मोबाइल चोरीको आरोपमा पक्राउ परेका किशोरको हिरासतमै मृत्यु, छानबिन समिति गठन



झापाको अनारमनी इलाका प्रहरी कार्यालयमा १५ वर्षीय बालकको रहस्यमय मृत्यु भएपछि छानबिन समिति गठन गरिएको छ। छानबिनका लागि झापा जिल्ला प्रहरी कार्यालयका प्रहरी नायब उपरीक्षक महेन्द्रकुमार श्रेष्ठको संयोजक तीन सदस्यीय सो समिति गठन गरिएको हो।

 प्रहरी निरीक्षक कमल अधिकारी र प्रहरी सहायक निरीरक्षक नवराज थापा सदस्य रहेको सो समितिले एक साताभित्र छानबिन गरी प्रतिवेदन सार्वजनिक गर्ने जिल्ला प्रहरी कार्यालयका प्रहरी उपरीक्षक दिनेशराज मैनालीले जानकारी दिए।

मोबाइल चोरीको आरोपमा पक्राउ परेका मेचीनगर–६ का १५ वर्षीय किरण कार्कीढोलीको यही वैशाख २ गते राति हिरासतमा रहस्यमय तरिकाले निधन भएको थियो।

प्रहरीले एक भारतीय नागरिकले झुण्डिएर आत्महत्या गरेको भन्दै घटना ढाकछोप गर्न खोजे पनि उनी नेपाली नागरिक भएको तथ्य सार्वजनिक भएको थियो। प्रहरी नायब उपरीक्षक महेन्द्र श्रेष्ठले हिरासतमा रहेको बाथरुममा झुण्डिएको अवस्थामा उनको शव फेला परेको जानकारी दिए पनि उनका आफन्तले हत्या नै गरिएको आरोप लगाउँदै छानबिन हुनुपर्ने माग गरेकाले सो समिति गठन भएको हो।

‘शुरुमा भारतीय नागरिक हो भन्ने सूचना आएको थियो, आफन्त नभेटेपछि बेवारिसे मुचुल्का बनाएर शव परीक्षणका लागि मेची अञ्चल अस्पताल ल्याइएको थियो,’ उपरीक्षक श्रेष्ठले भने, ‘पछि उनको घर काँकडभिट्टा भएको पत्ता लागेपछि शव आफन्तलाई बुझाइएको हो।’

बाथरुमको धाराको टुटीमा किशोरले लगाइरहेको कपडाको पासो बनाएर आत्महत्या गरेको प्रहरीले जनाएको थियो। कार्की ढोली मोबाइल चोरीको अभियोगमा गत चैत २९ गते बेलुका बिर्तामोडबाट पक्राउ परेका थिए। मृतक किशोरका बुबा रमेशले आफूलाई घटनाको विषयमा वैशाख २ गते बिहान १० बजे मात्रै थाहा भएको र त्यति बेलासम्ममा छोराको शवलाई प्रहरीले मेची अञ्चल अस्पताल पु¥याएर परीक्षण गरिसकेको बताए। कक्षा ५ मा अध्ययनरत कार्की ढोलीको मृत्युपछि प्रहरीले बनाएकोे स्थलगत मुचुल्कामा उमेर १९ वर्ष पुगेको उल्लेख गरे पनि रमेशले आफ्नो छोरा १५ वर्षमात्र पुगेको बताए।

किशोरलाई पक्राउ गरेपछि अरु वयस्कसँगै हिरासतमा राख्न नमिल्ने कानूनी व्यवस्था रहेको मानवअधिकारकर्मी विष्णु खरेलले बताए। उनले भने, ‘हामीले पनि सो घटना ढिलोगरी थाहा पायौं हामीलाई पनि प्रहरीले बालकको उमेर १९ वर्ष भनेको थियो तर उनी १५ वर्षका भएकाले हिरासतमा राख्न मिल्दैनथ्यो।’

पक्राउ परेका बालकलाई प्रहरीले अदालतबाट म्याद थपसमेत नगरेको पाइएको छ। पक्राउपछि २४ घण्टाभित्रमा अदालतबाट म्याद थप गरी हिरासतमा राखेर अनुसन्धान गर्नुपर्ने कानूनी व्यवस्था छ, अधिकारकर्मी खरेलले भने, ‘प्रहरीले यो घटनामा एकपछि अर्को गल्ती गरेको देखिन्छ।’

यसैबीच हिरासतमा किशोरको मृत्यु भएको घटनाप्रति मानव अधिकारकर्मीले शुक्रबार विज्ञप्ति जारी गर्दै १८ वर्षमुनिका किशोर–किशोरीलाई हिरासतमा राख्न नपाइने र आत्महत्या गर्ने अवस्थामा पु¥याइनु प्रहरीको लापर्बाही भएकाले सोे घटना छानबिन गर्न माग गरेका थिए। संयुक्त विज्ञप्तिमा उक्त घटनाको सत्यतथ्य उजागर गर्न, दोषीलाई कारवाही गर्न र पीडित परिवारलाई उचित क्षतिपूर्ति दिन सम्बन्धित निकायको ध्यानाकर्षण गराउनाका साथै अनारमनी इलाका प्रहरी कार्यालयका प्रहरी नायब उपरीक्षक सुवास खड्कालाई तत्काल निलम्बन गर्न र घटनामा दोषी ठहरिए कारबाही गर्न पनि माग गरिएको छ। रासस

प्रकाशित ७ बैशाख २०७६, शनिबार | 2019-04-20 13:35:25
Nepal Sarkar
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Yeti Air
Jewellery
Argakhachi
Shikhar Insurance
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Argakhachi
Shikhar Insurance
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • पोखरामा चिनियाँ पर्यटक

    चिनियाँ पर्यटकलाई निःशुल्क भिसा: ३ बर्षमा १० अर्ब गुम्यो

    पर्यटक भित्र्याएर व्यापार घाटा कम गर्न प्रयासरत सरकारले सन् २०२० लाई नेपाल भ्रमण वर्ष घोषणा गरेको छ। यसको मुख्य लक्ष्य धेरै पर्यटक भित्र्याउनु हो।

  • विमानस्थलमा प्रहरीले पक्राउ गरेपछि युनुस र अन्य

    नक्कली नोटसँगै युनुस पक्राउ पर्दा झस्किए आईबी र ‘रअ’

    ‘पुराना रेर्कडहरू पल्टाउने काम भइरहेको छ। युनुसले नाम लिएका दुबै व्यक्ति पाकिस्तानी क्रिकेटर रहेछन्, नोट कारोबारी हुन कि होइनन् खुलेको छैन।’

  • प्रा.डा. चन्द्रमणि अधिकारी

    करमा दीर्घकालीन योजनाको खाँचो

    राज्य चलाउनलाई साधन र स्रोत चाहिन्छ। अहिले अर्थमन्त्री डा.युवराज खतिवडा बजेट निर्माणमा जुट्नुभएको छ।

  • रामबहादुर थापा र वामदेव गौतम

    नेकपामा नयाँ समीकरणः प्रचण्डले गौतम रोजेपछि ओलीले बादल अघि सारे

    कार्यविभाजनको विषयमा अध्यक्ष पुष्पकमल दाहाल ‘प्रचण्ड’, वरिष्ठ नेताद्वय माधवकुमार नेपाल र झलनाथ खनाल तथा सचिवालय सदस्यद्वय वामदेव गौतम र नारायणकाजी...