा गहुका सामग्रीमा १० प्रतिशतले कर बढाउनेछ।

यस वर्ष तीनपटक भन्सार शुल्क बढ्यो

यसपटकको कर वृद्धिसँगै अमेरिकाले चीनमाथि ३ पटक भन्सार शुल्क तथा कर बढाएको छ। गत जुलाइमा ५० अर्ब डलरको सामग्रीमा २५ प्रतिशत कर बढाएको अमेरिकाले गत महिनामात्र चीनका १६ अर्बका सामग्रीमा २५ प्रतिशत कर बढाएको थियो।

अमेरिकाले यसैवर्ष चीनमाथि अर्को चरणको कर वृद्धिगर्ने समेत चेतावनी दिएको छ। चीनले अमेरिकासँगको व्यापार युद्धमा गतिलो प्रतिक्रिया जनाउने बताएको छ।

अमेरिकी राष्ट्रपति डोनाल्ड ट्रम्पले चीनले अमेरिकाविरुद्ध अस्वस्थ व्यापार व्यवहार गरेका कारण आफू चीनमाथि कर लगाउन बाध्य भएको बताएका छन्। अमेरिकी प्रविधि तथा बौद्धिक सम्पत्ती चीनले अवैध रुपमा भित्राएर प्रयोग गरेको अमेरिकी आरोप रहेको छ।

गत महिना चीन र अमेरिकी प्रतिनिधि व्यापार युद्ध टुंगाउने छलफलमा जुटेका थिए। तर त्यो प्रयास असफल भएको थियो। एजेन्सी

 

प्रकाशित ८ असोज २०७५, सोमबार | 2018-09-24 14:35:20
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • गृमन्त्री रामबहादुर थापा र अर्थमन्त्री युवराज खतिवडा यथावत रहनेछन्

    मन्त्रिपरिषद् पुनर्गठन गृहकार्यः को को मन्त्री बिदा हुँदैछन्

    पार्टी सचिवालयको सन्तुलन कायम राख्न गृहमन्त्री थापा र उपयुक्त विकल्प नहुँदा अर्थमन्त्री खतिवडालाई हटाउन चाहँदैनन् प्रधानमन्त्री ओली।

  • राजनारायण पाठक र लोकमानसिंह कार्की

    लोकमान–राजनारायणलाई टंगाल पठाएर सूर्यनाथको अपेक्षा?

    अख्तियारमा नियुक्ति पाउन लोकमानसिंह कार्कीले कति रकम खर्च गरेका थिए भन्ने गाइँगुइँ त्यसै चुहिएको छैन। राजनारायण पाठकले अवकाश पाउनासाथ अख्तियारमा...

  • संघीय मामिला तथा सामान्य प्रशासन मन्त्रालय

    स्थानीय तह र प्रदेशको करको दर/दायरामा केन्द्र सरकारको नियन्त्रण

    स्थानीय तथा प्रदेश सरकारले उठाएको करको दर र दायराको विषयमा केन्द्र सरकारले एक अध्ययन गरी विभिन्न शीर्षकमा आफूखुसी उठाउँदै आएका करमाथि नियन्त्रण...

  • राजनारायण पाठक

    अख्तियारकाे विशेष टाेलीले पाठकबिरूद्ध थाल्याे अनुसन्धान

    ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकबिरुद्ध आयोगले नै छानबिन अघि बढाएको छ।