नर्सिङ छात्रवृत्तिमा ३२ जना नेपाली विद्यार्थी चीनको हुनानमा


Infocus



सएसयू हुनानमा नेपाली विद्यार्थी
सएसयू हुनानमा नेपाली विद्यार्थी

चीनको सेन्ट्रल साउथ युनिभर्सिटी (सएसयू) हुनानले एड्भान्स नर्सिङ प्राक्टिस् एण्ड मेडिकल टेक्नोलोजी विषयमा ठूलो परिमाणमा नेपाली नर्सिङका लागि प्रदान गरेको छात्रवृत्ति कार्यक्रम शुक्रबार हुनानमा शुभारम्भ गरिएको छ।

NIC ASIA

पूर्ण छात्रवृत्ति पाएर अध्ययनका लागि नेपालबाट बिहीबार ३२ जना विद्यार्थी चीनको हुनान पुगेका छन् भने अन्य देशका १६ जना विद्यार्थीहरू सहभागी छन्।

कार्यक्रममा नेपाली दूतावासका मिनिस्टर सुशील लम्साल, थर्ड सेक्रेटरी उत्तम घिमिरे, बेइजिङस्थित चिनियाँ वाणिज्य मन्त्रालयका निर्देशक, प्रान्तीय सरकारका प्रतिनिधिहरू, नर्सिङ तथा ट्रान्सपोर्टेसन कलेजका डिनहरू लगायतको सहभागिता थियो।

गत मार्चको अन्त्यतिर विश्वविद्यालय र नेपाली राजदूतावासबीच २५ जना नेपालीलाई ५ वर्ष छात्रवृत्ति दिलाउने सम्झौतामा हस्ताक्षर भएको थियो।

सम्झौतामा २५ वटा छात्रवृत्ति भनिएपनि नेपालको स्वास्थ्यमन्त्रालयमा परेको आवेदन बमोजिम समझदारीमा ३२ जनालाई छात्रवृत्ति दिन विश्वविद्यालय राजी भएको हो, यस परियोजनाका लागि मध्यस्थता गरिरहेका डा. विश्वास श्रेष्ठले भने। उनका अनुसार नेपालको रेलवे विभागबाट एकजनाले रेलवे इन्जिनियरिङको छात्रवृत्ति पाएर अध्ययन गर्न आएका छन्।

नेपाल सरकारसँगको शैक्षिक सहकार्य तथा अदानप्रदानलाइ बलियो बनाउनका लागि सेन्ट्रल साउथ युनिभर्सिटी सीएसयूले पूर्ण छात्रवृत्तिको कोटा उपलब्ध गराएको हो। योग्य उम्मेदवार तथा अस्पतालका कर्मचारी जो नर्सिङ, पब्लिक हेल्थ वा हेल्थ म्यानेजमेन्टमा ब्याचलर्स डिग्री प्राप्त छ र जसको शैक्षिक तथा व्यवसायिक पृष्ठभूमि उत्कृष्ट छ, उसले यस्तो छात्रवृत्ति पाउनेछ।

सीएसयू हुनान प्रान्तको राजधानी छाङ्शामा रहेको छ, जुन ११ क्षेत्र, इन्जिनियरिङ, विज्ञान, मेडिसिन, साहित्य, कानुन, अर्थशास्त्र, व्यवस्थापन, दर्शनशास्त्र, इतिहास र कला शिक्षाको लागि प्रख्यात छ।

५३ हजार विद्यार्थी रहेको सीएसयूमा ३३ हजार अण्डर ग्राजुएट, १९ हजार पोस्ट ग्राजुएट छन्। नेपालबाट १३ विद्यार्थी सहित १०० देशबाट एक हजार विद्यार्थीहरू रहेको सो विश्वविद्यालयले जानकारी दिएको छ।

प्रकाशित २८ असोज २०७४, शनिबार | 2017-10-14 13:23:37
Max TV
Max TV
Zen Travels

author photo

लक्ष्मी लम्साल चिनियाँ अन्तर्राष्ट्रिय रेडियोको नेपाली सेवा, बेइजिङमा विदेशी विशेषज्ञका रूपमा कार्यरत छन्

@shree3laxmi


प्रतिकृया दिनुहोस

Loading...
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • भुटानमा चुनावः थिम्पुको सत्ता नजिक पुगेको नयाँ पार्टी दिल्लीसँग कति टाढा?

    बाह्य विश्वले चासो साथ हेरिरहेको भुटानको अन्तिम चरणको निर्वाचनका लागि बिहीबार मतदान हुँदैछ।

  • पाइलट जाेडी माेनिका र सुरज

    पाइलट जोडीको योजनाः दशैँमा काम, पछि घुमघाम

    दशैँ भन्ने बित्तिकै धेरैको दिमागमा लामो विदा, आफन्तसँगको भेटघाट र उल्लासका दृष्य नाच्छन्। विमानलाई आकाशमा उडाउने पाइलटको कथा भने फरक छ। उनीहरुका...

  • सेताे टीकामा एक नेपाली नारी

    दशैँ कसको, टीका कस्तो?

    नेपालमा नेवार जातिले सबैभन्दा पहिले रातो रंग प्रयोगमा ल्याएका हुन्

  • केन्याकाे पृथ्वी फाटेकाे स्थानमा सेल्फी खिच्दै एक युवक

    पृथ्वी फाटेर टुक्रिँदैछ अफ्रिकी महादेश

    केही महिनाअघि अफ्रिकी राष्ट्र केन्याको दक्षिण पश्चिम क्षेत्रको भूभागमा चिरा पर्‍यो। केही किलोमिटर लामो त्यो खाडल यतिबेला निरन्तर बढ्दै गएको छ।...