काभ्रेका एकै परिवारका चार जनाको मृत्यु रहस्य खुल्यो

प्रहरी भन्छः सामूहिक आत्महत्याको कारण बन्यो सम्पति विवाद




गत साउन ६ गते काभ्रेको बनेपास्थित पुरानो बसपार्कमा रहेको गौतम भोजनालयभित्र मृत भेटिएका एकै परिवारका चार जनाले आत्महत्या गरेको खुलेको छ। प्रहरीको केन्द्रीय अनुसन्धान ब्युरो (सिआईबी) को टोलीले टुकुचा नाला डुुडामुखका ६५ वर्षीय हरिभक्त दाहाल, उनकी श्रीमती ६० वर्षीया हरिमाया, छोरा ३२ वर्षीया राजाराम र छोरी २५ वर्षीया रञ्जनाले आत्महत्या नै गरेको रहस्य खोलेको हो।

NIC ASIA

लामो अनुसन्धानपछि फर्किएको सिआईबीको टोलीले चारै जनाले आत्महत्या नै गरेको प्रतिवेदन तयार पारेको छ। प्रहरीले तयार पारेको रिपोर्टमा घरायसी विवादकै कारण चार जनाले आत्महत्या गरेको उल्लेख छ। सिआईबीका एक उच्च अधिकृतका अनुसार अनुसन्धानले चारै जनाले आत्महत्या गरेको देखाएको बताए। ‘उनीहरुका मृत भेटिएको ठाउँमा सेलफस नामको विषको भाँडो पनि भेटिएको छ। मृतकको मुखमा फिज आएको पनि पाइएको थियो। घटनाको सबै प्रकृति हेर्दा उनीहरुको हत्या नभई आत्महत्या नै भएको पुष्टि हुन्छ,’ ति प्रहरीका उच्च अधिकृतले नेपालखबरसँग भने।

एकै परिवारका चार जनाको भोजनालयको कोठाभित्र सटर लगाइएको अवस्थामा मृत फेला परेपछि एसपी अरुण पौडलको नेतृत्वमा सिआईबीको टोली काभ्रे पुगेको थियो। २०६० सालमा टुकुचा नालाका राजारामले कमला गेलालस“ग विवाह गरेका थिए। कमलाबाट एक छोरा र एक छोरी जन्मिएपछि राजारामले अर्को विवाह गरेका थिए। कान्छी श्रीमतीका रुपमा राजारामले रामेछाप घर भई बनेपा बस्दै आएका झम्कप्रसाद गौतमकी साइली छोरी पूजा गौतमलाई भित्र्याएका थिए।

कान्छी भित्र्याएपछि जेठी श्रीमती कमला छोरा र छोरीलाई लिएर छुट्टै बस्दै आएकी थिइन्। कान्छी भित्र्याएपछि राजाराम विदेश पैसा कमाउन गएको र त्यसको केही वर्षपछि फर्केर बनेपास्थित पुरानो बसपार्कमा गौतम भोजनालय चलाउँदै आएका थिए।

घरायसी विवाद नै बन्यो आत्हत्याको कारण
कमलाबाट एक छोरी र एक छोरा भइसकेपछि राजारामले कान्छी श्रीमतीका रुपमा पूजालाई घरमा भित्र्याएदेखि नै परिवारमा विवाद सुरु भएको थियो। घरायशी विवादको विषय बन्यो अशंबण्डा। बुबा हरिभक्तले आफ्नी श्रीमती हरिमायाको नाममा जग्गा राखिदिएका थिए। तर, पूजाले ससुरा हरिभक्त, सासु हरिमाया र श्रीमान राजारामको नाममा रहेको सम्पति आफ्नो नाममा नामसारी गर्न सफल भइन्।

कान्छी श्रीमतीका रुपमा पूजालाई भित्र्याएको १० दिनमै राजारामले बाबु हरिभक्तको नाममा रहेको टुकुचा नाला गाविस–८ को एक रोपनी जग्गा २०६२ साल भदौ ६ गते १ पूजाको नाममा पास गरिदिएका थिए। २०७३ मसिंर ७ गते पूजाले आफ्नो प्रभावमा पारेर सासुको नाममा रहेको उग्रचण्डी नाला–६ को ५ रोपनी ८ आना २ पैसा ३ दाम जग्गा आफ्नो नाममा पास गराएकी थिइन्।

२०७३ मंसिर ७ गते सबै सम्पति आफ्नो नाममा राख्न सफल भएपछि त्यसको दुई दिनपछि मंसिर ९ गते पूजाले सम्बनध विच्छेदका लागि जिल्ला अदालत काभ्रेपलाञ्चोकमा दर्ता गरिन्। तर, चार दिनपछि छोरा पुजन श्रीमान राजारामसँगै रहने गरी मिलापत्रसहितको सम्बनध बिच्छेद गरेर श्रीमतीकै रुपमा फेरि राजारामसँगै बसिन्।

यस्तै, राजारामसँग सम्वन्ध विच्छेद गरेको २३ दिनपछि साविक दक्षुटोल–१ मा २ आना २ दामको जग्गा बनेका तीन तल्ले घर पनि पूजाले आफ्नो नामा राखेकी थिइन्। उक्त घर राजाराम विदेशबाट फर्किएर गौतम भोजनालय सञ्चालन गरेर कमाएको पैसाले निर्माण गरेका थिए। राजारामकी अंशबण्डाको विवादकै कारण राजारामको परिवार मानसिक तनावमा थियो।

प्रहरीले ढोका र सटरभित्रैबाट ताल्दा लगाइएको अवस्थामा पाइएको, राजारामले तरकारी ल्याउने पसलेलाई भोलिदेखि तरकारी चाहिँदैन नल्याउनूँ भनको र विषको भाँडो भेटिएकाले हत्या नभएर आत्महत्या नै भएको दाबी गरेको छ। मृतकको मुखबाट फिज आएको पनि पाइएकाले विष सेबन गरेर आत्महत्या गरेको प्रहरीले जनाएको छ।

के भएको थियो घटनाको दिन
घटना हुँदाका दिन पूजा आफ्नी माइली दिदी सुशीला भट्टराईकोमा पुगेकी थिइन्। घरमा श्रीमान राजारामकी बहिनी रञ्जनाको बिहेको कुरा पनि चलेको थियो। रञ्जनाको बिहेको कुरामा विवाद भएपछि पूजा आफ्नी माइली दिदी सुशीलाको घरमा गएकी थिइन्।

रञ्जनाको विहेको कुरामा विवाद भएपछि मर्छु भन्दै घरबाट पूजा निस्किएपछि राजाराम तनाव थिए। सधै शान्त रहने राजारामले त्यो दिन निकै रुखो व्यवहार गरेका थिए। होटलमा आएका ग्राहकलाई मात्रै होइन तरकारी लिइदिएर आउन भनेकी एक महिलालाई समेत उनले झोक्किँदै तरकारी तपाई नै लैजानु भन्दै फिर्ता पठाएका थिए। बाटोमा हिड्ने मान्छेलाई सटर तान्न लगाएर राजारामले भित्रबाट ताल्चा लगाएको अनसुन्धानबाट खुलेको छ। साँझ ७ बजेतिर सटर बन्द गरेका थिए राजारामले। भित्रका ढोकामा समेत ताल्चा लगाइएको थियो।

सटर बाहिर सिसा फुटेको सर्वसाधारणले देखेपछि प्रहरीलाई खबर गरिएको थियो। सटरभित्रबाट ताल्दा लगाइएकाले इलाका प्रहरी कार्यलयका प्रहरी निरीक्षक अनिल घिमिरेको नेतृत्वमा घटनास्थल पुगेको प्रहरीले झण्डै आधा घण्टा लगाएर सटर फुटाएका थिए। सटर फुटाएर भित्र पस्दा परिवारका चारै जना मृत फेला परेका थिए।

आत्महत्या भएको खुलेपछि फिर्ता भयो जग्गा

प्रहरीको अनुसन्धानबाट चारै जनाको मृत्युको कारण आत्महत्या भएको खुलेपछि राजारामसँग सम्बन्ध विच्छेद गरेकी पूजाको नाममा रहेको जग्गा जिल्ला मालपोत कार्यालयबाट जेठी श्रीमती कमला तथा उनका छोरा सुरजका नाममा पाँच रोपनी जग्गा पास गरिदिएकी छिन्।

पूजाले अघिल्लो वर्ष मसिंर ७ गते सासु हरिमाया दाहाललाई प्रभावमा पारेर उनको नाममा रहेको उग्रचण्डी नाला–६ मा रहेको झण्डै ६ रोपनी जग्गा आफ्नो नाममा गराएकी थिइन्।

 

 

प्रकाशित २६ साउन २०७४, बिहिबार | 2017-08-10 13:06:25
World Cup
World Cup
Bagaicha
Bagaicha
Zen Travels

author photo

प्रतिकृया दिनुहोस

NTC
Hyundai
NLIC
Machhapuchhre Bank
Prabhu Bank
FCube
Hamro Patro
Classic Tech
Loading...
NTC
Hyundai
NLIC
Machhapuchhre Bank
Prabhu Bank
FCube
Loading...

विचार

ब्लग

Hamro Patro
Classic Tech

रोचक

NepalKhabar Tweets

विशेष

  •  घाँसविरुवा हुर्काउने जिम्मेवारी पाएका यासिर अल मुल्लाह

    विश्वकप २०२२: कसरी अंकुराउँदैछ कतारी मरुभूमिमा पालुवा?

    दोहाका सडकहरु ‘जीपीएस’ पथ प्रदर्शकहरुबाट अभ्यस्त भइसकेका छन्।

  • सहसचिव ईश्वरराज पौडेल, संयाेजक, सुन तस्करी अनुसन्धान टाेली

    पञ्चायतदेखि लोकतन्त्रसम्म सुन तस्करीको ‘अन्डर लेयर’ उस्तै: ईश्वरराज पौडेल (अन्तर्वार्ता)

    एक सय दिनको अनुसन्धानमा सुन तस्करीको सञ्जाल भत्काउन सफल भएका छौं। हामीले देखाएको स्पष्ट चित्र के हो भने सरकारी निकायको सहकार्यमा सुन तस्करी शून्यमा...

  • अर्थ मन्त्रालय

    अाज आर्थिक वर्षको अन्तिम दिन, सरकारको कमाइ कति?

    सधैँजस्तै साउन १ देखि याे वर्ष पनि सरकारकाे क्यालेन्डर फेरिँदैछ।

  • मोडरिच र एम्बाप्पे

    विश्वकपको व्यक्तिगत विधामा उत्कृष्टहरुको प्रदर्शन कस्तो?

    रुस विश्वकपमा गोल्डन बल अवार्ड हात पार्दै क्रोएशियाका कप्तान लुका मोडरिच विश्वकै उत्कृष्ट खेलाडी बन्दा १९ वर्षिय फ्रान्सका केलियन एम्बाप्पे...