डा. देवकोटा: मान्छे चिन्छन्, बोल्न सक्दैनन्


Infocus



डा उपेन्द्र देवकोटा
डा उपेन्द्र देवकोटा
NIC ASIA

क्यान्सर रोगबाट पीडित बरिष्ठ न्यूरो सर्जन डा उपेन्द्र देबकोटा अहिलेपनि आफैले बाँसबारीमा स्थापना गरेको न्यूरो अस्पतालमा छन्। अघिल्लो हप्ता उनको मृत्यु भएको अफवाह फैलियो। तर ती अफवाहलाई डा देबकोटाले गलत सावित गरे। हेलिकोप्टरबाटै सही, उनी आफ्नो जन्मस्थान गोरखाको लिगलिग पुगे। त्यहाँ केही समय बिताए। र, काठमाडौं फर्किए।

बेलायतमा लामो उपचार गरेर फर्किए, नेकपा अध्यक्ष (तत्कालिन माओवादी केन्द्र) का अध्यक्ष पुष्पकमल दाहाल (प्रचण्ड) सँग १९ बैशाखको भेटमा डा देबकोटाले आफू मृत्युशैयामा रहेको बताएका थिए। यस हिसावले उनी यतिबेला मृत्युसँगको कडा संघर्षमा छन्। र, दर्‍हो आत्मविश्वासका कारण मृत्युमाथि विजय हासिल गरिरहेका छन्।

तरपनि डा देबकोटाबारे अफवाह फैलाउनेहरुको कमी भने छैन। अहिले डा देबकोटाको स्वास्थ्य अवस्था कस्तो छ त? हामीले नेकपाका नेतासमेत रहेका डा देबकोटाका दाजु बाचस्पति देबकोटासँग कुरा ग¥यौँ। देबकोटाले नेपालखबरसँग भने, घाँटी सुन्निएकाले भाईलाई बोल्न गार्‍हो छ। तर वरिपरिका मानिस मज्जासँग चिन्न सक्ने अवस्थामा छन्।’

डा देबकोटालाई जन्मगाउँ लिगलिग लैजानुभन्दा दुई दिन अघि दाजुभाईबीच अस्पतालकै कक्षमा कुराकानी भएको थियो। त्यो कुराकानीमा डा देबकोटाले सबैतिर एकताको खाँचो रहेको बताउँदै ‘घरपरिवार, राजनीति र समाजलाई तपाईंले समाल्नुस्’ भनेका थिए। नेता देबकोटाले भने, ‘मैले सम्हालेकै छु, चिन्ता नलिनू भनेर भाईलाई ढाडस दिएँ।’

डा देबकोटाको स्वास्थ्यलाभको कामना गर्दै अस्पताल पुग्नेहरु धेरै भएकाले साँझपख आफूलाई भेट्न आएका दाजुलाई नजिकै देखेपछि डा देबकोटाले नजिक आउन भनेका थिए। त्यसपछि दाजुभाईबीच उपरोक्त कुराकानी भएको थियो। ‘त्यसपछि मैले उसको हात समातें र माडिदिएँ’ नेता देबकोटाले भने, ‘त्यसपछि उ विस्तारै निदायो। त्यसको केही समय पछाडि म अस्पतालबाट निस्कें।’

प्रकाशित २९ जेठ २०७५, मंगलबार | 2018-06-12 19:20:38
Max TV
Max TV
Zen Travels

नेपालखबरबाट थप


प्रतिकृया दिनुहोस

Loading...
Loading...

विचार

सुखद शुक्रबार

ब्लग

Max TV

प्रविधि

Hamro Patro
Classic Tech

NepalKhabar Tweets

विशेष

  • सेताे टीकामा एक नेपाली नारी

    दशैँ कसको, टीका कस्तो?

    नेपालमा नेवार जातिले सबैभन्दा पहिले रातो रंग प्रयोगमा ल्याएका हुन्

  • केन्याकाे पृथ्वी फाटेकाे स्थानमा सेल्फी खिच्दै एक युवक

    पृथ्वी फाटेर टुक्रिँदैछ अफ्रिकी महादेश

    केही महिनाअघि अफ्रिकी राष्ट्र केन्याको दक्षिण पश्चिम क्षेत्रको भूभागमा चिरा पर्‍यो। केही किलोमिटर लामो त्यो खाडल यतिबेला निरन्तर बढ्दै गएको छ।...

  • नारायणहिटीमा रहेको राजदण्ड हेर्दै प्रधानमन्त्री केपी शर्मा ओली

    हलीको लौरो किन संग्रहालयमा हुँदैन, किन राजाको राजदण्डमात्र हुन्छ?

    जनताले फालेको राजतन्त्रलाई यति सुविस्ता, यति सम्मानका साथ दुनियाँमा कहीँपनि बस्न दिइएको छैन, बस्न दिइएको हुँदैन। तर नेपालमा हामीले अत्यन्त उदार,...

  • दुबर्इमा पक्राउ परेका बेनु श्रेष्ठ (बायाँ) इन्टरपाेल पुलिसकाे नियन्त्रणमा

    इन्टरपाेलले दुबर्इमा पक्राउ गरेका सुन तस्कर गाैशालामा: ‘ठूला माछा’ बयान बाहिर

    प्रहरीले अन्तर्राष्ट्रिय अपराध प्रहरी संगठन (इन्टरपोल) को सहयोगमा दुबईबाट पक्राउ गरेका सुन तस्करी ‘सप्लाई चेन’का मुख्य अभियुक्त बेनु श्रेष्ठले...