Exclusive

कलंकी मालपाेतमा तीन रोपनी जग्गा नामसारी भइरहँदा जब प्रहरी पुग्यो



कलंकी मालपाेत
कलंकी मालपाेत

मालपोत कार्यालय कलंकीमा बुधबार कीर्तिपुर–४ को तीन रोपनी जग्गा नामसारी हुने प्रक्रिया चलिरहेको थियो।

नगरपालिकाको वडा नम्बर ४ ले नामसारीका लागि सिफारिस पत्र दिएको थियो। जग्गाधनीका वारेस र जग्गा खरिदगर्ने दुबै मालपोत कार्यालयमा तयारी अवस्थामा थिए। मालपोतका कर्मचारी आवश्यक कागजी प्रक्रिया अघि बढाउँदै थिए।

प्रक्रिया चलिरहेका बेला वडा कार्यालयका हुलाकी हतारिँदै कार्यालय पुगे। उनी सिधै मालपोत अधिकृतको कार्यकक्षमा छिरे। उनले आफूसँगै ल्याएको पत्र अधिकृतलाई दिएपछि त्यहाँको वातावरण बद्लियो। कर्मचारीले केही समय विश्राम लिने बताए।

जग्गाधनीका वारेस बनेका लेखापढी गर्ने पुण्यप्रसाद खनाल र जग्गा खरिदगर्ने कृष्णहरि दाहाल मालपोत परिसरमै थिए। केही समयमै सादा पोशाकमा रहेका डिएसपी होविन्द्र बोगटीको टोली मालपोत कार्यालय कलंकी पुग्यो। प्रहरी टोलीले दाहाल र खनाललाई नियन्त्रणमा लियो।

यतिबेलासम्म मालपोतमै सेवा लिइरहेका र दिइरहेका धेरैलार्इ पत्ताे थिएन त्यहाँ के भइरहेकाे हो भन्ने।दाहालले जसको जग्गा कमाएका थिए उनकै जग्गा हडप्न खोज्दा अहिले कृष्णहरि दाहाल प्रहरी फन्दामा परेका छन्। दाहालले केही वर्षअघि मृत्यु भएका मालिकको ठाँउमा एकजना क्यान्सर रोगले गलेका ब्यक्तिलाई उभ्याएका थिए। 

लेखापढी व्यवसायमा संलग्न पुण्यप्रसाद खनालको सहयोगमा नक्कली नागरिकता र जग्गाधनी कागजपत्र तयार गरी जग्गा पास गर्ने प्रक्रिया चलिरहँदा प्रहरीले हस्तक्षेप गरेको थियो। कीर्तिपुर नगरपालिका वडा नम्बर ४ मा रहेको ३ रोपनी जग्गा नक्कली जग्गाधनीको नाममा नामसारीका लागि वडा कार्यालयले सिफारिस समेत बनाइदिएको थियो। खनालले नक्कली जग्गाधनीबाट वारेसनामा लिएका थिए। दाहाल र खनालले बुधबार मालपोत कार्यालयमा जग्गा नामसारी गर्दै गर्दा महानगरीय प्रहरी परिसर काठमाडौंबाट खटिएको सादा पोशाकको प्रहरी टोली पुगेको थियो।

कीर्तिपुर नगरपालिका–४ स्थित कित्ता नम्बर ७२ को ३ रोपनी जग्गा हडप्न खोज्ने दाहाल र खनाललाई नियन्त्रणमा लिएर किर्ते जालसाजीमा कारवाही थालेको छ।  परिसरका डिएसपी होविन्द्र बोगटीका अनुसार जग्गा किनबेचमा बिचौलिया गर्दै आएका दाहालको योजनामा यो घटना भएको हो। उनका अनुसार रिद्दिशम्सेर जबराको नाममा रहेको जग्गामा स्थानीय शेरबहादुर महर्जन मोही थिए। मोही कित्ताकाटमा महर्जनको नाममा ३ रोपनी जग्गा आयो। उनको जग्गा दाहालले भोगचलन गरिरहेको थिए।

जब महर्जनको मृत्यु भयो। दाहालले त्यो जग्गा हडप्ने योजना बुन्न थाले।

‘दुवैको मिलमतोमा जग्गा नामसारी हुनासाथै बेचबिखन गर्ने योजना रहेछ। समयमै प्रहरीलाई खबर गरेपछि घटना टरेर गयो,’ डिएसपी बोगटीले भने।

प्रहरी अनुसन्धानमा मृत्यु भएका महर्जनको ठाँउमा एकजना स्थानीय रोगी वृद्धलाई उभ्याईएको थियो। उनी घटना लगत्तै फरार छन्। अनुसन्धान अधिकारीका अनुसार ती वृद्धलाई केही रकमको प्रलोभन दिएर जालसाजीमा उभ्याइएको थियो।

‘साक्षी समेत आफैँ बसेर किनारामा सही छाप गरेको भेटिएको छ। घटनाको अनुसन्धान भइरहेको छ, थप केहीको खोजी गरिरहेका छौं,’ बोगटीले नेपालखबरसँग भने।

प्रकाशित २६ असोज २०७५, शुक्रबार | 2018-10-12 17:49:31
Max TV
Max TV
Vianet

author photo

दीपक खरेल नेपालखबरका विशेष संवाददाता हुन्

@DeepakKharel037

दीपक खरेलबाट थप


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • गृमन्त्री रामबहादुर थापा र अर्थमन्त्री युवराज खतिवडा यथावत रहनेछन्

    मन्त्रिपरिषद् पुनर्गठन गृहकार्यः को को मन्त्री बिदा हुँदैछन्

    पार्टी सचिवालयको सन्तुलन कायम राख्न गृहमन्त्री थापा र उपयुक्त विकल्प नहुँदा अर्थमन्त्री खतिवडालाई हटाउन चाहँदैनन् प्रधानमन्त्री ओली।

  • राजनारायण पाठक र लोकमानसिंह कार्की

    लोकमान–राजनारायणलाई टंगाल पठाएर सूर्यनाथको अपेक्षा?

    अख्तियारमा नियुक्ति पाउन लोकमानसिंह कार्कीले कति रकम खर्च गरेका थिए भन्ने गाइँगुइँ त्यसै चुहिएको छैन। राजनारायण पाठकले अवकाश पाउनासाथ अख्तियारमा...

  • संघीय मामिला तथा सामान्य प्रशासन मन्त्रालय

    स्थानीय तह र प्रदेशको करको दर/दायरामा केन्द्र सरकारको नियन्त्रण

    स्थानीय तथा प्रदेश सरकारले उठाएको करको दर र दायराको विषयमा केन्द्र सरकारले एक अध्ययन गरी विभिन्न शीर्षकमा आफूखुसी उठाउँदै आएका करमाथि नियन्त्रण...

  • राजनारायण पाठक

    अख्तियारकाे विशेष टाेलीले पाठकबिरूद्ध थाल्याे अनुसन्धान

    ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकबिरुद्ध आयोगले नै छानबिन अघि बढाएको छ।