यसरी गरिँदैछ गोरखामा मतगणना

दलका ‘नेता कर्मचारी’ लाई गणनामा सहभागी नगराइने


Infocus



गोरखामा मतपेटिका राखिएको भवनको सुरक्षा गर्दै प्रहरी
गोरखामा मतपेटिका राखिएको भवनको सुरक्षा गर्दै प्रहरी

राजनीतिक दलको भातृ संगठनको नेतृत्व गरेका कर्मचारीहरुलाई जिल्ला निर्वाचन कार्यालय गोरखाले मतगणनामा सहभागी नगराउने भएको छ। दलको भातृसंगठनको रुपमा रहेको कर्मचारी संगठनको नेतृत्वमा रहेकालाई मतगणनामा सहभागी गराउँदा अनियमितता हुनसक्ने विश्लेषणका साथ संगठनको नेतृत्वमा रहेका कर्मचारीहरुलाई मतगणनाबाट अलग राख्न खोजिएको हो।

NIC ASIA

मतगणनाका लागि जिल्ला निर्वाचन कार्यालय ६० जना कर्मचारी छनौट गरिसकेको छ। निजामति सेवा तर्फका कर्मचारीलाई मत गणना गर्न छनौट गरिएको हो। जिल्ला निर्वाचन अधिकारी नारायण प्रसाद सापकोटाले नेपालखबरसँग भने, ‘तर राजनीतिक दलका भातृ संगठनको नेतृत्व गरेका कर्मचारीलाई मत गणनामा प्रवेश पाउने छैनन्।’

सापकोटाका अनुसार पहिले प्रतिनिधिसभाको प्रत्यक्षतर्फको मतगणना गरिनेछ भने त्यसपछि क्रमशः प्रदेशसभाको प्रत्यक्षतर्फ र समानुपातिक मत गणना गरिनेछ। मत भण्डारण गरिएकै भवन क्षेत्र नं. १ को महिला तथा बालबालिका कार्यालय र क्षेत्र नं. २ को मत जिल्ला समन्वय समितिमा गणना गर्नेगरी ब्यबस्थापन गरिएको छ।

मंसीर २१ गते अन्य जिल्लामा निर्वाचन भइरहेका बेला दिउँसोपख सर्वपक्षीय बैठक बस्ने र अपरान्हपछि मत गणना सुरु गर्ने बताइएको छ। मतगणनाका लागि ६० जना कर्मचारीलाई एक दिने तालिम समेत दिइसकिएको छ। एउटा समूहमा आठ देखि दश जना रहनेछन्। दुई वटा समूह बनाएर मतगणना गरिन्छ।

‘कति दिनमा मत गणना सकिएला त?’ नेपालखबरको यो प्रश्नमा निर्वाचन अधिकारी सापकोटाले भने, ‘दश दिनमा सबै मत गनिसक्छौं।’ बैशाखमा सकिएको स्थानीय तह निर्वाचनमा सात ठाउँमा मत संकेत भएकाले गणना गर्न ढिलाइ भएको थियो। मिनेटमा करिब दश वटा मत गणना गर्न सकिने अनुमान जिल्ला निर्वाचन कार्यालयले गरेको छ।

गोरखामा पहिलो चरण अन्तर्गत मंसीर १० गते प्रतिनिधिसभा र प्रदेशसभाको मतदान भएको थियो, जसमा ६२ प्रतिशत मतदान भएको थियो। कूल लाख ८९ हजार ४ सय ४८ मतदाता रहेपनि दुवै निर्वाचन क्षेत्रमा गरी १ लाख २३ हजार ७८१ मत खसेको छ।

त्यसमध्ये गोरखा–१ मा ६३ हजार ६ सय ७२ मत खसेको थियो। यो क्षेत्रमा नेपाली कांग्रेसबाट केन्द्रीय सदस्य चीनकाजी श्रेष्ठ लोकतान्त्रिक गठबन्धनको उम्मेदवार छन् भने नेकपा (माओबादी केन्द्र) का नेता हरिराज अधिकारी वामगठबन्धनको तर्फबाट उम्मेदवार छन्।

गोरखा–१ (क) मा लोकतान्त्रिक गठबन्धनबाट कांग्रेसका धिरनबहादुर थापा र वाम गठबन्धनबाट माओबादी केन्द्रका लेखबहादुर थापाबीच प्रतिस्पर्धा छ। प्रदेश (ख) मा कांग्रेस युवा नेता राजेन्द्र बजगाइँ र एमाले केन्द्रीय सदस्य रामशरण बस्नेत प्रतिस्पर्धामा छन् ।

नयाँशक्तिका संयोजक बाबुराम भट्टराई र माओवादी केन्द्रका वरिष्ठ नेता नारायणकाजी श्रेष्ठ उम्मेदवार रहेको गोरखा–२ मा ६० हजार १ सय ९ मत खसेको छ। गोरखा–२ (क) मा नयाँ शक्तिका हरिशरण आचार्य र माओबादी केन्द्रकी नेतृ कमला नहर्कीबीच प्रतिस्पर्धा छ। गोरखा–२ (ख) मा कांग्रेसका प्रकाशचन्द्र दवाडी र माओवादी केन्द्रका अमर तमुबीच प्रतिस्पर्धा छ ।

२ सय ८२ वटा मतदान केन्द्रबाट ल्याएका ८ सय ४६ वटा मतपेटिका सदरमुकामस्थित महिला तथा बालबालिका कार्यालय र जिल्ला समन्वय समितिको कोठामा राखिएका छन्। मतको बाकस राखिएको कोठामा तीन वटा ताला, लाहाछाप लगाइएको छ। बाहिर नेपाल प्रहरी, सशस्त्र र नेपाली सेना परिचालन गरिएका छन् भने मतपेटिका कुर्न गठबन्धनका प्रतिनिधिपनि बसेका छन्।

प्रकाशित १९ मंसिर २०७४, मंगलबार | 2017-12-05 12:52:44
Max TV
Max TV
Zen Travels

author photo

प्रशन्न पोखरेल गोरखास्थित पत्रकार हुन्


प्रतिकृया दिनुहोस

Loading...
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • नोबेल पुरस्कारमा 'उपनिवेश' अन्त्यका सर्तहरु

    यस वर्षको भौतिकशास्त्र र रसायनशास्त्रतर्फको नोबेल पुरस्कार दुई महिलाले पाउँदा विज्ञान समाजका धेरैले खुशीयाली मनाए।

  • चुनावअघि मतदातासँग डिएनटीका सभापति डा. लोटे छिरिङ

    भुटानमा नयाँ पार्टीलाई सरकार बनाउन बहुमत

    भुटानमा नयाँ राजनीतिक पार्टी ड्रुक न्यमन रुव शोग–पा (डिएनटी) ले सरकार गठन गर्ने भएको छ।

  • भदौमा नेपाल आउँदा पशुपति दर्शन गर्दै मोदी

    अयोध्याबाट जनकपुर आउने जन्तीसँगै मोदी किन आउँदैछन् नेपाल?

    भारतीय प्रधानमन्त्री नरेन्द्र मोदी चार वर्षे कार्यकालमा पाँचौं पटक नेपाल भ्रमणमा आउने तय भएको छ।

  • ज्ञानेन्द्र शाह

    श्रीपेच सार्वजनिक भएकै भोलिपल्ट पूर्वराजाले किन गरे गणतन्त्रमाथि प्रहार?

    ज्ञानेन्द्र शाह श्रीपेच र राजदण्डजस्ता राजतन्त्रका प्रतीकलाई सार्वजनिक अवलोकनको वस्तु बनाउन चाहँदैनथे। राजतन्त्रको प्रतिक श्रीपेचजस्तो महत्वपूर्ण...