भारतका वातावरणमन्त्रीले भनेः अहिलेको प्रदुषण भोपाल काण्डजस्तो होइन, चिन्ता नलिनुस्




प्रदुषित हावाका कारण कपडाले छोपिएर स्कुल जाँदै बालबालिका
प्रदुषित हावाका कारण कपडाले छोपिएर स्कुल जाँदै बालबालिका
एएफपी

राजधानी दिल्लीसहित भारतका कैयौँ सहर प्रदुषणको चपेटामा परिरहेका बेला वातावरणमन्त्री हर्ष वर्धनले चिन्तित नहुन नागरिकलाई आग्रह गरेका छन्।

उनले वर्तमान प्रदुषणलाई २५ हजार जनाको ज्यान गएको १९८४ को ग्यास काण्डसँग दाँज्दै यो त्यस्तो संकटकालीन अवस्था नभएको बताए।

‘यसबारेमा केही गर्नुपर्दैन म भन्दिनँ,’ मन्त्री हर्ष वर्धनले एक अन्तर्वार्तामा भनेका छन्, ‘जे गर्न आवश्यक छ, त्यो सबैले गर्नुपर्छ। तर आतंकित हुने र आतंक फैल्याउन आवश्यक छैन।’

विश्व स्वास्थ्य संगठनका अनुसार दिल्ली विश्वकै सबैभन्दा प्रदुषित राजधानी सहर हो। ल्यान्सेट मेडिकल जर्नलका अनुसार सन् २००५ मा भारतमा मात्रै प्रदुषणका कारण २५ लाख मानिसको मृत्यु भएको थियो।

तर मन्त्री हर्ष वर्धनले कसैको पनि मृत्युको प्रमाणपत्रमा मृत्युको कारण प्रदुषण उल्लेख नभएको दाबी गरे।

गत साता दिल्लीको वायु अत्यन्तै प्रदुषित भएपछि त्यहाँका स्कुल, कलेज बन्द गरिएको थियो। एजेन्सी

प्रकाशित २८ कार्तिक २०७४, मंगलबार | 2017-11-14 16:39:14



प्रतिकृया दिनुहोस

Loading...
Loading...

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • नेपाली वाणिज्य दूतावास ल्हासाले केरुङमा अायाेजना गरेकाे बैठकका सहभागी

    चीनले माग्यो नेपालबाट निर्यात हुने कृषि उत्पादनको सूची

    नेपालबाट निर्यात हुने कृषिजन्य वस्तुको सूची चिनियाँ कृषि मन्त्रालयलाई उपलब्ध गराइदिन चीनले आग्रह गरेको छ।

  • प्राध्यापक पराग पाठक

    एमआईटी प्राध्यापक पाठक नोबेल पुरस्कारका दाबेदार

    ब्लुम्बर्गको डाटा विश्लेषणअनुसार यो अवार्ड पाउने तीन मध्ये एक जनाले अर्थशास्त्रको नोबेल पुरस्कार जित्ने गरेका छन्।

  • डेपुटी गभर्नर श्रेष्ठ

    अख्तियारमा उजुरीपछि राष्ट्रबैंकका डेपुटी गभर्नर जिम्मेवारीमुक्त

    डेपुटी गभर्नर श्रेष्ठमाथि नेपाल बंगलादेश बैंक र कैलाश विकास बैंकका प्रमुख कार्यकारी अधिकृत (सिइओ) को कार्यकाल थप गर्दापनि प्रलोभनमा परेको आरोप छ।