विराटचोकमा कोसीहरैंचा एक्स्पो तयारी



उदीयमान सहर विराटचोकमा आगामी फागुन २१ देखि २७ सम्म विशेष महत्वका साथ कोसीहरैचा एक्स्पो–२०७३ सञ्चालन गरिने कुरा आयोजक समितिले पत्रकार सम्मेलन गरी जानकारी दिएको छ। आयोजक मूल समितिका संयोजक एवम् उद्योगी भोलेश्वर दुलालले पूर्वमा नै सबैभन्दा ठूलो व्यापारिक कारोबार हुने एक्स्पो लगाउने तयारी भइरहेको बताए।

कृषि तथा औद्योगिक प्रदर्शनीको सम्मिश्रणको सघनता रहने एक्स्पोलाई भव्य र सहभागितामूलक बनाउनका लागि उपभोक्ताले चाहेको वस्तु एकै स्थानमा उपलब्ध गराउने एक्स्पोको मूल ध्येय रहेको संयोजक दुलालले बताए।

रु ६८ लाखको लागतमा एक्स्पो लगाउने स्थानको तयारी थालिएको जानकारी दिँदै एक्स्पो स्थलमा २०१ स्टल रहने संयोजक दुलालले उल्लेख गर्दै एक्स्पोमा नुनदेखि सुनसम्म एकै ठाउँ भने झै उपभोग्य सामानदेखि मनोरञ्जनका साधनसमेत सुलभ मूल्यमा उपलब्ध गराउने प्रयास हुने जानकारी दिए।

एक लाख मानिसले एक्स्पो अवलोकन गर्नेछन् भन्ने विश्वास गरिएको सो कृषि तथा औद्योगिक एक्स्पोले रु १० करोडको आर्थिक कारोबार गर्ने विगतका एक्स्पोको अनुभवबाट अनुमान गरेको उद्योग वाणिज्य सङ्घ विराटचोकका अध्यक्ष नवराज चापागाईंले बताए। एक्स्पोमा टिकट बिक्री र स्टलबाट मात्र रु एक करोड ४५ लाख आम्दानी हुने पनि अनुमान गरिएको बताइएको छ।

एक्स्पोमा अटोमोबाइल्सका २१ वटा, कृषि उत्पादनका १० वटा, खाद्य परिकारका होटलको २० वटा र अन्य विभिन्न उत्पादनका १५० वटा स्टल रहने तयारी पनि भइरहेको एक्स्पो मूल आयोजक समितिका महासचिव सन्तोष वान्तवाले बताए। रासस

प्रकाशित २६ पुस २०७३, मंगलबार | 2017-01-10 09:39:52

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • सन्दिप प्रतियोगिताकै उत्कृष्ट नेपाली खेलाडी

    नेपाली युवा क्रिकेटर सन्दिप लामिछाने फेरि एकपटक चर्चामा छन्। सिंगापुरमा आयोजित एसिया क्षेत्रको यू–१९ विश्वकप छनौटका खेलमा एकपछि अर्को गर्दै...

  • चिनियाँ परराष्ट्र मन्त्रालयका प्रवक्ता लु खाङ्ग

    भारतले जति छिटो कुरा बुझ्छ, उति छिटो दोक्लम विवाद सुल्झिन्छः चीन

    चीन–भारत सीमा क्षेत्र, सिक्किमको दोक्लाम क्षेत्रमा महिनौँदेखि जारी विवाद अझै तत्काल सुल्झिने छाँटकाँट छैन। जारी समस्याको समाधान निकाल्न भारत नै...

  • म्याग्दीको रघुगंगा गाउँपालिका–३ राहुघाटमा भरतबहादुर मल्ल

    बयरको झाडी र सिरु फाँडेर बनाइएको नमूना कृषि फार्म

    “हिजो विदेशमा पसिना बगाइयो, तर उपलब्धि खासै भएन, केही गरौँ भन्ने सोचले कृषिमा लागेको हुँ, अहिले आफ्नै परिवारसँग बसेर सहजरुपमा दैनिकी चलाउन सकेको...

  • यू-१९ विश्व कपमा छनोट हुन सकेन नेपाल

    एसिया क्षेत्रको छनोटमा विजेता राष्ट्रले यू–१९ विश्वकपमा छनोट हुन पाउने प्रावधान थियो। सोही प्रावधान बमोजिम अपराजितले रहेको अफगानिस्तानले यू–१९...