साढे १३ हजारले मतदान गर्ने एउटै थलो



वुटवल उपमहानगरपालकिाको एउटै स्थलबाट साढे १३ हजार भन्दा बढी मतदाताले मतदान गर्दैछन्। बुटवल उपमहानगरपालिका, वडा नम्बर ११ को देवीनगरस्थित लुम्बिनी वाणिज्य क्याम्पसमा १३ हजार ६ सय ८७ मतदाताले मतदान गर्दै छन्।

 यो संभवतः नेपालकै सबैभन्दा बढी मतदाताले मतदान गर्ने स्थल हो।

मतदान स्थलमा १३ वटा केन्द्र तोकेर त्यसकै संख्यामा मतदान अधिकृत र सहायक मतदान अधिकृतसहितका कर्मचारी खटाइएको छ। ११ पछि बुटवलको बढी मतदाता भएको वडा नम्बर ७ हो। जहाँ ११ को आधाभन्दा कम ५ हजार ८ सय ९ जना रहेका छन्। 

भिन्दाभिन्दै केन्द्र भए पनि एउटै क्याम्पसमा १३ वटा केन्द्र भएको हुँदा मतदान स्थलमा खटिएका कर्मचारीहरु मतदान केन्द्रको व्यवस्थापनमा तीव्र गतिम लागिरहेका छन्। क्याम्पसको कम्पाउन्डबाहेक गेट बाहिर पनि खुल्ला ठाउँ छ। ‘बाहिरको चौरमा १३ वटा बुथको लागि महिला र पुरुष गरेर २६ वटा लाइन हुन्छन्, बृद्धबृद्धा, अपांग, असक्त, क्रियापुत्रीले सहज ढंगले मतदान गर्न सक्नेछन्’, मतदान केन्द्र ‘घ’ का मतदान अधिकृत शंकर पहारीले भने, ‘त्यही अनुसार डेक्स बेन्च राखेर मिलाउँदै छौ। भिडभाड त हुन्छ तर ठाउँको पर्याप्तताले सहज होला।’

वडाको भूगोल पनि ठूलो भएकाले टाढा टाढाबाट मतदाता आउनुपर्ने हुन्छ। योगिकुटीदेखि, शिवालयहुँदै लुम्बिनी वाणिज्य क्याम्पसभन्दा माथिसम्म, प्रगतिनगर हुँदै तिनाउ पारीको बुद्धनगर, नहरपुर, टपमजुवा, मैनाबगरसम्मको भूभाग अहिले बुटवल वडा नम्बर ११ अन्तर्गत पर्दछ। मतदाता परिचय पत्र लिन आएका मैना बगरका ७० वर्षीय खड्कबहादुर थापा ले भने, ‘तिनाउ पारीबाट आउनुपर्छ, असाध्यै टाढा भएको छ।’ आफूले भोट हाले वपनि जितरे जाने नेताले केही नगरेको भन्दै उनले भने, ‘जितेर जानेले केही गर्ने होइनन्, तर पनि भोट त हाल्नै पर्यो।’

२०५४ सालमा स्थानीय चुनाव हुँदा बुटवलको तत्कालीन १३ अर्थात् अहिलेको ११ नम्बर वडामा करिब २ हजार मतदाता थिए। राजमार्ग चौराहबाट दक्षिणतर्फ झर्दैगर्दा त्यतिबेला फाट्टफुट्ट मात्र बस्ती थियो। वडाको धेरैजसो स्थानमा खेतैखेत र सार्वजनिक जग्गा थियो। अहिले यो स्थान बस्तीले भरिन लागेको छ।

विगतमा थोरै जनसंख्यालाई आधार मानेर वडा तोकिएको थियो। बुटवलको बजार उत्तरतर्फ भरिएर दक्षिणतर्फ झर्ने क्रम सुरु भयो। जसका कारण खाली जग्गा रहेको अहिलेको बुटवल ११ मा बस्ती विस्तार हुँदै गयो। बस्तीमध्ये झण्डै आधाजसो सुकुम्बासी बस्ती छ। त्यसैले चुनाबका बेला उम्मेदवारहरुले सुकुम्बासी समाधानको मुद्दा अघि सारेर यो वडामा मत मागिरहेका छन्। सुकुम्बासी बस्तीलाई आफ्नो पक्षमा पार्न हरतरहले लागेका छन्।

प्रकाशित २० मंसिर २०७४, बुधबार | 2017-12-06 13:34:13
author photo

सुदिप भण्डारी बुटवल प्रतिनिधी हुन्

@sudipbhandari2

सुदिप भण्डारीबाट थप


प्रतिकृया दिनुहोस

Loading...
Loading...

विचार

सुखद शुक्रबार

ब्लग

रोचक

NepalKhabar Tweets

विशेष

  • प्रदेश ५ मा समानुपातिक परिणाम: पहाडमा एमाले र तराईमा कांग्रेस पहिलो

    प्रदेश नम्बर ५ अन्तर्गत तराई क्षेत्रमा ६ वटा जिल्ला रहेका छन्। प्रतिनिधिसभा अन्तर्गत समानुपातिक तर्फको नतिजामा ६ वटै जिल्लामा नेपाली कांग्रेस पहिलो...

  • केपलर-९० र त्यसका ग्रहहरुको कलात्मक चित्रण

    आठ ग्रह भएको टाढाको सौर्य परिवार पत्ता लाग्यो

    नासाका वैज्ञानिकहरुले केपलर–९० नामक टाढाको एक तारालाई परिक्रमा गर्ने आठौँ ग्रह फेला पारेका छन्। सौर्य परिवारबाहेक आठ ग्रह भएको तारा पहिलो पटक पत्ता...

  • बाबुराम भट्टराई

    गतिरोध अन्त्यका लागि बाबुरामको ‘प्रेस्क्रिप्सन’

    पहिले सरकार गठन कि राष्ट्रिय सभाको गठन, राष्ट्रिय सभाको गठन बहुमतको आधारमा कि एकल संक्रमणीय मतको आधारमा भन्ने विवादमा फेरि नेपालको राजनीति फस्न...

  • नेकपा एमालेका नेता रघुवीर महासेठ

    यी हुन मधेशीले जिताएका पहाडी र पहाडीले जिताएका मधेशी अनुहार

    प्रतिनिधिसभा सदस्य निर्वाचनमा तराई मधेशमा तुलनात्मक रुपमा मधेश केन्द्रित दल बलियो देखिए पनि ती क्षेत्रमा विजयी उम्मेदवार मधेशी र पहाडी दुवै मूलका...