हनिफ मियाँ जसलार्इ दशैँ आफ्नै लाग्छ


Kshamadevi Group


हनिफ मियाँ
हनिफ मियाँ

पाटन नै पाटनले बनेको पोखराको लागि मियाँपाटन एउटा फरक नाम हो।

भद्रकाली मन्दिरको फेदमा रहेको यो बस्ती नाम अनुसारै मुस्लिम बस्ती हो। वरपर हिन्दू ब्राम्हण र गुरुङ बस्ती छन्। अलि मियाँ यहीँ जन्मिए, हर्किए।

बाल्यकालदेखि किशोरावस्थासम्म उनका सपना यहीँ झाँगिए। लोककवि उपमा पाउनुअघि उनी मुस्लमि समुदायले गर्ने व्यापार गर्थे। पोते काइँयो बेच्दै लोकगीत सुनाउँदै हिँड्थे। हिन्दूका चाडबाडमा भजन र रामायण सुनाउथे। उनी बितेको ठ्याक्कै १२ वर्ष पूरा भएको छ। तर हिन्दू संस्कृतिमा राम्रोसँग घुलमिल भएका अलिमियाँलार्इ छिमेकीले बिर्सिएका छैनन्। हिन्दू छिमेकी र संस्कृतिसँग उनले कसेको मेलमिलापको गाँठो अहिले पनि उस्तै छ।

'यस्तो किन पनि भएको हो भने उहाँ छिमेकीले मनाउने सबै चाडबाडमा सरिक हुनुहुन्थ्यो', छोरा अनिफ मियाँ भन्छन्, ‘छिमेकीहरु बुबालाई घरमा हुने श्राद्धमा पनि निम्त्याउँथे। बुवा हिन्दुहरुको चाड उनीहरुले जस्तै मनाउनुहुन्थ्यो।’

सानो छँदा दशैँमा नयाँ लुगा लगाएको सम्झना हनिफसँग ताजै छ। ‘हरेक दशैँमा बुबाले नयाँ लुगा ल्याइदिनुहुन्थ्यो। घरमा च्याङ्ग्रा काटिन्थ्यो, सेलरोटी र झिलिङ्गा पाक्थ्यो।’ सामान बेच्न बाहिर गएका बुबा घर फर्किएपछि दशैँ लागेको अनूभूति हनिफलार्इ दशैँ लागेको अनुभूत हुन्थ्यो। दशैँमा टीका लगाउने कार्यक्रम हुन्थ्यो। दक्षिणा पनि दिइन्थ्यो। ‘टीका लगाएपछि बुबा दशैँमा पिङ खेल्दै, दोहोरी गाउँदै ठाउँठाउँ पुग्नुहुन्थ्यो’, उनले सुनाए।

अहिले हनिफ पनि दशैँ मनाउँछन्। ‘पहिलाभन्दा दशैँ मनाउने शैलीमा केही परिवर्तन भएजस्तो लाग्छ’, उनले नेपालखबरसँग सुनाए,‘हामी पनि अरूहरूलेजस्तै मज्जाले दशैँ मनाउँछौँ।’ मियाँपाटनस्थित निवासमा दशैँ आउनु अगाडि लिपपोत सुरू हुन्छ। घर सफा गर्नेदेखि दशैँलार्इ खानेकुरा जुटाउने चटारो उस्तै हो।

'म पनि टीका लगाएर दक्षिणा बाँड्छु। फरक यति हो मलार्इ अन्य कार्यक्रममा जस्तै दशैँमा पनि रातो टीका नै मनपर्छ', उनी भन्छन्।

पिताको सम्झनामा अली मिया लोक वाङ्गमय प्रतिष्ठान गठन गरेका उनी संस्कृत क्याम्पसका प्राध्यापक अम्बिका शर्मा, भीम रानाभाटलगाय जम्मा भएर दशैँमा टीकाटालो गर्छन्। मासु, सेल खाँदै दशैँलार्इ उल्लासमय बनाउने तयारीमा छन्।

‘साँच्चै भन्नुपर्दा दशैँ हाम्रो पनि चाड हो। किनभने दशैँ हिन्दुहरुलाई भन्दा बढी हामीलाई लाग्छ’, हनिफ सुनाउँछन्, ‘हाम्रो परिवार मात्र नभएर पूरै मियाँपाटनलार्इ दशैँ लाग्छ। सारा नेपालीको खुसीमा हामी सामेल नहुने कुरै भएन नि।’

याे पनि:

१. दशैँ कसको, टीका कस्तो?

२. सेतो टीका निधारमा

प्रकाशित ३१ असोज २०७५, बुधबार | 2018-10-17 13:55:53
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • पिसकोर स्वयंसेवकसँग सामूहिक तस्विर खिचाउँदै मन्त्री खनाल तथा राजदूत बेरी

    पिसकोर स्वयंसेवकलाई ‘सालको पात टपरी हुने’ गीत सिक्न मन्त्रीको आग्रह (भिडियो)

    अमेरिकी स्वयंकसेवक संस्था पिसकोरका ४९ स्वयंसेवकलाई अमेरिकी राजदूत र्‍यान्डी डब्लु बेरी तथा पिसकोर नेपाल निर्देशक शेरी रस्सेलले सपथ ग्रहण गराउने...

  • बिना मोक्तान

    टेम्पो चालक बिनाको कलाकार बन्ने सपना अधुरै

    जोरपाटी–चाबहिल–पुरानो बानेश्वर–शंखमुल रुटमा सार्वजनिक यातायात चढ्नेहरुले उनलाई भेट्न सक्छन्।

  • कसरी सम्भव भयो एक वर्ष अगाडि नै भेरी बबई–डाइभर्सनको ‘ब्रेक थ्रु?’

    राष्ट्रिय गौरवको भेरी बबई–डाइभर्सन बहुउद्वेश्यीय आयोजनाको सुरुङमार्ग सम्पन्न गर्नु पर्ने समयभन्दा एक वर्ष अघि नै सम्पन्न भएको छ।

  • बीआरआईमा नेपालको मुख्य प्रश्न केरुङ–काठमाडौं रेलमार्गमा लगानी हो

    चीनको बीआरआईमा नेपालः ऋणपासो कि साझा जित?

    चिनियाँ कम्युनिष्ट पार्टीको विधानमा समेटिएपछि बीआरआईले ‘अमरत्व’ प्राप्त गरिसक्यो। बीआरआईका प्रवर्तक सी चिनफिङको राष्ट्रपतिय कार्यकालको सीमितता...