‘हवाइ, रेल र सडकमार्फत नेपाललाई दुई मुलुकसँग जोड्छौं’



प्रधानमन्त्री पुष्पकमल दाहालले हवाई, रेल र सडकमार्गबाट देशलाई दुई ठूला राष्ट्रसँग जोड्ने अभियान थालेको बताएका छन्।

नेपाल चेम्बर अफ कमर्सको ६६ औँ वार्षिक साधारणसभा तथा चेम्बर दिवस उद्घाटन समारोहलाई आज सम्बोधन गर्दै उनले नेपाल दुई ठूला देशको बीचमा रहेकाले त्यसबाट फाइदा लिन यस्तो गर्न लागिएको बताए। त्यसैगरी दाहालले त्रिदेशीय व्यापारिक साझेदारी कायम गर्नसके त्यसको सबैभन्दा बढी फाइदा नेपाललाई हुने बताए। हवाई, रेल र सडक यातायात सम्पर्कबाट त्रिदेशीय व्यापारिक साझेदारिता बढाउने उद्देश्य अनुरुप उत्तर–दक्षिण मार्ग निर्माणमा जोड दिएको उनको भनाइ छ।

नेपाल उद्योग वाणिज्य महासंघका अध्यक्ष पशुपति मुरारकाले निरन्तर विद्युत् आपूर्ति गर्न सरकारले अग्रसरता देखाएजस्तै आर्थिक वृद्धिमा पनि अभियान चलाउनुपर्ने बताए। कार्यक्रममा दाहालले रुग्ण उद्योगलाई पुनःस्थापना गर्ने तयारीमा सरकार लागेको जानकारी दिए। वित्तीय क्षेत्रलाई सुदृढ बनाउन हालै बैँक तथा वित्तीय संस्थासम्बन्धी ऐन पारित भयो, नयाँ खुल्ने उद्योगलाई विद्युत् आपूर्ति गर्न सरकारले सहयोग गर्ने उनको भनाइ छ।
दाहालले आर्थिक क्षेत्रसँग सम्बन्धित निर्णय गर्दा निजी क्षेत्रसँग सुझाब माग्ने बताएका छन्।

चेम्बरका अध्यक्ष राजेशकाजी श्रेष्ठले विद्युत उत्पादन बढाएर पेट्रोलियम पदार्थको आयात घटाउनुपर्ने सुझाव दिए। अहिले आर्थिक वृद्धिदर एक प्रतिशतभन्दा कम छ, वार्षिक एक खर्बभन्दा बढी पेट्रोलियम पदार्थको आयातमा खर्चिनुपरेको छ। यसबाट मुक्त गर्ने आर्थिक नीति निर्माण गरिनुपर्ने उनको भनाइ छ।

त्यसैगरी, कार्यक्रममा सो अवसरमा लोडसेडिङ न्यून गर्न योगदान दिएको भन्दै नेपाल विद्युत् प्राधिकरणका कार्यकारी निर्देशक कुलमान घिसिङलाई सम्मान गरिएको थियो।

प्रकाशित २७ पुस २०७३, बुधबार | 2017-01-11 18:50:29

प्रतिकृया दिनुहोस

Loading...
Loading...

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • ओली, देउवा र दाहाल

    ओली, दाहाल र देउवालाई सर्वसम्मत गराउने गृहकार्य

    एमाले र माओवादी केन्द्रबीच प्रतिनिधि सभा निर्वाचनमा शीर्ष नेतालाई सर्वसम्मत रुपमा निर्वाचित गर्ने गृहकार्य सुरु भएको छ। कम्तिमा तीन पार्टीका शीर्ष...

  • दुई मृत तारा टकराएको दृश्यको कलात्मक चित्रण

    दुई मृत ताराबीच ठक्कर, पृथ्वीबाट पहिलो पटक अवलोकन

    दुई मृत तारा आपसमा ठोक्किएको दृश्य र तरंग आफूहरुले पहिलो पटक अवलोकन गर्न सफल भएको खगोलविद्हरुले सोमबार जनाएका छन्। आपसमा ठोक्किएर विलय हुनुअघि ती...

  • शेरबहादुर देउवा

    माओवादीका मन्त्रीको जिम्मेवारी खोसियो,कमल थापाले पाए ऊर्जा मन्त्रालय

    प्रधानमन्त्री शेरबहादुर देउवाले नेकपा माओवादी केन्द्रका मन्त्री र राज्यमन्त्रीको जिम्मेवारी खोसेका छन्। जिम्मेवारी खोसिएसँगै माओवादी केन्द्रका सबै...

  • फूलैफूलको मौसम तिमिलाई

    काठमाडौंको इचंकुनारायण पुग्दा ठाउँ–ठाउँमा फूल–खेती देखियो। ढकमक्क फूलेका रंगीचङ्गी फूल देख्दा तिहारको गाढा झल्को मिल्यो। इचंकुनारायणमा देखिएका...