नेपाली भिसा अब अमेरिकी मापदण्डको


Kshamadevi Group


नेपालकाे भिषा
नेपालकाे भिषा

हामीले भिषालाई विकसित देशहरु सरह बनाउन खोजेका हौं। सुरक्षा दृष्टिले पनि यो परिवर्तन जरुरी भइसकेको थियो: ईश्वरराज पौडेल, अध्यागमन महानिर्देशक

हस्तलिखित सानो स्टिकरको स्वरुपमा वर्षौंदेखि अस्तित्वमा रहेको नेपाली भिसाले रुप फेर्न लागेको छ।

सरकारी अधिकारीका अनुसार नयाँ नेपाली भिसा युरोप, अमेरिकाजस्तै राहदानी पानाकै आकार र मापदण्डको हुनेछ।

‘नयाँ भिसा मिसिन रिडेबल हुनेछ। त्यसमा नेपाल चिनाउने तस्विर, सुरक्षा स्टिकर र बारकोड राखिनेछ’, अध्यागमन विभागका महानिर्देशक ईश्वरराज पौडेलले नेपालखबरसँग भने, ‘हामीले भिसालाई विकसित देशहरु सरह बनाउन खोजेका हौं। सुरक्षा दृष्टिले पनि यो परिवर्तन जरुरी भइसकेको थियो।’ अध्यागमनलाई भौतिक पूर्वाधारका दृष्टिले पनि अन्तर्राष्ट्रिय स्तरको बनाउन खोजिएको उनले बताए।

भिसा मेसिन रिडेबल बनाउँदा आवश्यक पर्ने पूर्वाधार एवं प्राविधि इस्टलेशनमा यतिबेला विभागले काम गरिरहेको छ। सुरक्षा मुद्रण विज्ञको सहयोगमा एक दर्जन बढी सुरक्षा कवचसहितको नयाँ भिसा स्टिकरको नमुना तयार भएको छ। नयाँ भिसाको रंग, आकार, ढाँचा र सुरक्षा कवच विश्लेषणको काम यतिबेला विभागले गरिरहेको छ।

नेपाली भिसा पाउन बायोमेट्रिक
नयाँ भिसा कार्यान्वयनमा गएपछि नेपाली भिसा आवेदकले बायोमेट्रिक, आखाँको रेटिना र फोटोसहितको विवरण भर्नुपर्नेछ। यो प्रणाली अहिले युरोप, अमेरिका, चीनसहितका विकसित देशहरुले प्रयोग गरिरहेका छन्।

विभागले पर्यटक, बहुउद्देश्य, शैक्षिक, व्यवसाय, आवासीय र गैर नेपालीका लागि फरक प्रकारको भिसा प्रदान गर्नेछ। यसका लागि अध्यागमन नियमावली २०५१ संशोधनको तयारी भइरहेको छ। गृह मन्त्रालयले यस सम्बन्धी प्रस्ताव मन्त्रिपरिषद लैजाने तयारी गरिरहेको छ। अध्यागमन नियमावलीमा भिसाको नमूना अनुसूचीमै समावेश भएकाले नियमावली संशोधन आवश्यक भएको हो।

संशोधनमा नियमावली अनुसूचिमा रहेका भिसाका नमूना समेत परिवर्तन गरिनेछन्। त्यसका लागि विभागका निर्देशक रामचन्द्र तिवारी नेतृत्वमा संशोधन प्रस्ताव काम भइरहेको हो।

‘नियमावली मन्त्रिपरिषद्बाट स्वीकृत भएपछि नयाँ भिसा लागू गर्ने बाटो खुल्नेछ,’ विभागका प्रवक्ता विष्णुहरि उपाध्यायले नेपालखबरसँग भने ‘अहिले संशोधन प्रस्तावमा काम भइरहेको छ।’

कस्तो हुनेछ नेपाली भिषा?
विभाग स्रोतका अनुसार बारकोडसहित भिसा नेपाली विविधता झल्कने, प्राकृतिक र मानव निर्मित सम्पदा अंकित भएको हुनेछ। भिसामा रहने सबै विवरण कम्प्युटरबाटै भरिनेछ। भिसाको रंग, आकार र ढाँचा समेत अन्तर्राष्ट्रिय स्तरको हुनेछ।
विभागले हाल उपलब्ध गराउने भिसा सजिलै नक्कली बनाउन सकिने भएकाले सुरक्षा चुनौती छ। भिसा बाहक तथा जारी गर्ने अधिकारीलाई ट्रयाक गर्न कठिन छ। नयाँ भिसामा एक दर्जनभन्दा बढी सुरक्षा कवच राखिनेछन्।

अप्रेसन अध्यागमन
अंग्रेजी नयाँ वर्ष सन २०२० मा २० लाख पर्यटक भित्राउन लक्ष्य पूरा गर्न अध्यागमन सुधारका लागि ‘अप्रेशन अध्यागमन’को काम भइरहेको हो। विभागले त्रिभुवन अन्तर्राष्ट्रिय विमानस्थलस्थित अध्यागमन कार्यालयसहित १३ स्थानमा रहेका कार्यालयमा एकै प्रकारको सेवा सुविधा प्रदान गर्ने रणनीति बनाइरहेको छ। यसका लागि ७ वटै प्रदेशमा अध्यागमन स्याटेलाइट स्टेशन (प्रदेश सम्पर्क केन्द्र) स्थापना गरिन लागेको छ।

 

प्रकाशित २३ माघ २०७५, बुधबार | 2019-02-06 13:00:59
Max TV
Max TV
Vianet

author photo

दीपक खरेल नेपालखबरका विशेष संवाददाता हुन्

@DeepakKharel037

दीपक खरेलबाट थप


प्रतिकृया दिनुहोस

ntc
NLIC
Prabhu Bank
Yeti Air
Jewellery
Civil Bank
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Civil Bank
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • चीनको वुहानमा गत वर्ष अनौपचारिक वार्तामा सी र मोदी

    भारतविना बेइजिङको बीआरआई बहस

    दुई वर्षअघि बीआरआईमा सहभागिता जनाएको नेपालले यसपाली राष्ट्रपति सहितको टोली बेइजिङ पठाउँदा दिल्ली चुपचाप छ।

  • काठमाडौंमा भएको नेपाल–चीन पारवहन प्रोटोकल तयारी बैठक

    चीनसँगको पारवहन ‘प्रोटोकल’ कसरी कार्यान्वयन हुन्छ?

    मन्त्रालयका सहसचिव तथा आपूर्ति वाणिज्य महाशाखा प्रमुख नवराज ढकाल प्रोटोकल हस्ताक्षरसँगै कार्यान्वय अघि बढ्ने बताउँछन्।

  • एनआरएनका पौडी खेलाडी नाथन दोर्जे शेर्पाले सुरुवाती दुई दिनमा तीन स्वर्ण जितिसके

    नाथनले बढाएको एनआरएनएको शान

    ९ देशका २४ खेलाडी सहभागी गराएको एनआरएनएले ६ दिनसम्म पनि कुनै स्वर्ण जित्न नसकेको अवस्थामा नाथनले लगातार दुई दिनमा तीन स्वर्ण जित्दै एनआरएनएको शान...

  • विप्लव र गुण्डा समूहका योजना अब प्रहरीको पहुँचमा

    ‘घटना पूर्वका महत्वपूर्ण सूचनाका लागि सूत्र परिचालनको खाका निर्देशिकामा छ। निर्देशिकाको अवधारणा भनेको परिचालन भएका सूत्रलाई बैधानिकता दिने र...