हाकिमको मस्तीका लागि गोरखा पुनर्निर्माणको गोष्ठी पोखरा सारियो




पोखरामा आयोजित गोष्ठी। फोटो सौजन्य : किशोरजङ्ग थापा
पोखरामा आयोजित गोष्ठी। फोटो सौजन्य : किशोरजङ्ग थापा

१२ वैशाख ०७२ को भूकम्प गएको ३४ महिना हुँदासमेत निजी आवास र सामुदायिक तथा सरकारी भवन निर्माणले गति लिएको छैन।

NIC ASIA

सरकारी तथा गैरसरकारी संघसंस्थाले आवास पुनर्निर्माणलाई भन्दा अन्तरक्रिया, तालीम, गोष्ठीमा बजेट बिनियोजन गर्दै आएका छन्।

भूकम्पपछिको पुनर्निर्माणको अवस्थाबारे समीक्षा गर्न शनिबारदेखि पोखराको बाराही होटलमा दुईदिने प्रगती समीक्षा गरेपछि सरकारी, गैरसरकारी संघसंस्था र पुनर्निर्माण प्राधिकरणप्रति भूकम्प प्रभावितहरु रुष्ट छन्। भूकम्प प्रभावितको नाउँमा आएको बजेट गोष्ठी, तालीममा खर्च गरेकोप्रति भूकम्पपीडित आक्रोशित छन्।

भूकम्पपछिको पुनर्निर्माणबारे भएका प्रगतिबारे सदरमुकामै छलफल गर्न सकिन्थ्यो। प्रमुख जिल्ला अधिकारी जितेन्द्र बस्नेतलगायत सरकारी कार्यालयका प्रमुखहरु, राष्ट्रिय पुनर्निर्माण प्राधिकरणका प्रमुखलगायत सरकारी हाकिमहरु र गैससका हाकिम आइतबार पोखरा पुगेका हुन्।

यस्तै सरकारी कार्यालयका हाकिमहरु पोखरा गएपछि सरकारी कार्यालयबाट सेवाग्राहीले सेवा नपाएको गुनासो गरेका छन् । प्रजिअ बस्नेत, जिल्ला समन्वय अधिकारी नारायण आचार्य, जिल्लास्थित खानेपानी तथा सरसफाइ डिभिजन कार्यालयका प्रमुख रत्नप्रसाद लामिछाने, प्राबिधिक कार्यालयका प्रमुख होमनाथ पौडेललगायत कार्यक्रममा सहभागी छन्।

यस्तै अन्तराष्ट्रिय संघसंस्थाहरुलाई समन्वय गर्दै आएका केयर नेपालका गोरखास्थित प्रमुख माधव ढकाललगायत गैसस र अन्तराष्ट्रिय गैससका प्रमुख एवं प्रतिनिधि सहभागी रहेको सो कार्यक्रममा भूकम्प प्रभावित जनताहरुलाई भने सहभागी गराइएको छैन।

कार्यक्रमका एक सहभागी भने, ‘जसको नाउँमा कार्यक्रम भएको छ उनीहरु (भूकम्पपीडित) नै गोष्ठीमा सहभागी छैनन्, त्यसैले यो कार्यक्रम गर्नुको कुनै औचित्य छैन। हाकिमहरुले देश हेर्ने, मुख फेर्ने मात्रै हो ।’ कार्यक्रमको खर्च प्राधिकरण र संघसंस्थाले बेहोरेका छन्।

कार्यशाला गोष्ठीमा सहभागी पुनर्निर्माण प्राधिकरण गोरखाका प्रमुख बेदप्रसाद आचार्यले सबै कार्यालय प्रमुखहरु तथा गैससका प्रमुखहरुको आग्रह तथा सहयोगमा पोखरामा कार्यक्रम सुरु गरिएको हो। यसअघि प्रजिअ उद्धव तिमिल्सीनाको पालामा पनि गोरखा पुनर्निर्माणका लागि बजेट जुटाउने उद्देश्यले पोखरामा गोष्ठी गरिएको थियो। त्यसबेला गरेका प्रतिबद्धताअनुसार संघसंस्थाले पुनर्निर्माणमा बजेट दिएका छैनन्।

प्रकाशित २९ माघ २०७४, सोमबार | 2018-02-12 09:48:32
Max TV
Max TV
Zen Travels

author photo

प्रशन्न पोखरेल गोरखास्थित पत्रकार हुन्


प्रतिकृया दिनुहोस

NTC
NLIC
Westar
Hyundai
Machhapuchhre Bank
Prabhu Bank
FCube
Max TV
Hamro Patro
Classic Tech
Loading...
NTC
NLIC
Westar
Hyundai
Machhapuchhre Bank
Prabhu Bank
FCube
Loading...

विचार

सुखद शुक्रबार

ब्लग

Max TV
Hamro Patro
Classic Tech

रोचक

NepalKhabar Tweets

विशेष

  • काठमाडौँ आइपुग्नासाथ पशुपतिनाथमा बाजपेयी, साथमा मन्त्री वाग्ले (पछाडि) र रतीन्द्र क्षेत्री (दायाँ-कालो भादगाउँले टोपीमा)

    बाजपेयीले नगरकोट रिट्रिट जान नमानेपछि

    मुसर्रफसँग हात मिलाउनु परेको घटनाका कारण आफ्नो भन्दा मुसर्रफको व्यक्तित्व बढेको र आफूले सम्बोधन गर्दैगर्दा धर्मराएको घटनाले बाजपेयीलाई नर्भस बनायो।...

  • काेशी ब्यारेज

    काेशी ब्यारेजलार्इ काेबाट खतरा: अातंककारी समूह कि स्वयं भारत?

    सन् २०१६ को जुलाई महिनामा एउटा खबर भारतीय मिडियामा आयो। त्यसको सारांश थियो, ‘कोशी ब्यारेज बमले उडाउने अन्तर्राष्ट्रिय आतंकवादी संगठन आईएसको धम्की।’

  • नेपालमा पहिलो पटक म्याच फिक्सिङ सम्बन्धी कानुन, यस्तो हुनेछ सजाय

    नेपालमा पहिलोपटक म्याच फिक्सिङ(खेल मिलोमतो) सम्बन्धी कानुन लागु भएको छ।

  • नख्खु कारागार

    थुनामुक्त भएकाे डेढ वर्षसम्म पनि कारागारमै गौबहादुर

    उनी हरेक दिन आफूलाई लिन आउने परिवारका सदस्यको बाटो रुघेर बस्छन्। ब्लकका अन्य कैदीबन्दीलाई उनी ‘आजै आफू घर जाने’ भनेर सुनाउँछन्। तर, उनलाई लिन कोही...