अवैध संरचना हटाउनु पर्ने माग गर्दै प्रधानमन्त्रीलाई ज्ञापन पत्र



महेन्द्रनगर नगर विकास समितिकोे जग्गा अतिक्रमण गरी बनाइएका अवैैध संरचना हटाउनु पर्ने माग गर्दै प्रधानमन्त्री केपी शर्मा ओलीलाई ज्ञापन पत्र पठाइएको छ।

नगर विकास समितिको जग्गामा प्रक्रिया मिचेर अवैधानिक तरिकाले निर्माण कार्य भइरहेको भन्दै प्रमुख राजनीतिक दलका भातृ संगठनहरुले संयुक्त रुपमा आइतवार ‘सुदूरपश्चिम’ प्रदेश मुख्यमन्त्रीको कार्यालयमार्फत प्रधानमन्त्रीलाई ज्ञापन पत्र बुझाएका हुन्।

ज्ञापन पत्रमा अवैधानिक तरिकाले वितरण गरिएका लालपूर्जा तथा सम्झौता यथाशिघ्र खाली गरिनुपर्ने, महेन्द्रनगर बजारको सुन्दरता बिग्रिने गरी गुरुयोजना विपरीत बनाइएका भौतिक संरचना हटाउनु पर्ने माग गरिएको छ।

यस्तै औद्योगिक क्षेत्रको नाममा वितरण गरिएको जग्गामा ठुला–ठुला आवासीय भवन निर्माण भएकाले सो सम्झौता खारेज गर्नुपर्ने, सालघाडी क्षेत्र र विश्वविद्यालयको केन्द्रीय क्याम्पसमा गरिएको अतिक्रमण खाली गर्नुपर्ने, खोकाछाप्राका नाममा बसेका नक्कली भुमाफियालाई कानुन बमोजिम कारवाही गरिनुपर्ने लगायतका ७ बुँदे माग गरिएको छ।

युवा संघ कञ्चनपुरका अध्यक्ष गणेश चन्द, तरुण दलका अध्यक्ष महेश चन्द, वाईसिएल कञ्चनपुरका सचिव तिलक जप्रेल, क्रान्तिकारी युवा संघका अध्यक्ष मनमोहन जोशी, अनेरास्ववियुका अध्यक्ष ओम बस्नेत, अखिल क्रान्तिकारीका अध्यक्ष विरेन्द्र विष्ट, नेविसंघका सह–महामन्त्री अच्युत कलौनी, अखिल क्रान्तिकारी अध्यक्ष नरेन्द्र भाट, अखिल क्रान्तिकारीका केन्द्रीय सदस्य केशव साउँद र क्रान्तिकारी युवा लिगका कमल चौधरीले संयुक्त रुपमा ज्ञापन पत्र बुझाएका हुन्। ज्ञापन पत्र बुझ्दै मुख्यमन्त्री त्रिलोचन भट्टले अवैध रुपमा हुने गतिविधि रोक्न प्रदेश सरकार पनि कटिबद्ध रहेको बताएका छन्।

महेन्द्रनगर बजारलाई नै कुरुप बनाउने गरी अवैध रुपमा निर्माण भईरहेका संरचनालाई तत्काल हटाउनु पर्ने माग गर्दै भातृ संगठनहरु आन्दोलित रहेका छन्। यसअघि उनीहरुले सम्बन्धित निकायसँग अन्तक्रिया, प्रदर्शन, अवैधानिक तरिकाले निर्माण भएका भवनहरुमा ‘क्रस’ चिन्ह लगाउने जस्ता कार्यक्रम गरेका थिए।

प्रकाशित २२ पुस २०७५, आइतबार | 2019-01-06 20:22:31
Max TV
Max TV
Vianet

गोकुल जोशीबाट थप


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • हङकङको आकाशमा निष उपाध्याय

    हङकङको आकाशमा निष उपाध्यायको ‘गुड फ्लाइङ’ (भिडियो)

    ‘हङकङमा २०११ देखि व्यवसायिक रुपमा प्याराग्लाइडिङ उडाउँदै आएको छु। मैले उडाउने धेरै मानिस चिनियाँ र केही नेपाली साथीभाइ हुन्छन्। पैसा लिएर होइन,...

  • दीपक नेपाल

    ट्वीटरका सेलिब्रिटी यी ट्याक्सी ड्राइभर

    ‘शैक्षिक प्रमाणपत्र सिरानीमुनि राखेर ट्याक्सी चलाइरहेको छु। होइन–होइन, जिन्दगी चलाइरहेको छु।’

  • राजनारायण पाठक

    ७८ लाख घूस लिने पाठकलाई गोप्य नियन्त्रण लिएर ७ घन्टा बयान

    नेपाल इन्जिनियरिङ कलेजको स्वामित्व मिलाइदिन्छु भनी ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकसँग...

  • मोहन कार्की (जीवन्त)

    आफ्नो मोवाइलबाट जसले ओली–प्रचण्डबीच पहिलो संवाद गराए

    नेपालमा भर्खरै भित्रिएले मोबाइल निकै दुर्लभ मानिन्थ्यो। प्रचण्डको प्रतिनिधि बनेका जीवन्त मोबाइल फोन बोकेर ओलीनिवास पुगेका थिए। जीवन्तले मोबाइलबाट...