शैक्षिक प्रमाणपत्रमा गोप्य उजुरीपछि उच्च सैनिक जनरलको बढुवा रोकियो


Infocus



अनुज बस्न्यात
अनुज बस्न्यात

रथी पूर्णचन्द्र थापाको महारथी (प्रधानसेनापति) मा बढुवा भएको पनि दुई महिना बितिसक्यो, तर उनको बढुवापछि जंगी अड्डामा खालि रहेको नेपाली सेनाको एक रथी (लेफ्टिनेन्ट जनरल) को अझै पदपूर्ति हुन सकेको छैन।

प्रधानसेनापतिमा थापाको बढुवासँगै नेपाली सेनामा रथी पदको एक दरबन्दी रिक्त रहेपनि लामो समय बढुवाका लागि रक्षा मन्त्रालयमा फाइल अघि नबढाएपछि जंगी अड्डाभित्र यो विषय निकै चर्चाको विषय बन्न पुगेको छ।

उच्च तहका सैनिक अधिकारीहरु भेट हुनासाथ आजकल यसै विषयमा खासखुस गर्न थालेका छन् कि, उपरथी अनुज बस्नेत जंगी अड्डामा दोस्रो बरियताको रथी पदका दावेदार भएपनि आखिर किन उनको बढुवाको फाइल अघि बढ्न सकेको छैन?

२५ भदौमा पूर्णचन्द्र थापाको महारथीमा बढुवा भएसँगै नेपाली सेनामा एक रथी पदको दरबन्दी खालि छ। प्रधानसेनापति पछिको बरियतामा रहने दुई रथीमध्ये हेमन्तराज कुँवर एक जनामात्र अहिले रथीका रुपमा कार्यरत छन्।

र, अर्का सैन्य अधिकारीलाई रथीमा बढुवा नगरिँदा नेपाली सेनाको बलाधिकृत रथी र बलाध्यक्ष रथी दुबै जिम्मेवारी २५ भदौ यता उनले सम्हालिरहेका छन्। तरपनि तत्काल रथीमा कुनै सैन्य अधिकारीलाई बढुवा गर्ने छेकछन्द छैन।

स्रोतका अनुसार, बरिष्ठताका आधारमा उपरथी अनुज बस्न्यात खालि रहेको रथी पदको दावेदार हुन्। उपरथी बस्न्यात हाल निरीक्षणाधिकृत विभागका प्रमुख छन्।

तर, उनको शैक्षिक योग्यताका सम्बन्धमा प्रश्न उठेपछि प्रधानसेनापति थापा उनको बढुवाको फाइल रक्षा मन्त्रालय पठाउन हिच्किचाइरहेका छन्।

स्रोतका अनुसार, डिप्लोमाको परीक्षा अनलाइनबाट दिएर उतीर्ण गरेका कारण उनको बढुवाको फाइल अघि नबढाइएको हो।

‘लोकसेवा आयोगले अनलाइनबाट र खुला विश्वविद्यालयबाट उतीर्ण भएको प्रमाणपत्रलाई मान्यता दिएको रहेनछ’ स्रोतले भन्यो, ‘उपरथी बस्न्यातले पनि अनलाइनबाट परीक्षा दिएर डिप्लोमा उतीर्ण गरेका रहेछन्। त्यसैले, उनको बढुवा सिफारिस नभएको हो।’

‘अघिल्ला प्रधानसेनापति राजेन्द्र क्षेत्रीझैँ बर्तमान प्रधानसेनापति थापापनि शैक्षिक प्रमाणपत्रका सम्बन्धमा कडाईका साथ प्रस्तुत हुने पक्षमा छन्’ स्रोतले भन्यो, ‘जनरल बस्न्यातको शैक्षिक प्रमाणपत्रका सम्बन्धमा पनि प्रश्न उठेपछि रथीको दरबन्दी खालि रहेको दुई महिना बितिसक्दापनि बस्न्यातको बढुवा सिफारिस नभएको हो।’

स्रोतका अनुसार, नियमित वा प्राइवेट परीक्षा बाहेकलाई मान्यता नदिने लोकसेवा आयोगको नजिरका कारण यसअघि केही सैनिक अधिकारीले बढुवा नपाई अवकास लिनु परेको थियो। खुला विश्वविद्यालयबाट उतीर्ण गरेका उपरथी नैनराज दाहालले त्यही कारण बढुवा नपाई अवकास पाएका थिए।

‘यही नजिरका आधारमा उपरथी बस्न्यातलाई बढुवा गर्न हुँदैन भनेर जंगी अड्डामा उजुरी समेत परेको बुझिएको छ’ स्रोतले भन्यो, ‘उजुरी नै परेपछि यो विषय झन् सम्बेदनशील बनेको छ।’ उजुरी कसले हालेको हो, त्यो चाहिँ खुलेको छैन।

रथीमा उपरथी बस्न्यातको बढुवा हुन नसकेको खण्डमा अर्का उपरथी शेखरसिँह बस्न्यात रथी पदका दावेदार हुन्। तर, उनले पनि उमेर हदका कारण मंसीरमा अवकास पाउने भएकाले जंगी अड्डाले तत्काल अर्का सैनिक अधिकारीलाई बढुवाको सिफारिस गरेको छैन।

बस्न्यातपछिको बरियतामा उपरथी देबकुमार सुवेदी छन्, जो सैनिक इन्जिलिजेन्स हेर्ने महानिर्देशनालय (डिजिएमआई) का प्रमुख छन्। शैक्षिक प्रमाणपत्रलाई आधार बनाउँदै प्रधानसेनापति थापाले अहिलेसम्मको अडान कायम राखे उपरथी सुवेदीले रथी पदको बाजी मार्ने सम्भावना बढेको छ।

प्रकाशित २९ कार्तिक २०७५, बिहिबार | 2018-11-15 17:55:44
Max TV
Max TV
Zen Travels
Vianet


प्रतिकृया दिनुहोस

ntc
NLIC
Hyundai
Machhapuchhre Bank
Prabhu Bank
City Express
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Hyundai
Machhapuchhre Bank
Prabhu Bank
City Express
Yeti Air
Yeti Air
Loading...

विचार

सुखद शुक्रबार

ब्लग

Max TV

प्रविधि

Hamro Patro
Classic Tech

रोचक

NepalKhabar Tweets

विशेष

  • पार्टी एकताका दिन ३ जेठमा  झलनाथ खनाल बाहेक नेकपा केन्द्रीय सचिवालयका नेताहरु

    नेकपाका पाँच भर्सेस् चार शीर्ष नेताः कति एकता, कति भिन्नता?

    ओली-प्रचण्डसहित केन्द्रीय सचिवालयका पाँचजना नेता एकातिर र २२ असोजको बैठक बहिस्कार गरेका नेपाल–खनालसहितका चार नेता अर्काेतिर जस्तो देखिएपनि चार जना...

  • सुरेश गैरे

    सुरेशकाे शालीन संगीत यात्रा

    ‘मलाई सफ्ट र मेलेडियस् संगीतमा काम गर्न मन पर्छ’ सुरेश भन्छन्, ‘भारतीय मोर्डन गीतहरुबाट बढी प्रभावित छु। पप गीतहरु खासै मन पर्दैन’, उनी सुनाउँछन्।...

  • प्रचण्ड

    कास्कीबाट चौथो चुनाव लड्दैछन् प्रचण्ड?

    एउटै निर्वाचन क्षेत्रमा अल्झेर नबस्ने प्रचण्डको बिगतले पनि उनले आगामी निर्वाचनमा प्रतिस्पर्धाका लागि कास्की रोज्नसक्ने सम्भावनालाई नकार्न सकिँदैन।

  • संसदीय समितिमा उपस्थित प्रहरी महानिरीक्षक सर्वेन्द्र खनाल

    निर्मला बलात्कार र हत्या: कुखुरा चाेरप्रति आइजिपीका चारथरि अभिव्यक्ति (भिडियाे)

    निर्मला पन्तको बलात्कार र हत्या प्रकरणमा प्रहरीले गलत ब्यक्तिलाई फँसाउन खोजेको आरोप लागिरहेका बेला प्रहरी महानिरीक्षक सर्वेन्द्र खनालले संसदीय...