साढे ३३ केजी सुन गायब प्रकरण : थाई एयरवेजका इन्जिनियरको विमानस्थलमै हत्या

किन पक्राउ पर्दैनन् सुन तस्कर उप्रेती?


Infocus



प्रहरीले खाेजिरहेका सुन तस्कर गाेरे भन्ने चुडामणि उप्रेती
प्रहरीले खाेजिरहेका सुन तस्कर गाेरे भन्ने चुडामणि उप्रेती

गत माघ २२ गते केन्द्रीय प्रहरी समाचारक्षले अाफ्नाे नियमित बुलेटिनमा एउटा सूचना 'सर्कुलेट' गर्‍यो।

जसमा भनिएको थियो– त्रिभुवन अन्तर्राष्ट्रिय विमानस्थलमा एआर–२७ नम्बरको ट्याङ्करले ठक्कर दिँदा थाई एयरवेजका सिनियर टेक्निसियन सानु बनको मृत्यु भयो। ठक्करबाट घाइते भएका बनलाई काठमाडौं मेडिकल कलेज अस्पताल लगिएको थियो। चिकित्सकले उनलाई त्यहीँ मृत घोषित गरे। (हेर्नुहाेस् तल बुलेटिन)

गृह सहसचिवकाे नेतृत्वमा गठित छानवीन समितले तीन महिनापछि साे 'मृत्यु' हत्या भएकाे खुलासा गरेकाे छ। प्रधानमन्त्री केपी शर्मा ओलीको प्रत्यक्ष सुपरिवेक्षणमा भइरहेको साढे ३३ केजी सुन गायब प्रकरणका क्रममा उनको हत्या भएको निष्कर्षमा छानवीन समिति पुगेको हाे।

प्रहरीका बरिष्ठ अधिकारीसँग सम्पर्कमै रहेका सुन तस्कर चुणमणि उप्रेतीको समूहले सुन गयाब भएपछिको अवस्थामा विमानस्थलका कर्मचारी र भरियालाई चरम यातना दिएका थिए। त्यही बेला थाई एयरवेजका कर्मचारी बनको हत्या गरिएकाे बयान पक्राउ अभियुक्तहरूले दिएका छन्।

 

सुन तस्करकाे याेजनामा लामाकाे हत्या

‘माघ ९ मा सुन आएको हो। हामीले बाहिर पुर्यायाैं’, छानवीन समिति समक्ष एक अभियुक्तले दिएकाे बयान उदृत गर्दै स्राेतले भन्याे,‘त्यसपछि हामीलाई चरम यातना दिइयो। सानु बनलाई सुन तस्करकै समूहले हत्या गरेको हो।’

हत्या भएका ५५ वर्षे बन थाई एयरवेजका बरिष्ठ प्राविधिक थिए। थाई एयरवेजको ग्राउन्ड ह्यान्डेलिङ इक्विपमेन्ट राख्ने स्थान नजिकै उनलाई एटिएफ बोकेको ट्याङ्करले ठक्कर दिएको प्रहरी मुचुल्कामा उल्लेख छ। विमान उडान अवतरण गर्ने त्रिभुवन विमानस्थलभित्र सवारी साधनकाे ठक्करबाट मारिएका सम्भवत: उनी पहिलाे व्यक्ति हुन्। सवारी चाप नहुने विमानस्थलभित्र चुस्त ब्रेक रहने ट्यांकरले ठक्कर दिएकाे विषय अाफैँमा शंकास्पद छ। कोटेश्वर निवासी उनको मृत्युपछि प्रहरीले घटनालाई रहस्यमय रुपमा ट्विस्ट गराई गुपचुप पारेको तथ्य अनुसन्धान समितिले पाएको छ। स्रोतकाअनुसार याे घटनामा प्रहरीका बरिष्ठ अधिकारीकै संलग्नता रहेकाे देखिएकाे छ।

सम्बन्धित खबर : साढे ३३ केजी सुन खोज्दै गृहको समिति : प्रहरीकै उच्च अधिकारी शंका घेरामा

विमानस्थल प्रहरीले एआर–२७ नम्बरको ट्याङकरका चालक सार्की लामालाई नियन्त्रणमा लिएर गौशाला प्रहरीलाई बुझाएको थियो। महानगरीय प्रहरी वृत्त गौशालाले सवारी ज्यान मुद्दामा कारवाही चलाएका लामा काठमाडौं जिल्ला अदालतको आदेशले धरौटीमा रिहा भइसकेका छन्। तर पछिल्लो समय उनी बेपत्ता छन्। लामाको खोजी गरिरहेको समिति उनको अवस्था जीवित हो होइन भन्ने यकिन गर्ने प्रयासमा छ।

फागुन १८ मा मोरङ, उर्लाबारीका सनम शाक्यको शब बरामद भएको घटना सार्वजनिक भएको थियो। काठमाडौं प्रहरीले खोजिरहेका शाक्यको शव एकाएक फागुन १८ मा धरानमा फेला परेको थियो। अपराध महाशाखाले खटाएका दुई प्रहरीले धरानमा फेला पारेको शाक्यको शव १९ गते विराटनगर पोखरिया कन्यामार्गमा सार्वजनिक गरेको थियो। अपराध महाशाखाले गरेको यो अनुसन्धानको साइनो साढे ३३ केजी सुन गायब प्रकरणसँग जोडिएको थियो। सुन तस्कर नाइके चुणामणि उप्रेती (गोरे) को समूहले यातना दिँदा शाक्यको मृत्यु भएको प्रहरी निष्कर्ष छ।

त्यसपछि सरकारले गृह सहसचिव ईश्वर पौडेल नेतृत्वमा बनेकाे छानवीन समितिले अहिलेसम्म २१ जना संदिग्धलाई पक्राउ गरेर बयान लिएको छ। तस्कर समूहले लामालाई प्रयोग गरी बनको हत्या गराएको बयान पक्राउ आरोपीले दिएका हुन्। समिति अहिले लामाको खोजीमा छ। साढे ३३ केजी सुन गायब प्रकरणमा बनसहित ज्यान जानेकाे संख्या तीन पुगेकाे हाे। सनम शाक्य, सानु बन र प्रेमराज चौधरीले ज्यान गुमाएका हुन्। महानगरीय प्रहरी वृत्त अनामनगरको हिरासतमा राखिएका नेपाल एयरलाइन्सका लोडर चौधरीले बिहीबार आत्महत्या गरेका थिए। यद्यपि यसकाे स्वतन्त्र पुष्टि हुन बाँकी छ।

सम्बन्धित खबर : साढे ३३ केजी सुन गायब प्रकरण: हिरासतको रहस्यमय मृत्युले अनुसन्धान 'ट्विस्ट'

स्रोतकाअनुसार विमानस्थलबाट थाई एयरवेज र नेपाल वायु सेवा निगमका ग्राउण्ड हयाण्डलिङ र मेनटिनेन्सका कर्मचारीको सहयोगमा दैनिक ठूलो परिमाणमा अवैध सुन भित्रिने र बाहिरिने भएको थियो। यसमा विमानस्थलस्थित अध्यागमन, प्रहरी, भन्सार र अन्य निकायका कर्मचारीले समेत हिस्सा पाउँदै आएका थिए।

किन पक्राउ पर्दैनन् सुन तस्कर उप्रेती?
साढे ३३ किलो सुन गायब प्रकरणमा पक्राउ २१ मध्ये न्युरोडको आरके ज्वैलर्स र जय माता दी गोल्ड प्यालेसका संचालकद्वय राजेन्द्र शाक्य र पवन अग्रवाल पनि छन्। उनीहरूसँग बयान लिने काम भइरहेको स्रोतले बतायो।

२०७३ पुस २१ गते प्रहरीको केन्द्रीय अनुसन्धान ब्युरोले त्रिभुवन अन्तर्राष्ट्रिय विमानस्थल नजिकबाट बरामद गरेको साढे ३३ किलो सुन बरामद प्रकरणसँग जोडेर यो घटनालाई हेरिएको छ। सुनको परिमाण मात्र होइन घटनाका मुख्य आरोपी पनि एकै छन् अर्थात् चुडामणि उप्रेती। रोचक पक्ष के छ भने युएईबाट आएको सुन तस्करीमा उनको नाम जोडिए पनि उप्रेती पक्राउ परेनन्। उनी प्रहरीकै उच्च अधिकारीको संरक्षणमा थिए। यतिसम्म कि उप्रेती नै प्रहरीलाई अवैध सुनको सूचना दिने एक व्यक्ति थिए।

सम्बन्धित खबर : साढे ३३ किलो सुन प्रकरणका एक अभियुक्तद्वारा हिरासतमै 'आत्महत्या'

माघ ७ मा हवाईमार्गबाट भित्रिएको साढे ३३ किलो सुन गायब भएपछि स्थिति फरक भएको हो। तर प्रहरीले तत्कालै उनलाई छानवीन दायरामा किन लिएन? प्रहरी अधिकारीले कराेडाैं रूपैयाँ उनीसँग बार्गेनिङ गरेकाे तथ्य समितिले पाएकाे छ। गृह सहसचिव पौडेल नेतृत्वको समतिले अहिले यी सबै तथ्यको सूक्ष्म विश्लेषण गर्दै अनुसन्धान गरिरहेको छ।
प्रकाशित १ बैशाख २०७५, शनिबार | 2018-04-14 17:22:02
Max TV
Max TV
Zen Travels
Vianet

author photo

दीपक खरेल नेपालखबरका विशेष संवाददाता हुन्

@DeepakKharel037

दीपक खरेलबाट थप


प्रतिकृया दिनुहोस

ntc
NLIC
Hyundai
Machhapuchhre Bank
Prabhu Bank
City Express
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Hyundai
Machhapuchhre Bank
Prabhu Bank
City Express
Yeti Air
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

रोचक

NepalKhabar Tweets

विशेष

  • निगमकाे वाइडबडी अन्नपूर्ण विमान

    वाइडबडी खरिदमा कानुनका १४ वटा दफा उल्लंघन

    नेपाल वायु सेवा निगमले वाइडबडी विमान खरिद गर्दा सार्वजनिक खरिद ऐनका १४ वटा दफा उल्लंघन भएको देखिएको छ।

  • पार्टी एकताका दिन ३ जेठमा  झलनाथ खनाल बाहेक नेकपा केन्द्रीय सचिवालयका नेताहरु

    नेकपाका पाँच भर्सेस् चार शीर्ष नेताः कति एकता, कति भिन्नता?

    ओली-प्रचण्डसहित केन्द्रीय सचिवालयका पाँचजना नेता एकातिर र २२ असोजको बैठक बहिस्कार गरेका नेपाल–खनालसहितका चार नेता अर्काेतिर जस्तो देखिएपनि चार जना...

  • सुरेश गैरे

    सुरेशकाे शालीन संगीत यात्रा

    ‘मलाई सफ्ट र मेलेडियस् संगीतमा काम गर्न मन पर्छ’ सुरेश भन्छन्, ‘भारतीय मोर्डन गीतहरुबाट बढी प्रभावित छु। पप गीतहरु खासै मन पर्दैन’, उनी सुनाउँछन्।...

  • प्रचण्ड

    कास्कीबाट चौथो चुनाव लड्दैछन् प्रचण्ड?

    एउटै निर्वाचन क्षेत्रमा अल्झेर नबस्ने प्रचण्डको बिगतले पनि उनले आगामी निर्वाचनमा प्रतिस्पर्धाका लागि कास्की रोज्नसक्ने सम्भावनालाई नकार्न सकिँदैन।