राजनीतिक दवाब त आउँछ, तर ऋण मिनाह नगर्नुस्ः गर्भनर



गभर्नर डा. चिरञ्जीवी नेपालले बैंकबाट लिएको ऋण मिनाहा गराउन राजनैतिक दवाव आउने गरेको बताएका छन्। तर आफूले यस्तो दवाब वास्ता नगरेको बताउँदै उनले बैंकरहरुलाई पनि दवावमा नपरी आफ्नो दायराको ऋण चुक्ता गराएरै छोड्न सल्लाह दिएका छन्।

गुरॉस लघुवित्त वित्तीय संस्था लिमिटेडको धनकुटा बजारमा आयोजित उद्‍घाटन समारोहमा उनले यो सल्लाह दिएका हुन्। ‘सीप र जॉगर भएकालाई वित्तीय संस्थाहरुले ऋण उपलब्ध गराएर जीवन उत्थानमा टेवा पुर्‍याइरहेको छ,’ उनले भने, ‘बैंकको ऋण लिएर मिनाहा गराउन दवाव दिनु उचित पनि होइन।’

कतिपय ऋण लिएका व्यक्तिहरु राजनीतिक पार्टी परिवर्तन गर्दै मिनाहा गराउन दवाव दिने गरेको उनको भोगाइ रहेछ। ‘तर जुनसुकै दवावको पनि सामना गरिन्छ’, उनले भने, ‘राष्ट्र बैंकले जनताको पैसालाई सुरक्षा गर्ने जिम्मा लिएको छ।’

उनले साहुसँग ऋण काढेर खाडी मुलुकमा श्रम गर्न विदेशिने युवा जमातले स्वदेशमा नै बैंकबाट सहुलियत दरमा ऋण लिएर आयमूलक व्यवसाय गर्नुपर्ने सुझाव दिए। ‘यसका लागि हाम्रो सक्दो सहयोग हुनेछ’, उनले भने ‘आउनोस् हामी सेवा गर्न तत्पर छौं।’

बैंक तथा वित्तीय संस्थाले आफूले मात्र नाफा गर्नेभन्दा तल्ला वर्गका जनतालाई विश्वास दिलाई सेवा गर्नु पर्ने उनको सुझाव थियो। उनले ६८ प्रतिशत कृषि क्षेत्रमा सम्लग्न रहेकासहित ७८ प्रतिशत गरिबीको अवस्था रहेकोले उत्पादनमूलक कार्यमा वित्तीय संस्था तथा बैंकले लगानी गर्नु पर्ने सुझाए।

यसैगरी उनले मुलुकमा सजिलै उत्पादन गर्न सकिने उपभोग्य वस्तुसमेत विदेशबाट निर्भर हुनु दुखद् रहेको भन्दै चार महिनामा एक अर्ब रुपियाँको फलफूल र करोडौंको तरकारी विदेशबाट आयात भएको तथ्यांक प्रस्तुत गरे। ‘हामी सामान्य वस्तुमा पनि आत्मनिर्भर हुन सकेनौं’’, उनले भने, ‘हाम्रो ध्यान त्यता जानु आवश्यक छ। परिनिर्भरताले हाम्रो विकास हुन सक्दैन।’

प्रकाशित २३ पुस २०७३, शनिबार | 2017-01-07 09:29:45

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • सन्दिप प्रतियोगिताकै उत्कृष्ट नेपाली खेलाडी

    नेपाली युवा क्रिकेटर सन्दिप लामिछाने फेरि एकपटक चर्चामा छन्। सिंगापुरमा आयोजित एसिया क्षेत्रको यू–१९ विश्वकप छनौटका खेलमा एकपछि अर्को गर्दै...

  • चिनियाँ परराष्ट्र मन्त्रालयका प्रवक्ता लु खाङ्ग

    भारतले जति छिटो कुरा बुझ्छ, उति छिटो दोक्लम विवाद सुल्झिन्छः चीन

    चीन–भारत सीमा क्षेत्र, सिक्किमको दोक्लाम क्षेत्रमा महिनौँदेखि जारी विवाद अझै तत्काल सुल्झिने छाँटकाँट छैन। जारी समस्याको समाधान निकाल्न भारत नै...

  • म्याग्दीको रघुगंगा गाउँपालिका–३ राहुघाटमा भरतबहादुर मल्ल

    बयरको झाडी र सिरु फाँडेर बनाइएको नमूना कृषि फार्म

    “हिजो विदेशमा पसिना बगाइयो, तर उपलब्धि खासै भएन, केही गरौँ भन्ने सोचले कृषिमा लागेको हुँ, अहिले आफ्नै परिवारसँग बसेर सहजरुपमा दैनिकी चलाउन सकेको...

  • यू-१९ विश्व कपमा छनोट हुन सकेन नेपाल

    एसिया क्षेत्रको छनोटमा विजेता राष्ट्रले यू–१९ विश्वकपमा छनोट हुन पाउने प्रावधान थियो। सोही प्रावधान बमोजिम अपराजितले रहेको अफगानिस्तानले यू–१९...