‘बससँगै त्रिशुलीमा डुबेपछि निस्सासियौं, सिसा फोरेर निकाले’



दुर्गानन्द चौधरी
दुर्गानन्द चौधरी
आकाश क्षेत्री

बससँगै त्रिशुलीमा खस्दाको दृष्य सम्झनु हुन्छ?

‘निकै भयानक!’ दुर्गानन्द बोल्न सक्दैनन्।

काठमाडौंस्थित राष्ट्रिय ट्रमा सेन्टर इमरजेन्सीको एक शैयामा मृत्युलार्इ जितेर केही घण्टादेखि जीवनको भोग गरिरहेका छन् दुर्गानन्द चौधरी।

तर मुत्युलार्इ जितेर आएको उत्साह उनको मुहारमा कतै झल्किँदैन। त्रिशुलीको चिसो पानीमुनि डुबेको बसभित्रको त्यो भयावह दृष्यले बरु उनको मुहारमा मृत्युको भाव नै झल्किरहेको थियो।

राजविरावजबाट काठमाडौं आउँदै गरेको ना६ ख १४६७ नम्बरको बस शनिबार बिहानै त्रिशुली नदीमा खस्यो। बिहानैदेखि चलेको उद्धारको क्रममा दिउँसो ३ बजेसम्म २० जनाको शव फेला परेको प्रहरीले जनाएको छ भने झण्डै दुई दर्जनलाई घाइते अवस्थामा उद्धार गरिएको छ।

यो पनि: 

त्रिशुलीले निल्यो एक दशकमा ५ सय ६१ यात्रु

गम्भिर घाइते भएका दुई जनालाई तत्कालै र थप १४ जनालाई दिउँसो काठमाडौं ल्याइएको छ। सुरुमा ट्रमा सेन्टरमा भर्ना गरिएका दुईमध्ये एक घाइते हुन् दुर्गानन्द।

आपतकालीन वार्डमा दुर्गानन्दको स्वर अवरुद्ध हुँदै फेरि खुल्यो, ‘यात्रुहरु बिहानीपखको निन्द्रमा थिए। बस निकै स्पीडमा थियो, ड्वाङ्ग केही चिजमा बाजारिएजस्तो आवाज आयो। बस निकै तल खसिसकेको रहेछ, एकैछिनमा पानीमा डुब्यो र हामी निसास्सियौं। त्यतिन्जेल त्रिशुलीको चिसो पानी यात्रुहरुको मुखभित्र पसिसकेको थियो।’

जब त्रिशुलीको चिसो पानी मुखभित्रबाट घर्सिंदै पेटमा पुग्यो दुर्गानन्दलार्इ त्यो विहानीपखको चिसो पानीले पनि भतभती पोलिरहेजस्तो लाग्यो। बसमै रहेका आफ्ना छोरा सम्झिएपछि उनले बेस्सरी छटपटाइरहेका हातखुट्टाहरु लुला हुँदै गइरहेको महसुस गरे।

दुर्गानन्दमात्र होइन बसमा जो जो यात्रु थिए, ती सबै उनी जसरी नै छटपटाइरहेका थिए। दुर्गानन्द त्यो दर्दनाक दृष्य सम्झन्छन्, ‘हामी सबै पानीमा डुबेको बसबाट बाहिर निस्कने प्रयत्न गरिरहेका थियौं, म आफ्नो छोरालार्इ सम्झिरहेको थिएँ, छोरो कता थियो थाहा थिएन्।’

आफु मृत्युको मुखमा हुँदा बच्चा रोइरहेको उनलाई याद छ। कतिपय अभिभावक ‘मेरो बच्चा बचाइदेऊ’ भन्दै गुहार माग्दै थिए।

अस्पतालको शैयामा आइपुगेका दुर्गानन्दलार्इ बिहानको त्यो पल एउटा सपना जस्तै लाग्छ। एकदमै धमिलो स्मृति बाँकी रहेको एउटा विहानीपखको सपनाजस्तै।

दुर्गानन्द जस्तै अरु यात्रुहरु पनि चिच्याइरहेका थिए। त्रिशुलीको पानीमुनि डुबेको बसभित्रका मानिसहरुको कोलाहल ट्रमा सेन्टरको इमरजेन्सीको शैयाबाट सम्झिँदा दुर्गानन्दलार्इ आफू मृत्युको मुखबाट फुत्किएर आएको भन्ने कुनै आभाष नै भएको देखिँदैन।

दुर्घटना स्थल

दुर्घटना स्थल

दश–पन्ध्र मिनेटको समयपछि घटना स्थलमा उद्दार टोली आएर बसको सिसा फुटालेर घाइतेहरुलार्इ निकाल्न थालेको सम्झना छ दुर्गानन्दलार्इ। त्यही मेसोमा आफुलाई पनि निकालिएको धमिलो सम्झना छ उनीसँग।

त्रिशुली नदीको चिसो पानीमा बससँगै डुबेका उनले बाहिर आएपछि आफ्नो छोरो भेट्टाए। त्यसपछि बल्ल उनलाई आफू बाँचेको महसुस भयो।

तर छेवैमा राखिएका थिए मृत शरीरहरू। आफुसँगै यात्रा गरिरहेका मानिसहरुको शव देख्नासाथ फेरि बेहोस भए दुर्गानन्द।

भयंकर ठूलो दुर्घटनाबाट बाँच्न सफल भएका दुर्गानन्द उक्त दुर्घटना हुनुको मुख्य कारण चालक निदाउनु हो भन्ठान्छन्।

‘लामो दूरीको यात्रामा एउटा मात्र चालकले रातभरी बस ड्राइभ गरेका कारण बिहान ड्राइभर निदायो र बस त्रिशुलीमा खस्यो’ ट्रमा सेन्टरको बेडमा रहेका दुर्गानन्दले भने।

 

 

 

प्रकाशित ११ कार्तिक २०७४, शनिबार | 2017-10-28 15:59:14
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • इन्द्र थेगिम

    त्यो भेटमा भन्न नसकेको ‘यू आर माई भ्यालेन्टाईन’

    मतिर मायालु नजर फ्याँक्दै तिमी बोल्यौ, ‘रात परेपछि तिमीसँगै बसेर खाएको अरुले देख्यो भने मेरो घरमा बास हुन्न। बरु सर्ट ड्राईभमा कुरा गर्दै सहरलाई एक...

  • अख्तियार आयुक्त बन्न लोकमानको आडमा पाठकले चलाएको त्यो जादू

    तत्कालीन प्रमुख आयुक्त लोकमानसिंह कार्कीको आडमा पाठकले अख्तियारको आयुक्त पद हत्याएका थिए। पाठकले कार्कीलाई त्यसअघि नै एउटा महत्वपूर्ण गुण लगाएका...

  • घूस खाने आयुक्तका बाँकी विकल्पः राजीनामा कि महाअभियोग

    घुस कान्डमा मुछिएका अख्तियार दुरुपयोग अनुसन्धान आयोगका आयुक्त राजनारायण पाठकविरुद्ध माअभियोग प्रस्ताव दर्ताको तयारी सुरु भएको छ।

  • अख्तियार आयुक्त राजनारायण पाठक

    अख्तियार आयुक्त पाठकले ७८ लाख घूस लिएको खुलासा

    भ्रष्टचार नियन्त्रण गर्ने संवैधानिक निकाय अख्तियार दुरुपयोग अनुसन्धान आयोगका सदस्य राजनारायण पाठक आफैले ७८ लाख रुपैयाँ घूस लिएको खुलासा भएको छ।