अख्तियारमा आयुक्त छँदा यस्तो पनि गर्थे राजनारायण



राजनारायण पाठक
राजनारायण पाठक

अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकको बोलबाला छँदाको कुरा हो यो। अख्तियारमा प्रमुख आयुक्त थिए, लोकमानसिँह कार्की थिए। पाठक उनका प्रमुख सहयोगी थिए।

एउटा बिहान पाठकले स्थानीय विकास मन्त्रालयका एकसहसचिवलाई शान्तिनगर बाबुछिरी शेर्पा चोकमा रहेको घरमा चिया खान बोलाए। उनको उर्दी थियो, ‘सहसचिवजी, भोलि बिदा छ। तपाईं मकहाँ आउनुहोस्, सँगै चिया खाउँला।’

सहसचिवले केही भन्ने अवस्था थिएन। उनी कार्यरत मन्त्रालय पाठकले नै हेर्थेे। सार्वजनिक बिदाका दिन बिहान उनी पाठकको घरमा पुगे। गल्ती केही गरेका थिएनन्, तर डराएका थिए। सबैलाई जस्तै उनको मनमा पनि त्रास थियो, ‘लोकमान र पाठकको कोपभाजनमा परिने त होईन?’

उनी घरभित्र प्रवेश गरे। पहिले नै आएका पाठक बैठक कोठामा बसिरहेका थिए। उनीसँगै अर्का एक ब्यक्ति पनि थिए, जसलाई ती सहसचिवले केही दिनअघिमात्र अनाधिकृत कार्य गर्न प्रलोभन दिएको भन्दै आफ्नो कार्यकक्षबाट निकालेका थिए।

‘उहाँलाई त चिन्नुहुन्छ होला’ पाठकले आफै प्रसंग निकाले, ‘उहाँ मेरो खास मान्छे, तपाईले पुरा सहयोग गर्नुप¥यो।’

विचरा सहसचिव अक्क न बक्क परे। पाठकले परिचय गराएका ब्यक्ति थिए– विवादित घरजग्गा व्यवसायी कालु गुरुङ। पाठक र कालु गुरुङबीच सम्बन्धको घनिष्ठता पुरानो र बलियो रहेको थाहा पाएपछि उनी बाहिर निस्किए।

‘उहाँले बिदाको दिन घरमा चिया खान आउनुहोस् भन्नुभयो’ ती सहसचिवले नेपालखबरसँग भने ‘म पुग्दा उनी (कालु गुरुङ) त्यहीँ थिए, जसरी पनि काम गरिदिनु भन्ने निर्देशन पाठकबाट भयो।’

ती सहसचिवका अनुसार पाठकले न्यूरोडको रंजना गल्लीमा निर्माण भएको एउटा ११ तले भवनलाई नियमित गरी प्रमाणपत्र दिन दबाब दिएका थिए।

बर्खास्त भएका प्रमुख आयुक्त लोकमानसिँह कार्कीको कार्यकालमा आयोगको महाशाखा ६ अन्र्तगत स्थानीय निकाय हेर्ने जिम्मेबारी पाएका आयुक्त पाठकले काठमाडौँ उपत्यकासहित देशका प्रमुख शहरमा बनेका अनाधिकृत घरहरुको नक्सा पास र नियमित गराउने काममा कालु गुरुङसँग सहकार्य थियो। उनी मार्फत् आयुक्त पाठकले गैरकानूनी आर्जन लगानी गरेको शंका गरिएको छ।

आयुक्त पाठकले कालु गुरुङ घरमै रहेका बेला काठमाडौँ महानगरपालिकाका कार्यकारी अधिकृत र नक्सा विभागका प्राविधिकलाई बोलाएर काठमाडौँमा नियम विपरित बनेका र सार्वजनिक जग्गा हडपेका आधा दर्जन भवनको नक्सा पास र नियमितका लागि दवाब दिएका थिए।

यस बापत पाठकले कालु गुरुङ समुहबाट मोटो रकम हात पारेको भुक्तभोगी एक सहसचिवले बताए। पाठकले तत्कालिन कार्यकारी अधिकृत रुद्रसिँह तामाङ र ईश्वरराज पौडेललाई घरमै बोलाएर कालु गुरुङसँग परिचय गराउँदै काम गरिदिन दबाब दिएका थिए।

ती सहसचिवले पाठकको निर्देशनमा अनाधिकृत काम गर्नुभन्दा मन्त्रालय नै परिवर्तन गरे। यो त एउटा प्रतिनिधिमूलक घटनामात्र हो। 

पाठकले नेपाल इन्निनियरिङ कलेजको विवाद मिलाउन ७८ लाख घूस खाएको भिडियो नेपालखबरले सार्वजनिक गरेलगत्तै अख्तियारको आयुक्त पदबाट राजीनामा दिएका छन्। अख्तियारले उनी बिरुद्ध अनुसन्धान गरिरहेको छ।

यतिमात्र होइन, गैरकानूनी आर्जन र भ्रष्टाचारमा कारवाही अघि बढेसँगै उनको को-को सँग यस्तो खालको सम्बन्ध थियो, त्यस बिषयमा समेत छानबिन सुरु भएको छ।

पाठकको घरजग्गा व्यवसायी कालु गुरुङसँगै अर्का घरजग्गा व्यवसायी गुण्डा नाईके राजु उपनाम भएका राजेन्द्र गोर्खालीसँग निकट सम्बन्ध रहेको खुलेको छ।

आयुक्त पाठकले आफुले घूस लिएको भिडियो रेकर्ड भएको थाहा पाएपछि त्योे मेटाउन प्रहरी, बिचौलिया, राजनीतिक कार्यकर्तामात्र होइन, गुण्डा नाईके गोर्खालीलाई समेत परिचालन गरेका थिए।

राजु गोर्खाली

राजु गोर्खाली

भिडियो खिचिएको थाहा पाएपछि त्यसलाई नष्ट गराउन सुरुवातमा पाठकले महानगरीय अपराध महाशाखा प्रमुख धिरजप्रताप सिँहलाई परिचालन गरेका थिए।

उनीबाट सम्भव नभएपछि नेकपा निकट बिद्यार्थी नेता दिपेश पुन र कैलास मगर भिडियो माग्न र पाठकसँग सम्झौताका लागि पुगेका थिए।

त्यसपछि दुईजना पत्रकार समेत पाठकका दूतका रुपमा परिचालन भएको थियो। त्यो भिडियो रेकर्ड अहिले सरकार र अख्तियारसम्म पुगेको छ।

ती प्रयासहर सफल नभएपनि पाठकले गुण्डा नाईके गोर्खालीलाई परिचालन गरे। तर भिडियो खिच्ने समुहले घूस प्रकरणको भिडियो माग्न गएका राजु गोर्खालीकै वार्तालाप रेकर्ड ग¥यो।

गोर्खालीले करिब २ घण्टाभन्दा बढी समय भिडियो खिच्ने समुहलाई फकाउने र धम्काएका थिए। तर, उनको पनि केही सिप लागेन। उनी रित्तोहात फर्किए।

गुण्डा नाईके गोर्खाली र आयुक्त पाठकको सम्बन्धका बिषयमा समेत आयोगले अनुसन्धान गरिरहेको छ।

प्रकाशित २८ फागुन २०७५, मंगलबार | 2019-03-12 10:18:04
Nepal Sarkar
Max TV
Max TV
Vianet

author photo

दीपक खरेल नेपालखबरका विशेष संवाददाता हुन्

@DeepakKharel037

दीपक खरेलबाट थप


प्रतिकृया दिनुहोस

ntc
NLIC
Prabhu Bank
Yeti Air
Jewellery
Argakhachi
Shikhar Insurance
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Argakhachi
Shikhar Insurance
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • युनुस अन्सारी

    साला र सहयोगीसहित नक्कली भारु लिन विमानस्थल पुगेका थिए युनुस

    प्रहरीले पाकिस्तानबाट आएका तीनजनालाई लिन त्रिभुवन अन्तर्राष्ट्रिय विमानस्थल गएका युनुस अन्सारीलाई साला र सहयोगीसहित नियन्त्रणमा लिएको छ।

  • दिल्लीमा विजयउत्सव मनाउँदै प्रधानमन्त्री नरेन्द्र मोदी र भाजपा अध्यक्ष अमित शाह

    मोदीबाट नेपालमा फेरि हस्तक्षेपको गुञ्जायस छैन

    प्रधानमन्त्री केपी शर्मा ओलीको स्वभाव र चरित्रसँग भारतीय प्रधानमन्त्री मोदी परिचित छन्। असल सम्बन्ध राखेर अगाडि बढ्दा ओली उदार दिलका मान्छे छन् तर,...

  • सुवास प्रधान क्रिकेट व्यवस्थापक संस्था नेपालय इन्टरनेशनलका अध्यक्ष हुन्

    सुवासको ‘दोस्रो जीवन’ समेत क्रिकेटमै समर्पित

    २०७२ साल वैशाख १२ गते। हजारौं नेपालीलाई झै क्रिकेटर सुवास प्रधानका लागि पनि त्यो कालो दिन थियो। बल्खुस्थित उनको तीन तले घर महाभूकम्पले पूरै ध्वस्त...

  • चिनियाँ राजदूत होउ यानछी

    चिनियाँ राजदूत भन्छिन्ः नेपाल रेल ल्याउन सहज छैन, तर हामी दृढ छौं

    ‘केरुङ–काठमाडौं रेलमार्ग आर्थिक रुपमा महँगो कार्य हो, यसमा लामो समय लाग्नसक्छ। तर हामीसँग काम गर्ने दृढ संकल्प छ। कामलाई निरन्तरता दिँदै जानेछौं,...