बेइजिङमा खुल्यो नेपाली भाषा विशेषज्ञ समिति



चीनको संस्कृति मन्त्रालयको वैदेशिक संस्कृति सम्पर्क व्यूरो तथा बेइजिङ भाषा तथा संस्कृति विश्वविद्यालयको संयुक्त प्रयासमा सोमबार नेपाली भाषा विशेषज्ञ समिति स्थापना गरिएको छ।

चिनियाँ संस्कृति अनुवाद अध्ययन तथा समर्थन नेटवर्क (सीसीटीसीसी) ले नेपाली भाषा विशेषज्ञ समितिको स्थापना गरेको हो।

सोमबार बेइजिङमा आयोजित स्थापना समारोहमा सीसीटीसीसीका प्रमुख स्यु पाउ फङले चिनियाँ संस्कृतिलाई विश्वमा पुर्याउन तथा चिनियाँ तथा नेपाली संस्कृतिलाई एकअर्कामा अनुवाद गर्ने क्षमतालाई उकास्नका लागि सो नेपाली विशेषज्ञ समितिको गठन भएको बताए।

समारोहमा सहभागी चीनका लागि नेपाली राजदूत लिलामणि पौडेलले चिनियाँ भाषाका उत्कृष्ट कृतिहरू नेपालीमा अनुवाद गर्ने गरी यो संस्था स्थापना भएकोमा खुशी व्यक्त गर्दै नेपालका उत्कृष्ट साँस्कृतिक सिर्जनाहरू पनि चिनियाँ भाषामा फैलाउन प्रस्ताव राखेको अनुवादक सर्वोत्तम श्रेष्ठले बताए।

दुई मुलुकबीचको साँस्कृतिक सम्बन्ध बढ्ने यस्ता गतिविधिमा आफ्नो तर्फबाट सहयोग रहने वचन दिँदै राजदूत पौडेलले दूतावासको पहलमा आपसी साँस्कृतिक प्रवर्द्धनका कार्यक्रमहरू श्रृंखलावद्ध रूपमा भैरहेको र भविष्यमा निरन्तर रहने बताए।

उनले भने, ‘चिनियाँ सँस्थाहरूसँग मिलेर साँस्कृतिक प्रवर्द्धनका कार्यक्रमहरू गर्ने क्रममा आउँदो डिसेम्वर २१ र २२ मा हिरण्यलाल श्रेष्ठ र प्रा. रमेश ढुंगेलले बेइजिङमै साँस्कृतिक सम्बन्ध र विकासका विषयमा प्रवचन दिनेछन्, त्यसपछि दूतावासमा पुस्तक प्रदर्शनी गर्ने योजना पनि छ।

२ हजार वर्षको पुरानो इतिहास भएको नेपाल–चीन सांस्कृतिक सम्बन्ध दुई देशबीचको सम्पर्कको एक महत्वपूर्ण भाग भएको बताउँदै राजदूत पौडेलले सांस्कृतिक सम्बन्धले जनता जनताबीचको सम्बन्धलाई सौहार्द्र र बलियो बनाउने बताए।

नेपाली भाषा विशेषज्ञ समितिमा प्रसिद्ध चिनियाँ धार्मिक धारवाहिक श्रृंखला पश्चिमको यात्राका मुख्य अनुवादक सर्वोत्तम श्रेष्ठ र राकेश ताम्राकार, नेपाली भाषाका चिनियाँ प्राध्यापक ह छाउ रूङ, लीन वी लगायत चिनियाँ तथा नेपाली विशेषज्ञहरू रहेका छन्।

यसअघि राजदूत पौडेलले बेइजिङ भाषा तथा संस्कृति विश्वविद्यालका उपकूलपति सहित पदाधिकारीहरूसँग भेटेर नेपाली विद्यार्थीहरूको शैक्षिक अवस्थाबारे जानकारी लिएका थिए।

सो विश्वविद्यालयबाट हालसम्म संसारभरिका दुई लाख जति विद्यार्थी स्नातक भएका छन्। हाल नेपालबाट झण्डै एकसयको हाराहारीमा विद्यार्थीहरूले चिनियाँ भाषा अध्ययन गरिरहेका छन्।

भेटघाटमा राजदूत पौडेलले भाषा सँस्कृति चीन–नेपाल सम्बन्धका सेतु भएकाले नेपाली दूतावासले पनि एकदमै महत्व दिएको प्रतिक्रिया दिए।

प्रकाशित २५ मंसिर २०७४, सोमबार | 2017-12-11 19:26:50

author photo

लक्ष्मी लम्साल चिनियाँ अन्तर्राष्ट्रिय रेडियोको नेपाली सेवा, बेइजिङमा विदेशी विशेषज्ञका रूपमा कार्यरत छन्


प्रतिकृया दिनुहोस

Loading...
Loading...

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • प्रदेश प्रमुखको शपथग्रहण कार्यक्रममा प्रधानमन्त्री देउवा

    देउवा सहभागी प्रदेश प्रमुखको शपथमा ओली र प्रचण्ड किन गएनन्?

    जतिबेला राष्ट्रपति भवनमा प्रदेश प्रमुखहरुको शपथग्रहण कार्यक्रम सकियो, ठ्याक्कै त्यही समय बालकोटमा ओली–प्रचण्डबीचको तीन घण्टा लामो वार्तापनि सकियो।

  • नेपालगञ्जस्थित सोल्टी होटलमा शाह

    एक्लै काठमाडौं फर्के पूर्वराजा ज्ञानेन्द्र शाह

    मध्यपश्चिम र सुदुर पश्चिमको भ्रमण भनिएपनि शाहको यसपटकको भ्रमण धार्मिक–व्यापारिक प्रयोजनका लागि थियो।

  • मुख्यमन्त्री र सभामुख साटासाट गर्न एमालेलाई माओवादी प्रस्ताव

    राष्ट्रिय सभाको सिट संख्या बाँडफाँट टुङ्ग्याएपछि एमाले माओवादी केन्द्रले प्रदेश प्रमुख चयनको गृहकार्य सुरु गरेका छन्। मुख्यमन्त्रीलाई प्रमुख पद...

  • राष्ट्रपतिद्वारा सातै प्रदेश प्रमुखलाई सपथ

    राष्ट्रपति विद्यादेवी भण्डारीले बुधबार नियुक्त भएका साट वटै प्रदेशका प्रदेश प्रमुखहरुलाई शपथ गराएकी छिन्।